მადრიდის “რეალის” მწვრთნელმა, კარლო ანჩელოტიმ, “დეპორტივოსთან” შეხვედრის დროს გულშემატკივართა სტვენის შესახებ ისაუბრა.
“ნორმალური მოვლენაა, რომ მარცის შემდეგ გულშემატკივრები უკმაყოფილოები არიან და გვისტვენენ. ცუდია, როდესაც 0:4 აგებ დერბიში და ამას ყველა ხვდება. თუმცა, შემდეგ ეს სტვენა აპლოდისმენტებით შეიცვალა.
ვხვდებით, რომ გამარჯვებების მოპოვება ჩვენთვის ძალიან მნიშვნელოვანი და აუცილებელია. გულშემატკივრებს კი დიდი მადლობა მხარდაჭერისთვის” – განაცხადა ანჩელოტიმ.
მადრიდის “რეალის” მთავარმა მწვრთნელმა კარლო ანჩელოტიმ “სამეფო კლუბის” მეორე გუნდის თავკაცი ზინედინ ზიდანი შეაქო.
“ზიდანის მიერ გაწეულ სამუშაოს ვაფასებ. მისთვის ეს დამოუკიდებლად მუშაობის პირველი წელია. მას ყველაფერი აქვს იმისთვის, რომ წარმატებული მწვრთნელი გახდეს”, – ანჩელოტის სიტყვები “ლე ფიგარომ” გამოაქვეყნა.
მადრიდის „რეალის“ მთავარმა მწვრთნელმა კარლო ანჩელოტიმ კრიშტიანუ რონალდუს დისკვალიფიკაციის შესახებ ისაუბრა.
„დისკვალიფიკაცია, ნებისმიერ შემთხვევაში, ცუდია. რონალდუ ორ მატჩს გამოტოვებს, თავისუფალ დროს კი დერბისთვის მომზადებაზე დახარჯავს. ამჟამად კრიშტიანუს ჯანმრთელობის პრობლოემები არ აქვს.
თავისი ქმედებისთვის რონალდუმ ბოდიში უკვე მოიხადა. მან შეცდომა დაუშვა, რაც კარგად გააცნობიერა. მსგავსი შემთხვევა აღარ განმეორდება“, – განაცხადა „ბლანკოსის“ თავკაცმა.
მადრიდის “რეალის” მთავარმა მწვრთნელმა კარლო ანჩელოტიმ განაცხადა, რომ მის გუნდს ამ დრომდე ეტყობა ჟოზე მოურინიოს ხელი.
“კარგად ვიცნობ მოურინიოს მეთოდოლოგიას. მისი მუშაობის სტილი ჩემსას ჰგავს, ის დიდ ყურადღებას უთმობს ბურთით ვარჯიშს.
როდესაც “რეალში” მოვედი, მასზე ცუდი არაფერი გამიგია. არ ვიცი, რა მოხდა მასსა და ფეხბურთელებს შორის. როდესაც ახალი ციკლი დავიწყე, მოუსა და მოთამაშეებს შორის მომხდარი უკვე დავიწყებას იყო მიცემული”, – ციტირებს ანჩელოტის სიტყვებს tribalfootball-ი.
მადრიდის „რეალის“ მთავარი მწვრთნელი კარლო ანჩელოტი დღეს ოფიციალურად იტალიური ფეხბურთის დიდების დარბაზის წევრი გახდა. სპეციალურ ცერემონიაზე ანჩელოტიმ მუზეუმს თავისი მაისურიც გადასცა, რომლითაც მან 1990 წლის მსოფლიოს ჩემპიონატზე იტალიის ნაკრების რიგებში ითამაშა. შეგახსენებთ, რომ იმ მუნდიალზე „სკუადრა აძურამ“ მესამე ადგილი დაიკავა.
სპეციალისტის ბოლო წარმატებებს შორის მადრიდის „რეალთან“ გასულ სეზონში ჩემპიონთა ლიგის მოგების აღნივნა შეიძლება. 2014 წლის ბოლოს „სამეფო კლუბთან“ ერთად ანჩელოტიმ მსოფლიოს საკლუბო ჩემპიონატიც მოიგო. „მილანში“ მუშაობის პერიოდში კარლოს გუნდი ევროპის ყველაზე პრესტიჟული ტურნირის ფინალში სამჯერ გავიდა – აქედან გუნდმა ორჯერ გაიმარჯვა.
მადრიდის „რეალის“ მთავარი მწვრთნელის კარლო ანჩელოტის აზრით, მის გუნდს შემადგენლობის როტაცია არ სჭირდება.
„ახლა როტაციას დიდად არ ვსაჭიროებთ. ვფიქრობ, გუნდი რიგზეა.
ტრავმების პრობლემა არ გვაწუხებს, უახლოეს მატჩებში მხოლოდ პეპე და მოდრიჩი ვერ დაგვეხმარებიან.
გუნდი ფსიქოლოგიურად ძლიერია, რამდენიმე მოთამაშეს კი მეტი დრო აქვს, ამიტომაც ისინი კარგ შედეგს აღწევენ. ყველაზე მეტად რონალდუ და კროოსი თამაშობენ, რადგან მათი ყოფნა, ფსიქოლოგიური თვალსაზრისით, გუნდისთვის მნიშვნელოვანია“, – განაცხადა იტალიელმა სპეციალისტმა.
მადრიდის „რეალის“ მთავარმა მწვრთნელმა კარლო ანჩელოტიმ განაცხადა, რომ თავის გუნდში „ბარსელონას“ ლიდერს ლიონელ მესის იხილაბდა.
„მესი „რეალში“? ეს ამბავი გამიხარდებოდა. თუმცა, არ უნდა დაგვავიწყდეს, რომ „რეალის“ სახე რონალდუა, ხოლო „ბარსას“ – მესი. ყველას თავისი გუნდი და ისტორია ჰყავს, მაგრამ ორივე ამ ფეხბურთელს ჩვენს გუნდში ხილვა სასიამოვნო იქნებოდა. ამის წარმოადგენა რთულია“, – განაცხადა ანჩელოტიმ.
მადრიდის “რეალის” მწრთნელმა კარლო ანჩელოტიმ კრიშტიანუ რონალდუ “სამეფო კლუბის” ყოფილ მოთამაშეს, ზინედინ ზიდანს შეადარა. ორივე ფეხბურთელმა “ოქროს ბურთის” მოგება სამჯერ მოახერხა.
“ყოველთვის ვამბობდი, რომ ვარჯიშებზე ზიდანის თამაში აღფრთოვანებული ვიყავი. ის მოედანზე სასწაულებს აკეთებდა. კრიშტიაუ რონალდუ კი ყველაზე მეტად თამაშის დროს მაკვირვებს. მას სოცარი ტალანტი აქვს და ის ყოველთვის მუშაობს საკუთარ თავზე” – განცხადა ანჩელოტიმ/
შვეიცარიის ქალაქ ციურიხში მიმდინარე “ოქროს ბურთის” დაჯილდოების ცერემონიაზე 2014 წლის საუკეთესო მთავარი მწვრთნელი დაასახელეს. ეს წოდება გერმანიის ნაკრების თავკაცმა იოახიმ ლიოვმა მოიპოვა, რომელიც “ბუნდესთიმთან” ერთად მსოფლიოს ჩემპიონი გახდა. გამოკითხვაში ფეხბურთის გერმანელმა სპეციალისტმა ხმათა 36,23 პროცენტი მიიღო. მეორე ადგილზე გავიდა მადრიდის “რეალის” მთავარი მწვრთნელი კარლო ანჩელოტი (22,06%). საუკეთესო სამეულს “ატლეტიკოს” თავკაცი დიეგო სიმეონე ხურავს (19,02%).
“არ ვთვლი, რომ ეს ჯილდო მხოლოდ მე მეკუთვნის, ეს მთელი ნაკრების საკუთრებაა. გერმანულ ფეხბურთში წლების განმავლობაში შეიქმნა ისეთი პირობები, რამაც ბრაზილიაში გამარჯვების შესაძლებლობა მოგვცა. ეს წოდება იმაზე მიუთითებს, რომ მეც და სამწვრთნელო შტაბის დანარჩენი წევრებიც სწორი მიმართულებით მივდიოდით. 2014 წლის მწვრთნელებად გერმანიის ახალგაზრდული გუნდის თავკაცებსაც დავასახელებდი. მათაც დიდი წვლილი მიუძღვით ამ გამარჯვებაში. ლომის წილი დაიდეს იმათმაც, ვინც ჩვენს ქვეყანაში საფეხბურთო სტრუქტურა შექმნეს. არ შეიძლება, არ აღვნიშნო ბუნდესლიგა, რომლის გარეშეც განვითარება შეუძლებელი იქნებოდა. თანაშემწეების დახმარების გარეშე ეს ყველაფერი მიუღწეველი დარჩებოდა. ვთვლი, რომ ამ ჯილდოს ანჩელოტი და სიმეონეც იმსახურებენ”, – განაცხადა ლიოვმა.
მადრიდის „რეალის“ მცველი სერხიო რამოსი „ესპანიოლთან“ ესპანეთის პრიმერა დივიზიონის მეცამეტე ტურის მატჩში მონაწილეობას არ მიიღებს. აღნიშნული გადაწყვეტილება „ბლანკოსის“ მთავარმა მწვრთნელმა კარლო ანჩელოტიმ მიიღო, რომლის აზრით, მოთამაშეს დასვენება სჭიღდება.
„რამოსი არ გვეყოლება, შემადგენლობაში სხვა ცვლილებებს არ ვგეგმავთ.
„ატლეტიკოსთან“ პეპე დავასვენე, ახლა რამოსის ჯერი დადგა. როდესაც საკმაოდ ბევრს თამაშობ, შესაძლოა, შემდგომ ცუდი შედეგი მიიღო. სერხიო სათასო შეხვედრაში დაგვიბრუნდება“, – განაცხადა მადრიდელთა დამრიგებელმა.
„პარი სენ-ჟერმენის“ ნახევარმცველმა მარკო ვერატიმ ზლატან იბრაჰიმოვიჩთან დაკავშირებული საინტერესო ფაქტი გაიხსენა.
„2012/13 წლების სეზონში ჩემპიონობის წინ „ლიონთან“ მნიშვნელოვანი მატჩი გველოდებოდა. კარლო ანჩელოტი ცოტა ნერვიულობდა, ამიტომაც იბრა მასთან მივიდა და ჰკითხა, სწამს თუ არა მას იესო ქრისტესი. ანჩელოტიმ მას დადებითი პასუხი გასცა, რის შემდეგაც ზლატანმა უთხრა: „ჩინებულია, თუ შენ იესოსი გწამს, ესე იგი, ჩემიც გწამს. შეგიძლია, მოდუნდე“.
ზლატანი ასეთია, იგი საკუთარ თავში ყოველთვის დარწმუნებულია. დიდებული მოთამაშე იგი სწორედ ამის წყალობითაა“, – განაცხადა ვერატიმ.
მადრიდის „რეალის“ მთავარმა მწვრთნელმა კარლო ანჩელოტიმ „ვალენსიასთან“ წაგებულ მატჩზე ისაუბრა.
„ჩვენ კარგი მატჩი ჩავატარეთ და არ უნდა წაგვეგო, თუმცა შექმნილი მომენტები ვერ გამოვიტენეთ. ფეხბურთში ყველაფერი ხდება. გუნდმა კარგად იმუშავა.
ოდესმე უნდა წაგეგო, თუმცა არ დაგავიწყდეთ, რას მივაღწიეთ. „ვალენსიას“ გამარჯვებას ვულოცავ, იგი კარგად იბრძოდა.
სეზონი გრძელია, ჩვენ კარგ მდგომარეობაში ვრჩებით“, – განაცხადა „ბლანკოსის“ დამრიგებელმა.
