მიუნხენის „ბაიერნის“ მთავარი მწვრთნელი ხოსეპ გვარდიოლა ზაფხულის ტრანსფერო ფანჯრის დროს გუნდის შემადგენლობის მნიშვნელოვნად შეცვლას არ გეგმავს. ამის შესახებ ფეხბურთის ესპანელმა სპეციალისტმა თავის ერთ-ერთი ბოლო ინტერვიუში განაცხადა.
„ვფიქრობ, გუნდის შემადგენლობა მნიშვნელოვნად არ შეიცვლება. საერთო სიტუაციას მხოლოდ მცირე შტრიხებით შევცვლით“, – განაცხადა მიუნხენელთა თავკაცმა.
ალექსანდრე მატევოსოვი
დღეს უეფას ჩემპიონთა ლიგის მერვედფინალური ეტაპის კიდევ ორი მატჩი გაიმართება. ყურადღების ცენტრში ექცევა ლონდონის „არსენალსა“ და მიუნხენის „ბაიერნს“ შორის „ემირეითსზე“ გასამართი შეხვედრა. ბავარიელთა მთავარი მწვრთნელი ხოსეპ გვარდიოლა აცხადებს, რომ მისთვის საინტერესო იქნება მისი გუნდის გამოცდა საერთაშორისო დონეზე.
„ლონდონში, „არსენალის“ წინააღმდეგ უკვე მესამედ ჩამოვედი. აქ ჯერ არ გამიმარჯვია და ვხვდები, რომ 90 წუთის განმავლობაში ინიციატივის ფლობა შეუძლებელია. 45 ან 70 წუთის განმავლობაში კარგი ფეხბურთის ჩვენება და თამაშის შენი კარნახით წარმართვა შესაძლებელია, მაგრამ არა 90 წუთის მანძილზე.
„არსენალს“ შესანიშნავი ფეხბურთელები ჰყავს, რომელთაც ჩვენთვის ბევრი უსიამოვნების შექმნა შეუძლიათ. ჩვენი საუკეთესო თამაში უნდა ვაჩვენოთ. განმეორებით მატჩზე ფიქრს ჯერ აზრი არც აქვს, ფოკუსირება პირველ შეხვედრაზე უნდა მოვახდინოთ. იმედი მაქვს, ყველაფერი გეგმის მიხედვით წარიმართება.
პლანეტის ყველაზე პრესტიჟულ ტურნირზე ვთამაშობთ და „არსენალის“ წინააღმდეგ შესანიშნავ სტადიონზე თამაში მოგვიწევს. ეს ჩემი ბიჭების გამოცდის კარგი შესაძლებლობაა. გერმანიაში მშვენივრად გამოვიყურებით, თუმცა გვინდა, რომ ჩვენი ძალა საერთაშორისო დონეზეც ვაჩვენოთ. ჩემთვის ეს ძალიან საინტერესო იქნება.
ვიცი, რაოდენ რთული იქნება შემდეგი ნაბიჯის გადადგმა. ვიცი, რა მოხდა შარშან – „ბაიერნმა“ მომდევნო ეტაპზე თამაშის უფლება კი მოიპოვა, მაგრამ განმეორებითი მატჩის ბოლო ხუთი წუთი ურთულესი გადასატანი აღმოჩნდა. არსენ ვენგერს დიდ პატივს ვცემ. მისი გუნდი მეტად ორგანიზებულია, ყოველთვის კარგ ფორმაშია და ბურთითაც კარგად თამაშობს“, – პეპ გვარდიოლას სიტყვებს უეფას ოფიციალური ვებ-გვერდი ციტირებს.
მატჩი „არსენალსა“ და „ბაიერნს“ შორის დღეს, თბილისის დროით 23:45 საათზე დაიწყება და მას იტალიელი არბიტრი ნიკოლა რიცოლი მოემსახურება.
ბექა დოგრაშვილი
მიუნხენის „ბაიერნის“ მთავარმა მწვრთნელმა ხოსეპ გვარდიოლამ განაცხადა, რომ „ბარსელონაში“ მუშაობის პერიოდში ბევრი რამ ისწავლა. ამასთანავე, ესპანელი სპეციალისტი ამბობს, რომ ახალგაზრდა ფეხბურთელებთან მუშაობა მოენატრა.
„ბარსელონას“ თავკაცად მუშაობამ, რაღა თქმა უნდა, ბევრი რამ მასწავლა, თუმცა არ ღირს იმის თქმა, რომ ეს იყო გვარდიოლას ეპოქა. მართებული იქნება, თუ ვიტყვით, რომ ეს იყო მესის ეპოქა. რაც შეეხება „ბაიერნს“, ბედნიერი ვარ, რომ ამ კლუბს ვხელმძღვანელობ, თუმცა ახალგაზრდა ფეხბურთელებთან მუშაობა მომენატრა. სასიამოვნო სანახავია, როცა რეზერვებიდან ახლად გადმოსული მოთამაშის ზრდა-განვითარებასა და ლიდერად ჩამოყალიბების პროცესს უცქერ“, – პეპ გვარდიოლას სიტყვებს სპორტული პორტალი sport.es ციტირებს.
ბექა დოგრაშვილი
მიუნხენის „ბაიერნის“ მთავარმა მწვრთვნელმა ხოსეპ გვარდიოლამ გლაზგოს „სელტიკის“ საშინაო არენის ატმოსფეროს შეგრძნების სურვილი გამოთქვა.
„ბარსელონამ“ ამ სტადიონზე ბოლო ორ წელიწადში ითამაშა, თუმცა ეს უკვე მაშინ მოხდა, როდესაც მე გუნდს აღარ ვთავკაცობდი. კატალონიაში ოთხი წლის განმავლობაში ვმუშაობდი, თუმცა „სელტიკ პარკზე“ მატჩს სამწუხაროდ ვერ მოვესწარი. ამიტომაც, იმედი მაქვს, გლაზგოში ჩასვლის შესაძლებლობა მომავალშიც მექნება“, – განაცხადა გვარდიოლამ.
ალექსანდრე მატევოსოვი
მიუნხენის „ბაიერნის“ მთავარი მწვრთვნელი ხოსეპ გვარდიოლა „მაინცთან“ მოგებული შეხვედრით კმაყოფილი დარჩა.
„მატჩის შედეგით კმაყოფილი ვარ. საშინაო მატჩების პირველ ტაიმებში ხშირად პრობლემები გვექმნება. იმედია, ეს მალე შეიცვლება. ტაიმებს შორის შესვენების დროს ტაქტიკა შევცვალე და რობენი მარცხენა ფლანგზე გადავიყვანე, რამაც თავისი შედეგი მოიტანა“, – განაცხადა ფეხბურთს ესპანელმა სპეციალისტმა.
შეგახსენებთ, რომ „მაინცთან“ ჩატარებული მატჩი მიუნხენურმა გრანდმა ანგარიშით 4:1 მოიგო.
ალექსანდრე მატევოსოვი
”ნიუ-იორკ რედ ბულის” ყოფილმა თავკაცმა ჰანს ბეკერმა ხმაურიანი განცხადება გააკეთა. შვედმა სპეციალისტმა ისაუბრა 2009/10 წლის სეზონის მიმდინარეობისას მომხდარ ინციდენტზე, რომელიც, მისი თქმით, ”ბარსელონას” ლიდერს ლიონელ მესისა და მისი გუნდის ყოფილ თავკაცს ხოსეპ გვარდიოლას შორის მოხდა.
”ეს ვარსკლავები ღვთის საუკეთესო შვილები არ არიან. ერთ-ერთი მატჩის დაწყებამდე სამი საათით ადრე, მოთამაშეები სასადილოდ დასხდნენ, რის დროსაც მესიმ კოლა ისურვა. ბუნებრივია, გვარდიოლამ მას ამაზე უარი უთხრა, რადგან თამაშების წინ კოკა-კოლის დალევა რეკომინდირებული ნამდვილად არ არის. უკმაყოფილო მესი კი ადგა და რამოდენიმე წუთში ბოთლით დაბრუნდა, რომლიდანაც კოკა-კოლა გვარდიოლას თანდასწრებით დალია. ალბათ ხვდებით, თუ რამდენად შეურაცხყოფილი დარჩა გვარდიოლა არგენტინელის ამ საქციელით. მოვხდები თუ არა ცილისწამებისთვის სასამართლო დარბაზში? ჩემს ნაცნობებს შორის ბევრი იურისტი არის”, – განაცხადა ბაკემ TV4-ს ეთერში.
პრესის ვარაუდით, შვედმა მწვრთვნელმა აღნიშნული ისტორია ტიერი ანრისგან ან რაფაელ მარკესისგან გაიგო, რომლებიც 2009/10 წლების სეზონში ”ბარსაში” თამაშობდნენ, რის შემდეგაც, ნიუ-იორკში გადაბარგდნენ, სადაც სწორედ ბაკეს ხელმძღვანელობით თამაშობდნენ.
ალექსანდრე მატევოსოვი
