“იუვენტუსის” ნახევარმცველი ანდრეა პირლო მლს-ის მატჩს დაესწრო. იტალიელმა “ნიუ-იორკ სიტისა” და “ტორონტოს” შეხვედრას უყურა, იუწყება New York Post.
შეხვედრა, რომელიც ნიუ-იორკში ჩატარდა მასპინძელთა გამარჯვებით, 2:0 დასრულდა, დუბლი დავიდ ვილიამ გაიფორმა.
გუშინ, “იუვეში” პირლოს ყოფილმა თანაგუნდელმა სებასტიან ჯოვინკომ, რომელიც ახლა “ტორონტოში” თამაშობს, პირლოს მლს-ში გადაბარგება ურჩია.
გთავაზობთ დღის გამორჩეულად საინტერესო სატრანსფერო ამბებს.
იუვენტუსს ჯოვინკოს უფასოდ გაშვება არ სურს
ინგლისური პრემიერლიგის რამდენიმე კლუბი “იუვენტუსის” შემტევით, სებასტიან ჯოვინკოს გადაბირებითაა დაინტერესებული. ტურინში აღნიშნული დაინტერესების თაობაზე იციან და ფეხბურთელის უფასოდ გაშვება არ სურთ.
სიტის ჯეი როდრიგესი სურს
“მანჩსტერ სიტი” მილნერთან განშორების შემთხვევაში “საუთჰემპტონის” ფორვარდის, ჯეი როდრიგესის ყიდვას შეეცდება. მანჩესტერელებს ლეგიონერებზე დაწესებულ ლიმიტთან დაკავშირებით სერიოზული პრობლემები აქვთ. ამიტომ, ინგლისელ ფეხბურთელთან განშორების შემთხვევაში ახალწვეულიც აღნიშნული ქვეყნის პასპორტის მქონე უნდა იყოს.
იუვენტუსი არგენტინელით ძლიერდება
“იუვენტუსი” “ბოკა ხუნიორსიდან” ტომას პოკეტინოს გადაბირებას აპირებს. 1996 წელს დაბარებულ ფეხბურთელს იტალიური პასპორტი აქვს. შესაბამისად, ლიმიტის პრობლემა ამ შემთხვევაში აქტუალური არ იქნება.
მოსალოდნელია, რომ კონტრაქტის გაფორმების შემდეგ “იუვე” ფეხბურთელს “სასუოლოში” გაანათხოვრებს.
ჩელსი ახალგაზრდა რუმინელს შეიძენს
ლონდონის “ჩელსი” შემადგენლობას 17 წლის რუმინელი ფეხბურთელით გააძლიერებს. “არისტოკრატები” “ვიტორულადან” კრისტიან მანის 2,5 მილიონ ევროდ შეიძენენ. აღსანიშნავია, რომ მანი რუმინეთის ყველაზე ახალგაზრდა მოთამაშეა, რომელსაც ეროვნულ ნაკრებში უთამაშია.
პედრო ინგლისურ კლუბებს სურთ
ლონდონის “არსენალი” და “ლივეპრული” “ბარსელონადან” პედროს გადაბირებით ინტერესდებიან. კლუბის შეცვლა ესპანეთის ნაკრების მოთამაშესაც სურს.
იტალიური პრესის ცნობით მოახლოებულ სატრანსფერო ფანჯრის დროს ანტონიო კასანო “იუვესნტუსის” ფეხბურთელი გახდება, ხოლო ტურინიდან პარმაში ჯოვინკო გაემგზავრება. მიმდინარე სეზონში ჯოვინკომ რვა შეხვედრა ჩაატარა და ერთი გოლი გაიტანა. კასანომ კი, 16 შეხვედრაში 6-ჯერ შესძლო მეტოქის კარის დალაშქვრა.
აღსანიშნვაია, რომ Transfermarkt-ის მონაცემებით ჯოვინკოს ფასი 18 მილიონი ევროა, ხოლო 31 წლის კასანოს ფასი 6 მილიონია.
ტურინის “იუვენტუსის” თავდამსხმელი, სებასტიან ჯოვინკო აცხადებს, რომ “ბიანკონერი” “მილანთან” გამარჯვებას იმსახურებდა.
შეგახსენებთ, რომ სერია A-ს მეშვიდე ტურში, “იუვენტუსმა” საკუთარ მოედანზე “მილანი” მიიღო და მეტოქე ანგარიშით 3:2 დაამარცხა. ჯოვინკო მოედანზე 67-ე წუთზე გამოჩნდა და ზუსტად ორ წუთში გოლის გატანაც მოახერხა.
“კარგად ვითამაშეთ და დამსახურებული გამარჯვება მოვიპოვეთ. რა თქმა უნდა, შეცდომები დავუშვით, თუმცა მათი გამოსწორება შესაძლებელია. მიუხედავად იმისა, რომ “მილანმა” გოლი მატჩის დასაწყისში გაგვიტანა, თამაშის მიმდინარეობისას, კონცენტრაცია მოვიკრიბეთ. ცხადია, მნიშვნელოვანი სამი ქულა მოვიპოვეთ.
რაც შეეხება გოლს, ყველა გოლი მნიშვნელოვანია, განსაკუთრებით კი, ასეთ მატჩებში”, – ამბობს ჯოვინკო.
