მილანის „ინტერის“ კაპიტანმა ხავიერ ძანეტიმ „ბარსელონას“ ლიდერი ლიონელ მესი ლეგენდარულ დიეგო მარადონას შეადარა. 40 წლის მცველი არ დაკონკრეტებულა, თუ რომელია მისთვის უკეთესი ფეხბურთელი.
„მესი და მარადონა თავიანთი ეპოქის უძლიერესი ფეხბურთელები არიან. პირველ მათგანთან ერთად ერთ გუნდში ვთამაშობდი, ფანტასტიური იყო. მას გასაოცარი სისწრაფე და ტექნიკა აქვს.
მარადონა ჩემი მწვრთნელი იყო და არგენტინის ნაკრებში თამაშის პერიოდში ვცდილობდი, გადმომეცა ის განცდები, რასაც მაშინ ვგრძნობდი“, – ხავიერ ძანეტის სიტყვები „კალჩო მერკატომ“ გამოაქვეყნა.
შეგახსენებთ იმასაც, რომ არგენტინელი მცველი ექვსთვიანი უქმობის შემდეგ „ინტერის“ განაცხადში დაბრუნდა. მართალია, მას „უდინეზეს“ წინააღმდეგ გამართულ მატჩში არ უთამაშია, თუმცა სათადარიგოთა შორის იყო. ძანეტი მოედანზე დაბრუნებას იანვრამდე გეგმავს.
ბექა დოგრაშვილი