არგენტინის ნაკრების თავკაცი ხერარდო მარტინეს უახლოეს მომავალში კარლოს ტევესის გამოძახებას არ გამორიცხავს.
შეგახსენებთ, რომ ბოლოს კარლოსმა ნაკრების მაისური 2011 წლის კოპა ამერიკაზე მოირგო.
“ტევესის არყოფნაზე 2-3 წლის წინაც და ახლაც საკმაოდ ბევრს საუბრობენ. ამჯერად სხვა მოთამაშეების ნახვა მსურდა, მაგრამ თუ ის ასე გააგრძელებს, შესაძლოა, დავურეკო კიდეც” – განაცხადა მარტინომ იტალიურ პრესასთან საუბრისას.
“იუვენტუსის” ფორვარდმა კარლოს ტევესმა განაცხადა, რომ “რომასგან” სერიოზულ კონკურენციას არ ელოდა.
“გულახდილად რომ გითხრათ, “რომას” მთავარი კონკურენტად არ მივიჩნევდი. ჩემთვის ეს სიუპრიზი იყო. არ მეგონა, ასეთი ძლიერი გუნდი თუ იქნებოდა. მიმდინარე სეზონშ ისინი უფრო მოგვიახლოვდნენ. გარსიამ ყველა დაარწმუნა, რომ რომაელებს რამდენიმე ფრონტზე წარმატებულად შეუძლიათ თამაში” – განაცხადა ტევესმა იტალიურ პრესასთან საუბრისას.
შეგახსენებთ, კვირას სერია ა-ს ტურის ცენტრალური შეხვედრის ფარგლებში “იუვენტუსი” “რომას” დაუპირისპირდება.
სექტემბერი მიილია… იტალიის სერია A-ში, ნამდვილად იყო რამდენიმე საინტერესო მომენტი, რომელიც შეუმჩნეველი არ უნდა დაგვრჩეს. შეძლებისდაგვარად, ვეცდებით ეს მომენტები და ფაქტები შემოგთავაზოთ.
საუკეთესო მწვრთნელი: ანდრეა სტრამაჩონი (უდინეზე).
”ინტერიდან” წასვლის შემდეგ, ანდრეა სტრამაჩონიმ დაამტკიცა, რომ მწვრთნელობა მაღალ დონეზე კვლავ შეუძლია.
”უდინეზეს” სერია A-ში ბრწყინვალე სტარტი ჰქონდა. სექტემბერში, სტრამაჩონის გუნდს ადვილი კალენდარი არ ჰქონდა, 5 თამაშიდან, ”ზებრებს” 3 თამაში, ”ლაციოსთან”, ”ნაპოლისთან” და ”იუვენტუსთან უწევდათ. ”უდინეზე”, მხოლოდ ”იუვენტუსთან” დამარცხდა, დანარჩენ შეხვედრებში კი გამარჯვება მოიპოვა. ანდრეა სტრამაჩონიმ და მისმა ასისტენტმა, დეიან სტანკოვიჩმა, ”უდინეზეს” სათამაშო სტილში კორექტირება შეიტანეს. მათ ასევე გარკვეული საკარდრო ცვლილებებიც განახორციელეს (ძირითადი მეკარე გახდა ორესტის კარნეზისი, მარჯვენა მცველად მუდამ გვევლინება – სილვან ვიდმერი, ნახევარდაცვის ცენტრში კი – პანაიოტის კონე). შედეგად, ”უდინეზე” შედეგების მხრივ უფრო პროდუქტიული გახდა.
არ შეიძლება, რომ დი ნატალეს თამაში არ აღინიშნოს. 36 წლის ფეხბურთელი, ახალი სეზონის დასაწყისში, ფაქტობრივად მიწასთან გაასწორეს. აღარავინ ფიქრობდა, რომ ის 36 წლის ასაკში, კვლავ შესძლებდა გუნდისთვის ნაყოფიერი სარგებლის მოტანას. 2013 წლის მაისში, სტრამაჩონი ”ინტერიდან” გაანთავისუფლეს, ამის შემდეგ იგი აღარავის ახსოვდა, მაგრამ მან, სერია A-ში დაბრუნება, ტრიუმფალურად აღნიშნა. დღეისთვის, ”უდინეზე” სატურნირო ცხრილში მე-3 პოზიციაზე იმყოფება და ”იუვენტუსს” და ”რომას” 3 ქულით ჩამორჩება.
საუკეთესო ფეხბურთელი: კარლოს ტევესი (იუვენტუსი).
სექტემბერში, კიდევ ერთხელ დავრწმუნდით, რომ კარლოს ტევესი, სერია A-საუკეთესო თავდამსხმელია. არგენტინელი ფეხბურთელი, ”იუვენტუსის” მიერ დაფიქსირებული წარმატებული შედეგის ერთ-ერთი მთავარი ფიგურაა. გასულ თვეში, მის ანგარიშზე 4 გოლი და 1 საგოლე პასი დაფიქსირდა, ჩემპიონთა ლიგაზე კი 2 გოლი გაიტანა. კარლიტო თითქმის ყველა თამაშში იტანს, ასეთი ფეხბურთელის ხელში, ”იუვენტუსს” სადარდებელი ნამდვილად არ ექნება (მინიმუმ იტალიაში).
საუკეთესო მატჩი: ”პარმა” 4-5 ”მილანი”
ჩვენ ვიხილეთ ისეთი თამაში, რომელიც სერია A-ს დამახასიათებელ მოსაწყენ თამაშებს არ განეკუთვნება. ეს იყო გრანდიოზული შედეგი, რომელიც ჰოკეის სტილში მიმდინარეობდა. ესეთი თამაშები, ჩემპიონატს მართლაც რომ შესანიშნავ ხიბლს მატებს.
ყველაზე წარუმატებელი მწვრთნელი: რაფაელ ბენიტესი (ნაპოლი).
”ნაპოლის” მიმდინარე სეზონში საშინელი სტარტი ჰქონდა. ამ კლუბში, მფლობელებმა წარმოუდგენელი შრომა ჩადეს და რაფაელ ბენიტესმა აშკარად გაუცრუა იმედები. გუნდი უაზროდ კარგავს ქულებს. ”ნაპოლიში” აშკარად შეინიშნება დაცვის სუსტი თამაში და გუნდს უფრო მაღალკვალიფიციური მცველები ესაჭიროება. თურქეთსი გაყიდული გორან პანდევის აგენტი, კარლო პალავიჩინო ამბობს: ”ნაპოლის” გუნდური სულისკვეთება არ გააჩნია, დიდი გამარჯვების მისაღწევად, კი ეს ძალიან მნიშვნელოვანია. ასე რომ, რაფა ბენიტესი, გუნდის დატოვების ერთ-ერთ მთავარ კანიდატად მოიაზრება.
ყველაზე წარუმატებელი ფეხბურთელი: ნემანია ვიდიჩი (ინტერი).
ყველამ კარგად ვიცით, რომ ვიდიჩი, დაბალი დონის მცველთა სიას არ განეკუთვნება, მაგრამ სერბი ფეხბურთელი, სექტემბრის თვეში ერთ-ერთი ყველაზე წარუმატებელი მცველი იყო სერია A-ში. ვიდიჩი იღებს წითელ ბარათებს, ”იკიდებს” პენალტებს და უშვებს ისეთ შეცდომებს, რომელიც გუნდის საბოლოო შედეგზე უარყოფითად მოქმედებს. შესაძლოა ვიდიჩი, ”ინტერის” ტაქტიკურ სქემას ვერ შეეჩვია, რომელიც 3 მცველით თამაშს გულისხმობს. ვიდიჩი წლიურად 3 მილიონ ევროს იღებს, რის გამოც გუნდის მფლობელი კი მისგან გაცილებით მეტს ელის.
თვის შოკი: ”ინტერი” 1-4 ”კალიარი”.
ალბათ, ყველას გაუკვირდა ამ მატჩის საბოლოო შედეგი. გასულ თვეში, ”კალიარი” სერია A-ს გუნდებს შორის, ყველაზე ნაკლებად ჩანდა და საპატიო ბოლო ადგილიც ეკავა, მაგრამ მოვიდა ”ინტერთან” თამაშის დრო და ამ გუნდმა სასწაული ჩაიდინა, ”ინტერი”, ანგარიშით 1-4 გაანადგურა და მთელი მსოფლიო აალაპარაკა. ეს იყო ნამდვილი შოკი.
ფაქტი: ”იუვენტუსი” არის ერთადერთი გუნდი, რომელსაც სექტემბერში გოლი არ გაუშვია.
ციტატა: ”ყველა მწვრთნელი გადაწყვეტილების მიღებამდე ბევრს ფიქრობს. აწონ-დაწონის, თუ რომელი გადაწყვეტილება იქნება მისთვის საუკეთესო და მომგებიანი. 3 წლის განმავლობაში, ანტონიო კონტემ ”იუვენტუსში” ბრწყინვალე შედეგი აჩვენა. მე მისგან ბრწყინვალედ ორგანიზებული გუნდი ჩავიბარე, მაგრამ აქ კიდევ ბევრი რამ არის გასაუმჯობესებელი.” – მასიმილიანო ალეგრი, ”იუვენტუსის” მთავარი მწვრთნელი.
საუკეთეთესო 3 გოლი
სტეფანო ოკაკა (სამპტოდია) – გოლი ”ტორინოსთან”.
ჟერემი მენეზი (მილანი) – გოლი ”პარმასთან”. ჟერემი მენეზის მიერ ”პარმასთან” გატანილი გოლი, ევროპაში ერთ-ერთ საუკეთესო გოლად აღიარეს.
მატია დესტრო (რომა) – ცენტრიდან გატანილი გოლი ”ვერონასთან”.
რა გველის ოქტომბერში?
5 ოქტომბერი: ”იუვენტუსი” – ”რომა”, ”ფიორენტინა” – ”ინტერი”.
19 ოქტომბერი: ”ფიორენტინა” – ”ლაციო”, ”ინტერი” – ”ნაპოლი”.
26 ოქტომბერი: ”მილანი” – ”ფიორენტინა”.
ტურინის ”იუვენტუსი” ტევესთან კონტრაქტის გახანგრძლივებას აპირებს.
”ბიანკონერის” გენერალური დირექტორი, ბეპე მაროტა, მზადაა არგენტინელ ფეხბურთელს ახალი კონტრაქტი შესთავაზოს, რომელიც კლუბში დარჩენას 2018 წლის ივნისამდე გულისხმობს.
ამის მიუხედავად, Tuttosport-ის ინფორმაციით, თავად ტევესი ”ბოკა ხუნიორსში” დაბრუნების ვარიანტს განიხილავს და ახალ კონტრაქტზე, შესაძლოა უარი განაცხადოს. არგენტინელს, ”ბებერ სინიორასთან” მიმდინარე კონტრაქტი 2016 წელს ეწურება.
ტურინის “იუვენტუსის” თავდამსხმელი კარლოს ტევესი კვლავ არგენტინის ნაკრების განაცხადს მიღმა დარჩა.
მიუხედავად იმისა, რომ არგენტინული პრესა აქტიურად წერდა, ტევესს ბრაზილიისა და ჰონგ-კონგის ნაკრებების წინააღმდეგ გასამართი ამხანაგური მატჩებისთვის ეროვნულ გუნდში უხმობენო, 30 წლის ფორვარდმა “ალბისელესტესგან” მოწვევა ვერც ამჯერად მიიღო.
სამაგიეროდ, არგენტინის ნაკრების ახლადდანიშნულმა თავკაცმა ხერარდო მარტინომ ნაკრებში “იუვენტუსის” ახალწვეულ რობერტო პერეირას უხმო.
არგენტნის ნაკრების განაცხადი დამდეგ ამხანაგური მატჩებისთვის ასეთია: მესი, მასკერანო, მუსაჩიო, იგუაინი, რომერო, რ. პერეირა, ბილია, პასტორე, აგუერო, საბალეტა, დემიჩელისი, დი მარია, როხო, ლამელა, ვერგინი, ფ. ფერნანდესი, ე. პერესი, გაიტანი, გუზმანი.
არგენტინის ნაკრები ბრაზლიის ეროვნულ გუნდს 11 ოქტომბერს, ჰონგ-კონგის ნაკრებს კი 14 ოქტომბერს გაეჯიბრება.
იტალიის სერია A-ს III ტურის ცენტრალური მატჩი “სან სიროზე” გაიმართა, სადაც “მილანმა” ტურინის “იუვენტუსი” მიიღო. შეხვედრა “ბებერმა სინიორას” გამარჯვებით დასრულდა. ერთადერთი გოლი მატჩის 71-ე წუთზე ტურინელთა არგენტინელმა თავდამსხმელმა კარლოს ტევესმა გაიტანა, რომელმაც მატჩის შემდეგ მცირე კომენტარი გააკეთა.
“ველოდით, რომ თამაში სწორედ ასე განვითარდებოდა. “მილანმა” სეზონი ორი გამარჯვებით დაიწყო, თუმცა ჩვენ საკუთარი თავის რწმენა არ დაგვიკარგავს. ახლა უფრო ხშირად სიღრმიდან ვთამაშობ და მომწონს ეს ახალი პოზიცია, მაგრამ დღეს გოლი გატანის ბევრი შანსი არ მომცემია. ნაიჯელ დე იონგი მუდმივად მაკონტროლებდა, თუმც გოლი მაინც გავიტანე”, – ციტირებს ტევესის სტყვებს Sky Sport Italia.
არგენტინელმა ფეხბურთელმა გატანილი გოლი ორიგინალურად აღნიშნა, ტრუსიდან საწოვარა ამოიღო.
“ეს ჩემს შვილს მივუძღვენი”, – აღნიშნა ტევესმა.
იტალიის სერია ა-ს მესამე ტურის ცენტრალური შეხვედრა, რომლის ფარგლებშიც ერთმანეთს “მილანი” და “იუვენტუსი” დაუპირისპირდნენ, სტუმართა მინიმალური გამარჯვებით, 0-1 დასრულდა. ერთადერთი გოლის ავტორი 71-ე წუთზე კარლოს ტევესი გახდა.
”იუვენტუსის” არგენტინელმა ფორვარდმა კარლოს ტევესმა ”ინტერის” ხელმძღვანელობა წარმატებული სატრანსფერო პოლიტიკა მიულოცა და “ინტერის” შესახებ ისაუბრა.
”ინტერი” არის კიდევ ერთი დიდ გუნდი იტალიურ ფეხბურთში. ”ნერაძურიმ” სატრანსფერო ბაზარზე ძლიერი და გამოციდლი ფეხბურთელები დაიმატა: მედელი, ოსვალდო, მ’ვილა, ვიდიჩი. მაცარის სახით მათ უძლიერესი მწვრთნელი ჰყავთ, რომელიც საკუთრი საქმის პროფესიონალია. მან იცის თუ როგორ მოამზადოს გუნდი კარგად თამაშისთვის.”-განაცხადა ტევესმა
ჩემპიონთა ლიგის სასტარტო მატჩში ტურინის “იუვენტუსმა” კარლოს ტევესის დუბლის წყალობით “მალმიოს” დამარცხება შესძლო.
იუვენტუსი 2-0 მალმი
გოლები: ტევესი 59′ ; 90′
ტურინის “იუვენტუსის” თავდამსხმელი კარლოს ტევესი დაშავდა.
არგენტინელმა ფეხბურთელმა ოთხშაბათის საწვრთნელ პროცესზე კუნთები დაიზიანა. პირველადი ინფორმაციით, ტევესი “უდინეზეს” წინააღმდეგ 13 სექტემბერს გასამართ მატჩს გამოტოვებს. გარდა ამისა, არგენტინელი თავდამსხმელის თამაში საეჭვოა ჩემპიონთა ლიგის ჯგუფურ ეტაპზე “მალმიოს” და სერია A-ს III ტურში “მილანის” წინააღმდეგ გასამართ შეხვედრებში.
შეგახსენებთ, რომ “იუვენტუსს” ასევე დაშავებული ჰყავს ანდრეა პირლო და არტურო ვიდალი.
არგენტინულ პრესაში გავრცელებული ინფორმაციის თანახმად, ტურინის “იუვენტუსის” თავდამსხმელის კარლოს ტევესის მამა გაიტაცეს.
გაზეთ Clarin-ის ცნობით, გატაცება დილის 5 საათზე მოხდა. გამტაცებლებმა გამოსასყიდის მიღების მიზნით ტევესის ოჯახის წევრებს ორჯერ დაურეკეს. თავდაპირველად, მათ არ იცოდნენ, რომ გატაცებული კარლოს ტევესის მამა იყო, ამიტომ მცირე თანხა მოითხოვეს, თუმცა შემდეგ დამნაშავეებმა ყველაფერი გაარკვიეს და უფრო დიდი თანხის მიღება მოინდომეს.
თუ არგენტინულ მედიას დავუჯერებთ, გამტაცებლებმა თანხა უკვე მიიღეს.
„იუვენტუსის“ თავდამსხმელმა კარლოს ტევესმა კლუბის ხელმძღვანელობას მთავარი მწვრთნელის პოსტზე რობერტო მანჩინის დანიშვნა გადააფიქრა.
„ბიანკონერის“ თავკაცის პოსტიდან ანტონიო კონტეს წასვლის შემდეგ მანჩინი მის ერთ-ერთ შემცვლელად მოიაზრებოდა, თუმცა არგენტინელმა ფორვარდმა კლუბის ხელმძღვანელებს ულტიმატუმი წაუყენა და „მანჩესტერ სიტის“ ექს-თავკაცის დანიშვნის შემთხვევაში წასვლით იმუქრებოდა, რის შესახებაც „Football Italiა“ ცნობილ გამოცემა „Corriere della Sera“-ზე დაყრდნობით წერს.
შეგახსენებთ, რომ ტევესი მანჩინისთან ერთად „მანჩესტერ სიტიში“ მუშაობდა. მიუნხენის „ბაიერნთან“ ჩემპიონთა მატჩის დროს მწვრთნელსა და ფეხბურთელს შორის კონფლიქტი მოხდა, რადგან არგენტინელმა ცვლილებაზე გამოსვლაზე უარი თქვა.
გეტყვით იმასაც, რომ ტურინელთა დამრიგებლად „მილანის“ ყოფილი თავკაცი მასიმილიანო ალეგრი დაინიშნა.
