ბრიტანული „მირორის“ ცნობით, „გალათასარაი“ თავისთან ჯონ ტერის მიწვევას აპირებს. როგორც მოგეხსენებათ, 33 წლის მცველს „პენსიონერებთან“ მოქმედი კონტრაქტი მიმდინარე სეზონის ბოლოს უმთავრდება. წყაროს თანახმად, თურქული კლუბის ხელმძღვანელობას სურს, რომ ტერი თავისუფალი აგენტის სტატუსით მიიღოს.
„გალათასარაი“ ინგლისელ ფეხბურთელს ორწლიან კონტრაქტს და სეზონში 5 მილიონ ფუნტს შესთავაზებს, რაც კვირაში 100 ათასი ფუნტის ტოლფასია. შექმნილ სიტუაციას პრემიერლიგის რამდენიმე კლუბი აკვირდება, თუმცა საეჭვოა, მათ ტერისთვის დასახელებულ თანხაზე მეტის გადახდა შეეძლოთ.
მანამდე გავრცელებული ინფორმაციის თანახმად, „ჩელსი“ ტერისთან კონტრაქტის გახანგრძლივებას აპირებს, თუმცა „გალათასარაის“ გამოჩენამ შეიძლება, სიტუაცია შეცვალოს.
ბექა დოგრაშვილი
