გუშინ ოფიციალურად დადასტურდა, რომ “ლესტერ სიტის” ხელმძღვანელობამ გუნდის მთავარი მწვრთნელის თანამდებობიდან იტალიელი სპეციალისტი, კლაუდიო რანიერი დაითხოვა. 65 წლის მწვრთნელმა გასულ სეზონში “მელიებთან” ერთად პრემიერ ლიგა მოიგო.
რანიერის წასვლის ფაქტს ომარ მომანიმ კარიკატურა მიუძღვნა.
ინგლისის მოქმედი ჩემპიონის, “ლესტერ სიტის” მთავარმა მწვრთნელმა, კლაუდიო რანიერიმ ქვედა ლიგის “მილუოლთან” განცდილ მარცხზე გააკეთა კომენტარი.
“ძალიან იმედგაცრუებული ვარ,” – აცხადებს “მელიების” თავკაცი, კლაუდიო რანიერი მატჩის შემდეგ.
“მატჩის პირველ ნახევარში კარგად ვითამაშეთ, მეორე ტაიმის პირველ წუთებში კი მეტოქე ათი კაცით დარჩა მოედანზე. ამის შემდეგ, მატჩის სადავეები ხელში მათ იგდეს. მათ უფრო მეტად უნდოდათ მოგება და ეს გამარჯვებაც დაიმსახურეს.
როდესაც შემდეგ ეტაპზე გასვლის შესაძლებლობა გაქვს, ეს აუცილებლად უნდა გამოიყენო, რისთვისაც მონდომებაა საჭირო. მე ჩემს ფეხბურთელებს კარგი შანსი მივეცი.
უნდა ვისწავლოთ. უცნაურია, როდესაც ლიგა ერთის გუნდი პრემიერ ლიგის ჩემპიონს ამარცხებს. ვაღიარებ, 10-კაციანმა “მილუოლმა” გვაჯობა.”
კლაუდიო რანიერიმ, რომელმაც “მანჩესტერ იუნაიტედთან” განცდილი სასტიკი მარცხის (0:3) წინაც განაცხადა, რომ “მელიების” ზღაპარი უკვე დასრულებული იყო, აღნიშნა, რომ ფეხბურთელებს მისი სჯერათ.
“ჟურნალიტები მეკითხებიან, მიჭერენ თუ არა ფეხბურთელები მხარს, მე კი შემიძლია დარწმუნებით გითხრათ, რომ ისინი ჩემს მხარეზე არიან.
სანამ პირველ გოლს გავუშვებდით, თამაშში ვიყავით, ჩვენ ფეხბურთს ვთამაშობდით, ვცდილობდით პრესინგი განგვეხორციელებინა, რაღაც კარგი შეგვექმნა.
მართალია წავაგეთ, მაგრამ ჩვენ ერთად ვართ. ფეხბურთელებს მთლიანად ვენდობი და ისინიც ასევე მენდობიან მე,” – აცხადებს ინგლისის უმაღლესი დივიზიონის მოქმედი ჩემპიონის მთავარი მწვრთნელი.
“ლესტერ სიტის” მთავარმა მწვრთნელმა, კლაუდიო რანიერიმ “საუთჰემპტონთან” განცდილი მარცხის (3:0) გამომწვევ მიზეზებზე საუბრისას აღნიშნა, რომ სათამაშო ტაქტიკის შეცვლით დიდი შეცდომა დაუშვა.
“ბოლო მატჩებში გუნდი სხვა ტაქტიკით ვათამაშე იმ იმედით, რომ ფეხბურთელები ასე უფრო შეძლებდნენ სასურველი თამაშის ჩვენებას. მაგრამ, ეს შეცდომა იყო.
შეცდომა დავუშვი, როდესაც “ჩელსის” წინააღმდეგ სამი მცველით ვითამაშე ისევე როგორც დღეს.
ჩემი ფეხბურთელები 4-4-1-1 ტაქტიკას არიან მიჩვეულები. მინდოდა რაღაც დამატებითი ძალა მიმეცა მათვის, მაგრამ ეს არ გამომივიდა.”
შეგახსენებთ, რომ “მელიები” პრემიერ ლიგის 22 ტურის შემდეგ მე-15 პოზიციას იკავებენ და სულ რაღაც 3 ქულით არიან გასავარდნი ზონისაგან შორს.
სულ ცოტა ხნის წინ ცნობილი გახდა, რომ BBC-მ ყოვლწლიურ ნომინაციაში – “წლის მწვრთნელი” – გამარჯვებულად ინგლისური “ლესტერ სიტის” სპეციალისტი, კლაუდიო რანიერი დაასახელა.
64 წლის იტალიელმა გასულ სეზონში “მელიებთან” ერთად სენსაცია მოახდინა და კლუბის ისტორიაში პირველად პრემიერ ლიგა მოიგო.
ინგლისის ჩემპიონის, “ლესტერ სიტის” თავკაცი, კლაუდიო რანიერი , მიუხედავად “უოტფორდთან” განცდილი დასანანი მარცხისა და სატურნირო ცხრილში მე-14 პოზიციაზე გადანაცვლებისა, სიმშვიდეს მაინც არ კარგავს და თვლის, რომ ფეხბურთელები სწორ გზას მალევე დაუბრუნდებიან.
“2-0-ზე საკმაოდ კარგი რეაქცია გამოვამჟღავნეთ, თუმცა “უოტფორდის” გამოცდილი მცველების წინააღმდეგ თამაში ძალიან გაგვიჭირდა.
ვერ ვიტყვი, რომ მსაჯმა შეცდომა დაუშვა. პენალტი სამართლიანი იყო. მათ ორი გოლის გატანა მოახერხეს, რამაც თამაშში გადამწყვეტი როლი ითამაშა.
წავაგეთ, მაგრამ დავინახე ის, რამაც პოზიტიურად ფიქრის უფლება მომცა – ჩვენი მებრძოლი სული. მართალია, სატურნირო ცხრილში ჩვენი პოზიცია არც ისე კარგია, მაგრამ ჩემი ფეხბურთელების მჯერა, ნამდვილად მჯერა.” – განაცხადა მან.
ინგლისის მოქმედი ჩემპიონის მთავარმა მწვრთნელმა, კლაუდიო რანიერიმ “ჩელსისთან” განადგურების (3-0) შემდეგ აღნიშნა, რომ ნ’გოლო კანტე, რომელიც ზაფხულში “ლესტერიდან” “ჩელსიში” გადაბარგდა, გუნდის უმნიშვნელოვანესი ფეხბურთელი იყო.
როდესაც მას კითხეს, იყო თუ არა ეს მარცხი დამსახურებული კანტეს გაყიდვის გამო, მან განააცხადა: “დიახ, ასე იყო. თუმცა ამარტიც კარგად ართმევს თავს თავის მოვალეობებს.
ისინი განსხვავებული ტიპის ფეხბურთელები არიან. რა თქმა უნდა, ნ’გოლო კანტე ჩვენთვის უმნიშვნელოვანესი ფიგურა იყო. ისევე როგორც სხვა ფეხბურთელები. გუნდი ერთმა კაცმა, ერთი კაცის აზროვნებამ შეცვალა.
ძალიან, ძალიან კმაყოფილი ვარ ამარტის თამაშით, ის უდიდეს პროგრესს განიცდის.”
“I am very, very happy with Amartey, improving in every match.”
კლაუდიო რანიერის თქმით, მას შემდეგ, რაც გუნდმა ბრიტანლი ჩემპიონატი მოიგო, მომავალი სეზონისთვის “ლესტერის” მიზანი არ შეცვლილა და ეს 40 ქულის დაგროვებაა, რაც იმის გარანტიას იძლევა, რომ კლუბი პრემიერ ლიგაში დარჩება.
“ჩვენ ორმოც ქულას ვუმიზნებთ.” – განცხადა რანიერიმ მედიის წარმომადგენლებს, მას შემდეგ, რაც მისი გუნდი ინგლისის სუპერთასის მატჩში, “მანჩესტერ იუნაიტედთან” დამარცხდა (2-1).
“არ დამცინოთ! მე იგივე ფილოსოფიით ვიწყებ ბრძოლას, იგივე თავდამბლობით, სულ ესაა. ის, რასაც ჩვენ მივაღწიეთ, მართლაც რომ ფანტასტიკურია, მაგრამ ახლა ჩვენი მიზანი 40 ქულის მოპოვებაა. შემდეგ, კი ამ საკითხს კვლავ განვიხილავთ.”
რანიერის არც “მანჩესტერ იუნაიტედისთვის” მილოცვა დავიწყებია: “ვულოცავ მთლიანად “მანჩესტერ იუნაიტედს” და ამასთანავე ვულოცავ ჩემს ფეხბურთელებსაც, რომლებმაც დიდებული მატჩი ჩაატარეს.
მეორე ნახევარში კარგად ვთამაშობდით. ვფიქრობ, ამ მატჩისაგან მინიმუმ პენალტების სერიას ვიმსახურებდით.”
“რომას” ყოფილ ფეხბურთელს, სისინიოს სჯერა, რომ კლაუდიო რანიერის გუნდის გაჩემპიონება მხოლოდ იღბლიანობის ბრალი იყო. სისინიო თვლის, რომ რანიერი დიდ კლუბში იმავეს გაკეთებას ვერ შეძლებს.
“რანიერის, რომელმაც ჩემპიონობა მოუპოვა … არც კი მახსოვს იმ კლუბის სახელი, არ აქვს საკუთარი სათამაშო სისტემა და არ იცის, თუ როგორ ავარჯიშოს გუნდი.
როდესაც “რომაში” ვიყავი, ის ყოველთვის მაწვალებდა. მას ბრაზილიელები არ უყვარს.
როგორ მოახერხა ინგლისის პრემიერ ლიგის მოგება? უბრალოდ, ძალიან გაუმართლა. თუ მას დიდ კლუბს ჩააბარებ, დარწმუნებული ვარ, რომ იგივეს ვერ გააკეთებს.”
ანდრეა ბოჩელი შაბათს, “კინგ პაუერ სტედიუმზე” სპეციალურად “ლესტერ სიტისთვის” იმღერებს. ამით ბოჩელი იმ პირობას შეასრულებს, რომელიც კლაუდიო რანიერის მისცა. შეგახსენებთ, რომ ამ უკანასკნელმა “მელიებს” ინგლისის ჩემპიონობა მოუტანა.
იტალიელმა ოპერის მომღერალმა მის თანამემამულეს, რანიერის სიტვა მისცა, რომ იმ შემთხვევაში, თუ “ლესტერი” ჩემპიონატის მოგებას მოახერხებდა, ის მათ საშინაო სტადიონზე იმღერებდა.
ასე რომ, “ევერტონისა” და “ლესტერის” მატჩის დაწყებამდე 57 წლის მომღერალი ‘Nessun Dorm’-სა და ‘Timy To Say Goodbye’-ს შეასრულებს.
გუს ჰიდინკმა დაადასტურა ინფორმაცია, რომლის თანახმადაც, ინგლისური “ლესტერის” ხელმძღვანელებმა მთავარი მწვრთნელის პოსტი პირველად მას შესთავაზეს, თუმცა მისი უარის გამო, “მელიები” იძულებულები გახდნენ რანიერიზე გადართულიყვნენ, რომელმაც შემდგომში სასწაული მოახდინა.
“მართალია, რომ მიმდინარე სეზონის დაწყებამდე “ლესტერმა” მთავარი მწვრთნელის პოსტი შემომთავაზა. თუმცა, იმ დროისთვის გადაწყვეტილი მქონდა, რომ უნდა დამესვენა, სხვა არაფერი მინდოდა.”
69 წლის სპეციალისტმა “ჩელსიში” მოსვლის მიზეზებზეც ისაუბრა: “კლუბი ნეგატიურად იყო დამუხტული, ისინი პანიკაში იყვნენ. ჩემი მოვალეობა კი სიტუაციის დამშვიდება იყო, რაც გავაკეთე კიდეც.”
„რომას“ კაპიტანმა ფრანჩესკო ტოტიმ „ლესტერ სიტის“ მთავარ მწვრთნელს კლაუდიო რანიერის ინგლისის პრემიერლიგის მოგება მიულოცა.
„გილოცავ, ბოს. შენ ჩინებული იყავი და ეს ტიტული დაისმახურე“, – ციტირებს ტოტის „Football-Italia“.
რომში დაბადებული რანიერი „ტოტისთან“ ერთად „რომაში“ 2009 წლიდან 2011 წლამდე მუშაობდა.
