ჭდე: კევინ დურანტი

„იუტა ჯაზთან“ ანგარიშით 113:91 მოგებულ მატჩში „ოკლაჰომა-სიტი თანდერის“ ფორვარდი კევინ დურანტი ნაციონალური საკალათბურთო ასოციაციის ისტორიაში მეოთხე მოთამაშე გახდა, რომელსაც ზედიზედ 57 მატჩში 20 ქულაზე ნაკლები არ დაუგროვებია. „დურანტულამ“ ხსენებულ შეხვედრაში ოც ქულასთან ერთად 9 პასი და 8 მოხსნა მიითვალა.

აქამდე მსგავს შედეგს მხოლოდ ალენ აივერსონმა, კობი ბრაიანტმა და ორჯერ მაიკლ ჯორდანმა მიაღწიეს.

„ოკლაჰომა სიტი თანდერის“ ფორვარდის კევინ დურანტის აზრით, ESPN-მა იჩქარა, როდესაც ის ყველა დროის საუკეთესო მესამე ნომერთა სამეულში შეიყვანა.

„ყოველთვის ვთვლიდი, რომ მსგავს სიტუაციებში მოთამაშის კარიერის დასრულებას უნდა ველოდოთ.

ნამდვილად მგონია, რომ ჩემს პოზიაციაზე საუკეთესოთა შორის ვარ, მაგრამ კარიერის ამ ეტაპზე ყველა დროის გამორჩეულთა გვერდით ჩემი ადგილი არ არის“, – განაცხადა „თანდერის“ ლიდერმა.

„ოკლაჰომა-სიტი თანდერის“ ფორვარდმა კევინ დურანტმა ჟურნალისტებს განუცხადა, რომ ჯანმრთელობასთან დაკავშრებულ კითხვებზე პასუხს არ აპირებს და მომავალში მათ ყურადღებას არ მიაქცევს.

„საკუთარ თავს ვუთხარი, რომ მსგავს კითხებზე პასუხის გაცემას აღარ ვაპირებ“, – ციტირებს დურანტს ESPN-ი.

შეგახსენებთ, რომ გასული სეზონის დიდი ნაწილი კევინმა ტერფის ერთ-ერთი ძვლის მოტეხილობის გამო გააცდინა. სარეაბილიტაციო კურსის დროს კალათბურთელმა ორი ოპერაცია გაიკეთა და ოფიციალურ მატჩებში 2015 წლის თებერვლის შემდეგ აღარ უთამაშია.

„ოკლაჰომა-სიტი თანდერის“ ფორვარდმა კევინ დურანტმა გულშემატკივრები გააფრთხილა, რომ ოპტიმალურ ფორმას მხოლოდ რეგულარული ჩემპიონატის მიმდინარეობისას დაუბრუნდბეა.

„ჩემი ორგანიზმი რიგზეა. მესმის, რომ სეზონისთვის მომზადება და ოპტიმალურ ფორმაში ჩადგომა გარკვეულ დროს მოითხვოს, თუმცა ახლა სწორ გზაზე ვდგავარ“, – ციტირებს კევინს ESPN-ი.

შეგახსენებთ, რომ ტრავმის გამო დურანტმა გასული სეზონის დიდი ნაწილი გამოტოვა.

„ოკლაჰომა-სიტი თანდერის“ ფორვარდმა კევინ დურანტმა „ინსტაგრამზე“ დაწერა, რომ ცნობილი ვებსაიტის „The Players’ Tribune“-ს ხელმძღვანელობის დამხმარე გახდა. ცნობისთვის, ამ პორტალზე სპორტსმენებს თავისი ტექსტების გამოქვეყნების საშუალება აქვთ. პროექტის შემქმნელი ყოფილი ბეისბოლის მოთამაშე დერეკ ჯეტერია.

„დერეკ ჯეტერთან მუშაობის დაწყებას მოუთნელად ველი. ეს ის ადგილია, სადაც სპორტსმენებს თავისი აზრის გამოთქმის საშუალება ეძლევათ და თავს უსაფრთხოდ გრძნობენ“, – დაწერა დურანტმა „ინსტაგრამზე“.

„ოკლაჰომა-სიტი თანდერის“ ფორვარდმა კევინ დურანტმა თავისი ყველა დროის საუკეთესო ნაკრები დაასახელა.

„ჩემი სიმბოლური ნაკრების სასტარტო ხუთეული ასეთი იქნებოდა: გამთამაშებლად მეჯიკ ჯონსონს დავაყენებდი, შემტევი უკანახაზელი კი კობი ბრაიანტი იქნებოდა. ფორვარდები მაიკლ ჯორდანი და ტიმ დანკანი იქნებოდნენ, ხოლო ცენტრი – შაქილ ო’ნილი. გარდა ამისა, სათადარიგოთა სკამზე ლარი ბერდი და კარლ მელოუნი მეყოებოდნენ“, – ციტირებს დურანტს „NBA Maniacs“-ი.

აღსანიშნავია, რომ დურანტის მიერ ნახსენები შვიდი კალათბურთელიდან ოთხი სხვადასხვა პერიოდში „ლეიკერსში“ გამოდიოდა.

„ოკლაჰომა-სიტი თანდერის“ ფორვარდი კევინ დურანტი აშშ-ს ნაკრების სამწვრთნელი ბანაკის მონახულებას აპირებს, რომელიც 11 აგვისტოდან 13 აგვისტომდე ლას-ვეგასში იგეგმება. ამის შესახებ „USA Today“ წერს.

ამავდროულად, კალათბურთელი, რომელიც ამჟამად ტრავმის შემდეგ მკურნალობს, მოედანზე გამოსვლას არ აპირებს, თუმცა შეკრებაზე იმიტომ მიდის, რათა რიო-დე-ჟანეიროს ოლიმპიურ თამაშებზე წამსვლელთა კანდიდატებს შორის იყოს.

იგივე მიზეზით ლას-ვეგასში ჩასვლას ტრავმირებულები კევინ ლავი, კარმელო ენტონი, ჩენდლერ პარსონსი და პოლ ჯორჯი გეგმავენ.