ჭდე: კარვალიო

მოსკოვის “ცსკას” ყოფილი ნახევარმცველი კარვალიო დიდი ფეხბურთიდან წავიდა და კარიერას ფუტსალში გააგრძელებს. 30 წლის ბრაზილიელმა ეს გადაწყვეტილება ხშირი ტრავმების გამო მიიღო.

“დიდ ფეხბურთში 17 წელიწადი ვიყავი. ახლა კი დავასრულე კარიერას პორტის ამ სახეობაში და ფუტსალში გადავდივარ. ჩემი ახალი კლუბი ბრაზილიური “პელოტასი” იქნება, სადაც მე ბევრი კარგი მეგობარი მყავს” – განაცხადა კარვალიომ.

ბრაზილიის ნაკრების ყოფილი ფეხბურთელის დებიუტი ფუტსალში 25 ნოემბერს შედგა, ბრაზილიის ეროვნული ჩემპიონატის ფარგლებში გამართულ შეხვედრაში.

შეგახსენებთ, რომ მოსკოვის “ცსკას” თანამედროვე ისტორიის ყველაზე დიდი წარმატება, 2005 წელს უეფას თასის მოგება, სწორედ კარვალიოს სახელს უკავშრდება. ბრაზილიელი იმ ფორმაციის გუნდის ერთ-ერთი მთავარი დამრტყმელი ძალა იყო.