თუ ესპანურ გაზეთ SPORT-ს დავუჯერებთ, ლონდონის “არსენალი” მადრიდის “რეალის” კარის დარაჯის, იკერ კასილასის შეძენასთან ძალიან ახლოსაა.
იკერ კასილასი კარგა ხანია “სამეფო კლუბის” პირველ მეკარედ აღარ მოიაზრება. მასზე ხშირად თამაში კი დიეგო ლოპესს უწევს. შეიძლება, ითქვას, რომ იკერმა მსოფლიოს 2014 წლის ჩემპიონატზეც ცუდად ითამაშა.
შეგახსენებთ, რომ 33 წლის ფეხბურთელი მადრიდის “რეალის” რიგებში 1998 წლიდან ირიცხება.
ბრაზილიის ეროვნული ნაკრებისა და მადრიდის “რეალის” ყოფილი ფეხბურთელი რობერტო კარლოსი აცხადებს, რომ ესპანეთის ნაკრების მეკარე იკერ კასილასს მსოფლიოს 2014 წლის ჩემპიონატის მიმდინარეობისას მხარში არცერთი თანაგუნდელი არ ამოუდგა.
შეგახსენებთ, რომ ესპანეთის ნაკრებმა ჯგუფური ეტაპის დაძლევა ვერ შეძლო, “სამეფო კლუბის” კარის დარაჯმა კი რამდენიმე მნიშვნელოვანი შეცდომა დაუშვა.
“ბრაზილიაში, როცა მარცხდები, მთელი გუნდი მარცხდება და როცა იმარჯვებ, მთელი გუნდი იმარჯვებს. ნათელია, რომ იკერი თავის საუკეთესო ფორმაში არ იმყოფებოდა, თუმცა მას თანაგუნდელები მხარში არ ამოუდგნენ და არ დაეხმარნენ.
როცა მეკარე შეცდომას უშვებს, ამას დიდი აჟიოტაჟი მოჰყვება. ამ დროს, კარის დარაჯს ბევრი აკრიტიკებს. ვწუხვარ, რომ იკერმა შეცდომები დაუშვა, მაგრამ ვფიქრობ, რომ ყველაფერი კარგად იქნება”, – ამბობს კარლოსი.
18 ივნისს, ესპანეთისა და ჩილეს ნაკრებებს შორის გასამართი მატჩის დაწყების წინ, ერთ-ერთი მსაჯი საკმაოდ უხერხულ სიტუაციაში მოხვდა.
როგორც იცით, მადრიდის “რეალის” ფეხბურთელებმა ჩემპიონთა ლიგის მოგება თავიანთ გულშემატკივრებთან ერთად “სანტიაგო ბერნაბეუზე” აღნიშნეს. იკერ კასილასი კი სტადიონზე თავის პატარა შვილთან ერთად გამოჩნდა.
მადრიდის “რეალის” კარის დარაჯი იკერ კასილასი აცხადებს, რომ მას ჩემპიონთა ლიგის მოგება ძალიან სურს, ხოლო გუნდი გამარჯვებას გულშემატკივრებს მიუძღვნის.
“პირველ რიგში, ძალიან მინდა ჩემპიონთა ლიგა მოვიგოთ. გამარჯვებას აუცილებლად ჩვენს გულშემატკივრებს მივუძღვნით. მათ ჩვენს გამო, გული ბევრჯერ დაწყდათ და ვალდებულები ვართ, ახლა გავახაროთ.
“ატლეტიკო” ძლიერი გუნდია და ცხადია, რთულ შეხვედრას ველით”, – ამბობს კასილასი.
11 მაისს, ესპანეთის პრიმერა დივიზიონში “სელტამ” საკუთარ მოედანზე მადრიდის “რეალი” მიიღო და მეტოქე ანგარიშით 2:0 დაამარცხა.
აღნიშნულ მატჩში 56-ე წუთზე, მინდორზე არბელოას ნაცვლად კოენტრაო შევიდა. როდესაც არბელოა სათადარიგოთა სკამთან მივიდა, მან ყველა თანაგუნდელს ხელი ჩამოართვა, გამონაკლისი კი მხოლოდ იკერ კასილასი იყო. ამის შემდეგ, სათადარიგოთა რიგებში გადაინაცვლა სამი ხედირამ, რომელსაც იკერმა ხელი ჩამოართვა.
ამ ყოველივეს გამო, რამდენიმე ესპანური გამოცემა ირწმუნება, რომ კასილასსა და არბელოას შორის განხეთქილებაა.
რამდენიმე დღის წინ, მადრიდში საქველმოქმედო ღონისძიება ჩატარდა, რომელშიც ბევრი ცნობილი სპორტსმენი მონაწილეობდა. მათ შორის იყვნენ იკერ კასილასი, ტიბო კურტუა, რაფაელ ნადალი, დავიდ ვილა, სერენა უილიამსი და სხვები.
ლონდონის “არსენალის” ესპანელი ფეხბურთელი სანტი კასორლა აცხადებს, რომ მისი თანამემამულე იკერ კასილასით “მეთოფეებიც” არიან დაინტერესებულნი.
შეგახსენებთ, რომ კასილასი უკვე ორი სეზონია, გუნდის ნომერ პირველ მეკარედ აღარ ითვლება, იკერს თამაში მხოლოდ ჩემპიონთა ლიგასა და ესპანეთის თასზე უწევს.
“იკერი მართლაც რთულ სიტუაციაშია, მაგრამ მან გადაწყვეტილება უნდა მიიღოს. მისი შეძენა ბევრ ევროპულ კლუბს სურს, რომელთა შორის “არსენალიცაა”. თუმცა, ჩემი აზრით, კასილასს “რეალის” დატოვება გაუჭირდება”, – უთხრა კასორლამ Sport360-ს.
საფეხბურთო პორტალმა GiveMeSport-მა მსოფლიო ფეხბურთში ათი ყველაზე მაღალანაზღაურებადი მეკარე დაასახელა.
* თანხები მოცემულია ფუნტ სტერლინგში
10. სალვატორე სირიგუ – 2.6 მილიონი
9. უგო ლორისი – 3 მილიონი
8. დავიდ დე ხეა – 3.64 მილიონი
7. პეპე რეინა – 4.2 მილიონი
6. ჯო ჰარტი – 4.68 მილიონი
5. ვიქტორ ვალდესი – 5 მილიონი
4. პეტრ ჩეხი – 5.2 მილიონი
3. ჯანლუიჯი ბუფონი – 5.5 მილიონი
2. მანუელ ნოიერი – 5.6 მილიონი
1. იკერ კასილასი – 6.3 მილიონი
ვიდეო-კამერებმა ესპანეთის ეროვნული ნაკრების ვარჯიშზე საკმაოდ საინტერესო კადრი დააფიქსირეს.
მადრიდის “რეალის” კარის დარაჯი იკერი კასილასი აცხადებს, რომ მას “სამეფო კლუბში” დარჩენა 40 წლამდე სურს, თუმცა არ არის გამორიცხული, ამჟამინდელი კონტრაქტის ამოწურვის შემდეგ სხვა გუნდს მიაშუროს.
შეგახსენებთ, რომ იკერ კასილასს მადრიდის “რეალის” ძირითად შემადგენლობაში ყოფნა იშვიათად უწევს, რადგან ის მხოლოდ ესპანეთის თასსა და ჩემპიონთა ლიგაზე თამაშობს.
“ვფიქრობ, თამაშჳ 40 წლამდე შემიძლია. თუმცა, ყველაფერი იმაზეა დამოკიდებული, მეკარე კონკრეტულ ასაკში როგორ ფორმაში იქნება. მინდა, “რეალში” დიდიხნით დავრჩე, მაგრამ კონტრაქტის ამოწურვის შემდეგ, არ ვიცი, რა მოხდება”, – ამბობს კასილასი.
26 თებერვალს, ჩემპიონთა ლიგის გათამაშებაში, “შალკესა” და “რეალს” შორის გამართულ შეხვედრაში იკერ კასილასმა ჩინებული სეივი განახორციელა.
