მადრიდის „რეალის“ მთავარი მწვრთნელის კარლო ანჩელოტის ასისტენტმა პოლ კლემენტმა, შესაძლოა, „დერბი ქაუნთის“ წინადადება მიიღოს.
კლუბი, რომელიც მიმდინარე სეზონის შედეგების მიხედვით პრემიერლიგაში გადასასვლელ პლეიოფშიც ვერ მოხვდა, გუნდის დამრიგებლის სტივ მაკლარენის გაშვებას აპირებს, რაც კლემენტის დანიშნის ალბათობას ზრდის.
აქამდე ანჩელოტის ასისტენტის სახელს ასევე „სანდერლენდს“ უკავშირებდნენ.
„მილანის“ ვიცე-პრეზიდენტმა ადრიანო გალიანიმ გუნდის მთავარი მწვრთნელის ფილიპო ინძაგის მომავალზე ისაუბრა.
„ყოველთვის ვამბობდით, რომ ამ სეზონის დასრულება ინძაგისთან ერთად გვსურდა, რის შემდეგად გადაწყვეტილებას მივიღებთ.
ანჩელოტი? მას ხშირად ვესაუბრები, ისევე, როგორც „მილანის“ სხვა ყოფილ დიდ თავკაცებს. მაგალითად, არიგო საკისთან და ფაბიო კაპელოსთან დიალოგი ხშირად მაქვს“, – განაცხადა გალიანიმ.
კომპანია „მაიკროსოფტთან“ საპარტნიორო ხელშეკრულების გაფორმების შემდეგ მადრიდის „რეალის“ ფეხბურთელები კლუბის პრეზიდენტ ფლორენტინო პერესს გაესაუბრნენ და მთავარი მწვრთნელის პოსტზე კარლო ანჩელოტის დატოვება სთხოვეს.
„მომწონს, როდესაც მწვრთნელს ადამიანური თვისებების გარდა, კიდევ ბევრი სხვა კარგი თვისება გააჩნია, რაც ანჩელოტის ნადმვილად არ აკლია“, – განაცხადა სერხიო რამოსმა.
„მიხარია, რომ მასთან ვმუშაობ“, – აღნიშნა რონალდუმ.
„ანჩელოტის რბილი ხელი აქვს. მისი ხელმძღვანელობის უფრო მეტს ვმუშაობთ, ვიდრე მოურინიოს თავკაცობით გვიწევდა“, – თქვა პეპემ.
„ფეხბურთელებთან ახლო ურთიერთობა ანჩელოტის განსაკუთრებულს ხდის“, – აცხადებს ბეილი.
„თუ არჩევანის სააშუალება მექნებოდა, მას აუცილებლად დავტოვებდი“, – განაცხადა ბეილმა.
„ანჩელოტი – ჩემპიონია“, – აღნიშნა კროოსმა.
იტალიური Sport Mediaset-ის ცნობით, კარლო ანჩელოტიმ “მანჩესტერ სიტისთან” აპრილში წინასწარი კონტრაქტი გააფორმა.
წყარო იუწყება, რომ იტალიელი სპეციალისტი მადრიდულ კლუბში საკუთარ მომავალში დარწმუნებული არ არის და გუნდს “საკუთარი ინიციატივით” დატოვებს.
“იმ შემთხვევაში თუ ანჩელოტი პრეზიდენტის და გულშემატკივრების მხარდაჭერას ვერ იგრძნობს, ის გუნდს წარმატებებს უსურვებს და დაემშვიდობება” – იუწყება იტალიური მედიასაშუალება.
ჩემპიონთა ლიგის ფინალს მიღმა დარჩენის შედეგ მადრიდის „რეალის“ ნახევარმცველმა ტონი კროოსმა გუნდის მთავარ მწვრთნელს კარლო ანჩელოტის მხარი დაუჭირა.
„მწვრთნელის ბედს გუნდი არ წყვეტს. ანჩელოტი დიდებული სპეციალისტია. ფინალში გასვლასთან ახლოს ვიყავით. ცუდ სპეცილისტთან ასეთი შედეგის მიღწევა შეუძლებელია.
პრობლემა მომენტების რეალიზაციასთან გვქონდა, რადგან ფინალში გასასვლელად მეტი გოლი გვჭირდებოდა“, – განაცხადა კროოსმა.
მადრიდის “რეალის” მთავარმა მწვრთნელმა კარლო ანჩელოტიმ ესპანეთის პრიმერადივიზიონში ორმატჩიანი დისკვალიფიკაცია მიიღო.
ფეხბურთის იტალიელმა სპეციალისტმა “ვალენსიას” წინააღმდეგ გამართულ მატჩში მომუშავე არბიტრის, კარლოს კლოს გომესის მიმართ უპატივცემულობა გამოავლინა.
შეხვედრის პროტოკოლში გომესმა ჩაწერა: “მატჩის შემდეგ მასპინძელი გუნდის მთავარმა მწვრთნელმა კარლო ანჩელოტიმ 30 მეტრი გაიარა იმისთვის, რომ ჩემთან მოსულიყო და ტაში დაეკრა. მან ასე გამოხატა უკმაყოფილება ჩვენი მუშაობით. იგი იგივეს აკეთებდა ტრიბუნქვეშა დარბაზში ჩემი და ჩემი ასისტენტის მისამართით”.
ამრიგად, ანჩელოტი “რეალს” ვერ უხელმძღვანელებს პრიმერადივიზიონში დარჩენილ ორი მატჩში — “ესპანიოლთან” და “ხეტაფესთან”.
მადრიდის „რეალის“ მთავარი მწვრთნელი კარლო ანჩელოტი აპრილში ესპანეთის პრიმერა დივიზიონის საუკეთესო მწვრთნელად დასახელდა.
წინა თვეში „ბლანკოსმა“ ჩემპიონატში 6 მატჩი ჩაატარა, რომელთაგან ყველა მოიგო. ამის დახმარებით „რეალი“ სატურნირო ცხრილში „ბარსელონას“ ორი ქულით მიუახლოვდა.
შეგახსენებთ, რომ მარტის საუკეთესო მწვრთნელად „სევილიას“ დამრიგებელი უნაი ემერი დასახელდა.
მადრიდის „რეალის“ მთავარი მწვრთნელი ტურინის „იუვენტუსთან“ წაგებული მატჩის შემდეგ ჟურნალისტებს გაესაუბრა.
„შესვენების შემდეგ „იუვენტუსმა“ ზეწოლას მოუმატა, ჩვენი პრობლემების რიცხვმა კი უფრო იმატა. როდესაც მეტოქე 3-5-2 სქემაზე გადავიდა, მინდორზე ნაკლები თავისუფალი ზონა იყო.
მეორე გოლის დროს არ გაგვიმართლა – „იუვეს“ კონტრშეტევა მოგერიებული დარტყმის შემდეგ დაიწყო. გარდა ამისა, ხამესის ეპიზოდშიც არ გაგვიმართლა, როდესაც ბურთი ძელს მოხვდა.
ჯამში, „იუვენტუსმა“ ისე ითამაშა, როგორც მოველოდი – გუნდმა ორგანიზებული თამაში აჩვენა და შანსები გამოიყენა. ვფიქრობ, საყურებლად მატჩი ძალიან საინტერესო გამოდგა.
საპასუხი შეხვედრაში, პირველ რიგში, მოთმინება გვმართებს“, – განაცხადა ფეხბურთის იტალიელმა სპეციალისტმა.
მადრიდის „რეალის“ მთავარმა მწვრთნელმა კარლო ანჩელოტიმ „სევილიასთან“ ესპანეთის პრიმერა დივიზიონის 35-ე ტურის მოგებული მატჩის შემდეგ განაცხადა, რომ მის გუნდს ჩემპიონობის იმედი ჯერ კიდევ არ დაუკარგავს.
„არამგონია, რომ უნაი ემერი რამით დაგვეხმარა – პირიქით. მისმა გუნდმა სოლიდურად ითამაშა და ბევრი პრობლემა შეგვიქმნა.
იმედი ბოლოს კვდება. ბოლომდე გვჯერა, რომ მიმდინარე სეზონში ესპანეთის ჩემპიონები გავხდებით“, – განაცხადა „რეალის“ დამრიგებელმა.
მადრიდის „რეალის“ მთავარმა მწვრთნელმა კარლო ანჩელოტიმ გუნდის უახლოეს განრიგზე ისაუბრა.
„ალმერიასთან“ უახლოეს მატჩში ქულების დაკარგვის შემთხვევაში, მდგომარეობა კიდევ უფრო დაგვიმძიმდება. ჩვენი მიზანი ლა ლიგის დარჩენილი ხუთ მატჩის მოგებაა. „იუვენტუსთან“ ჩემპიონთა ლიგაზე ორი ფრეც კი საკმარისი იქნება.
დიახ, რთული კალენდარი გვაქვს, მაგრამ დარწმუნებული ვარ, რომ ყველაფერს გავუმკლავდებით. გუნდი კარგი ფორმაშია, მოთამაშეებს ოპტიმალური ფორმა არ დაუკარგავთ“, – განაცხადა იტალიელმა სპეციალისტმა.
მადრიდის „რეალის“ მთავარმა მწვრთნელმა კარლო ანჩელოტიმ სეზონის დარჩენილ ნაწილში თავისი გუნდის პერსპექტივა შეაფასა.
„ჩემპიონთა ლიგის მოგება პრიმერას მოგებაზე უფრო რთული იქნება. ევროთასზე მეტოქეებთან თანაბრად ვართ, შიდა ჩემპიონატში კი „ბარსელონას“ ჩამოვრჩებით.
ჩემპიონთა ლიგის მოგება ძალიან მნშვნელოვანია. ახლა ასეთივე შემართებით პრიმერაში თამაშსაც ვაპირებთ.
„სელტა“ სწრაფი გუნდია, მისი დამარცხება ადვილი არ იქნება“, – განაცხადა „ბლანკოსის“ თავკაცმა.
ჩემპიონთა ლიგის 1/2 ფინალის კენჭისყრა მადრიდის „რეალის“ მთავარმა მწვრთნელმა კარლო ანჩელოტიმაც შეაფასა.
„ჩვენი ოცნება კვლავ ფინალში გასვლაა. მის ასასრულებლად მზად ვართ. ისეთივე გუნდი გვჭირდება, რომელმაც „ატლეტიკოსთან“ ითამაშა. თავდაჯერებულობა არ გვაკლია.
„იუვენტუსი“ დიდი ისტორიის მქონე კლუბია, რომელიც ნახევარფინალში 12-წლიანი პაუზის შემდეგ გავიდა. ტურინელებს ჩინებული სეზონი აქვს, მათ ეროვნული პირველობა თითქმის მოიგეს. ეს იმას ნიშნავს, რომ ჩემპიონთა ლიგას ისინი მეტ დროს დაუთმობენ.
გულშემატკივრები „ბაიერნთან“ გასული სეზონის ნახევარფინალურ დაპირისპირებაში ძალიან დაგვეხმარნენ. მათი მხარდაჭერა განვლილ მეოთხეფინალშიც ვიგრძენით. „სანტიანო ბერნაბეუზე“ ყველაფერმა კარგად ჩაიარა. იმედია, ასე ნახევარფინალშიც ვითამაშებთ“, – განაცხადა იტალიელმა სპეციალისტმა.
