მარუსიო სარი, რომელიც უშუალოდ მატჩების დროს თამბაქოს მოხმარებით გამოირჩევა, ლონდონის “ჩელსიში” ანტონიო კონტეს მაგივრად იმუშავებს.
აღნიშნულ თემაზე ომარ მომანი ასეთ კარიკატურას გვთავაზობს.
ჭდე: კონტე
კონტე: “გადაწყვეტილებას სეზონის დასრულების შემდეგ მივიღებ”
ანტონიო კონტემ, შესაძლოა სეზონის ბოლოს ლონდონის “ჩელსი” დატოვოს. ამის შესახებ ბევრი გამოცემა წერს და მიზეზად ამ სეზონში “ლურჯების” წარუმატებლობას (როგორც პრემიერ ლიგაში, ასევე ჩემპიონთა ლიგაზე) ასახელებს.
აღნიშნულ საკითხზე თავად მწვრთნელმა ისაუბრა.
“მხოლოდ აწმყოზე ვარ ფოკუსირებული. ახლა სხვა რამის დრო არცაა. ჩემს მოვალეობას ვასრულებ. სეზონის დამთავრებამდე ორი კვირა დარჩა. შესაბამისად, მხოლოდ ამის შემდეგ გადავწყვეტ და გულშემატკივარიც მაშინ გაიგებს, დავტოვებ თუ არა “ჩელსის”,” – ამბობს იტალიელი.
შეგახსენებთ, რომ კონტემ ინგლისური კლუბი 2016 წელს ჩაიბარა და შარშან გუნდს პრემიერ ლიგა მოაგებინა.
კარიკატურა: “ჩელსის” ფეხბურთელები და მწვრთნელი ცირკის ჯამბაზების როლში
გუშინ ლონდონის “ჩელსი” ინგლისის პრემიერ ლიგის 26-ე ტურის შეხვედრაში “უოტფორდთან” ანგარიშით, 1-4 განადგურდა.
ომარ მომანიმ ანტნიო კონტე, ოლივიე ჟირუ, ედენ აზარი და დავიდ ლუისი ცირკის მონაწილე ჯამბაზებს შეადარა.
კონტე: “დავიდ ლუისს მუხლზე ანთება აქვს – საქმე სერიოზულადაა!”
ლონდონის “ჩელსის” ფეხბურთელმა, დავიდ ლუისმა ტრავმა 22 ნოემბერს, ჩემპიონთა ლიგის შეხვედრაში, “ყარაბახის” წინააღმდეგ თამაშის დროს მიიღო. მას მუხლზე აქვს დაზიანება.
ვარაუდობდნენ, რომ ბრაზილიელს არც ისე დიდი ხანი გაუცდებოდა, თუმცა, ფაქტობრივად, ერთი თვის შემდეგ, არისტოკრატთა მთავარი მწვრთნელი, ანტონიო კონტე ამბობს, რომ 30 წლის სპორტსმენი ლაზარეთში კიდევ დიდ ხანს დარჩება.
“დავიდს მუხლზე ანთებითი პროცესები განუვთარდა. ვცდილობთ, ეს პრობლემა მწვრთნელთან ერთად გადავჭრათ. აუცილებელია, სიტუაცია დღიდან დღემდე, ნელ-ნელა გამოსწორდეს. ამაში კი დიდი როლი ჩვენს სამედიცინო შტაბს ექნება. არ ვიცი, როდის დაბრუნდება ის. თუმცა, მთავარია, ყველაფერი გავაკეთოთ ჩვენი მოთამაშის გამოსაჯანმრთელებლად.”
“ლუისი გუნდისგან განცალკევებით, დარბაზში ვარჯიშობს. ხოლო, ბოლო დღეებში ის მხოლოდ აუზში იყო. დღესაც იმავეთი დავტვირთეთ, შემდეგ კი ცოტა ირბინა. თუმცა, ეს ნელა გააკეთა. ძალიან სერიოზული პრობლემის წინაშე ვართ, თუმცა იმედი გვაქვს, ყველაფერი მალე გამოსწორდება,” – აცხადებს კონტე.
კონტე: “ჩემმა ფეხბურთელებმა “ბარსელონა” უნდა დაივიწყონ და “ჰადერსფილდზე” კონცენტრირდნენ”
გუშინ ჩემპიონთა ლიგის კენჭისყრა შედგა. ერთ-ერთი მერვედფინალური დაპირისპირება კატალონიის “ბარსელონასა” და ლონდონის “ჩელსის” დაპირისპირებაა.
კენჭისყრის შემდეგ ჟურნალისტებთან ინგლისელთა მთავარმა მწვრთნელმა, ანტონიო კონტემ ისაუბრა. მან პრემიერ ლიაგზეც გაამახვილა ყურადღება.
“ინგლისის ჩემპიონატში ბოლოს სათანადო თამაში ვერ ვაჩვენეთ. უნდა გავაცნობიეროთ, რომ ეს ლიგა მარტივი არაა და მაქსიმალური კონცენტრაციის გამოჩენა გვმართებს. წინააღმდეგ შემთხვევაში, შესაძლოა, სეზონის ბოლოს “სიურპრიზები” მივიღოთ. 120 პროცენტით დახარჯვა – ეს ისაა,რასაც ჩემს მოთამაშეებს ყოველთვის ვთხოვ.”
“ახლა მომავალში ვიყურები. შემდეგი გაჩერება “ჰადერსფილდია”. მიყვარს მოგება და როცა ვაგებ, არასდროს ვარ ბედნიერი. ეს გასაგები უნდა იყოს ჩემი ფეხბურთელებისთვისაც. როცა პირველ 16 თამაშში ოთხს აგებ, ჩემი გამოცდილებიდან გამომდინარე, ვამბობ, რომ ასეთი სტარტი ჩემპიობისთვის ბრძოლის საშუალებას აღარ იძლევა.”
“არ უნდა დაგვავიწყდეს ჩემპიონთა ლიგა. წინ დაძაბული ბრძოლაა “ბარსელონასთან”. თუმცა, ჯერ პრემიერ ლიგაში ყურადღებით თამაშია საჭირო. ამიტომ, კატალონიელებზე ფიქრს უნდა მოვეშვათ და “ჰადერსფილდზე” ვკონცენტრირდეთ!” – აცხადებს კონტე.
კონტე თავის ახალ იმიჯზე: “წვერს ამ დრომდე არ გავიპარსავ”
ხვალ პრემიერ ლიგის მე-12 ტურში ლონდონის “ჩელსი” “ვესტ ბრომვიჩ ალბიონს” ესტუმრება.
საგულისხმოა, რომ წინასამატჩო პრესკონფერენციაზე ანტონიო კონტე შეცვლილი იმიჯით გამოვიდა – მას წვერი აქვს მოშვებული. ერთ-ერთმა ჟურნალისტმა ამ გადაწყვეტილების მიზეზზე ჰკითხა.
“არ ვიცი, რამდენად მიხდება, თუმცა ეს ჩემი ცოლის იდეა იყო,” – ამბობს ღიმილით ანტონიო, – “აქამდე არასდროს მიცდია შემეცვალა გარეგნობა, ეს ჩემი ცოლის რჩევით გადავწყვიტე. ვნახოთ, რამდენად იღბლიანი იქნება ეს წვერი ხვალ. მას იქამდე შევინარჩუნებ, სანამ წარმატებულ სერიას არ შევწყვეტთ. იმედი მაქვს, სეზონს დიდი წვერით დავასრულებ,” – აცხადებს კონტე.
კარიკატურა: კონტემ მოურინიოს ავტობუსი დაამტვრია, ვენგერმა გვარდიოლას რაკეტას ვერაფერი უქნა
გასულ უქმეებზე პრემიერ ლიგის მე-11 ტურში ორი გამორჩეული შეხვედრა გაიმართა: “ჩელსი” “მანჩესტერ იუნაიტედის”, ხოლო “მანჩესტერ სიტი” “არსენალის” წინააღმდეგ. საბოლოოდ, ანტონიო კონტემ “ლურჯი ბიჭებით” ჟოზე მოურინიოს “წითელ ეშმაკებს” სძლია. ხოლო, არსენ ვენგერმა თავისი “ზარბაზნით” პეპ გვარდიოლას “რაკეტა” ვერ დაამარცხა.
ამ თემაზე ასეთ კარიკატურას გთავაზობთ
დღის მთავარი სატრანსფერო ამბები – 25 ივლისი
მესიმ ნეიმარი დაარწმუნა
ესპანური, საკმაოდ გავლენიანი გამოცემა Sport ირწმუნება, რომ ლეო მესიმ ლუის სუარესის დახმარებით ნეიმარის დარწმუნება მოახერხა და ის აღარ აპირებს “ბარსელონას” დატოვებას.
როგორც იცით, ბრაზილიელ სუპერვარსკვლავს “პარი სენ-ჟერმენში” გადასვლას უწინასწარმეტყველებდნენ, თუმცა მისმა თანაგუნდელებმა ყველაფერი გააკეთესი იმისთვის, რომ 222 მილიონიანი ტრანსფერი ჩაშლილიყო.
ბენზემასთვის “არსენალი” და “ლივერპული” იბრძვის
ესპანური პრესის ცნობით, მადრიდის “რეალის” პრეზიდენტმა, ფლორენტინო პერესმა გუნდიდან ალვარო მოტარას გაშვების შემდეგ, კარიმ ბენზემას გაყიდვის გადაწყვეტილებაც მიიღო.
რაც შეეხება ფრანგი თავდამსხმელის ტრანსფერით დაინტერესებულ პირებს, როგორც ცნობილი ხდება, კარიმ ბენზემას ტრანსფერზე ამ დროისთვის ორი ინგლისური კლუბი: ლონდონის არსენალი და მერსესაიდული “ლივერპული” მუშაობს.
უკმაყოფილო მარეზი “ლესტერში” რჩება
“ლესტერ სიტის” მიძინებული ვარსკვლავი, რიად მარეზი დიდი ალბათობით მომავალ სეზონსაც “კინგ პაუერ სტედიუმზე” გაატარებს, რადგანაც ჯერჯერობით არცერთი კლუბი არ აპირებს მის სანაცვლოდ 50 მილიონი ფუნტის გადახდას.
როგორც იცით, ალჟირელი ფეხბურთელის გადაბირებას აქამდე “არსენალისა” და “რომას” ხელმძღვანელები ცდილობდნენ, თუმცა მხარეებს ტრანსფერის ფასი არ მოეწონათ.
250 მილიონი ფუნტი კონტეს
ლონდონის “ჩელსიმ” ანტონიო კონტეს 250 მილიონი ფუნტი გამოუყო ოთხი ფეხბურთელის ტრანსფერისთვის: “საუთჰემპტონის” ვირჯილ ვან დეიკის, “იუვენტუსის” ალექს სანდროს, “ინტერის” ანტონიო კანდრევასა და “სუონსის” ფერნანდო ლორენტეს დამატებისთვის.
შეგახსენებთ, რომ აქამდე “არისტოკრატებმა” უკვე განახორციელეს ალვარო მორატას, ანტონიო რუდიგერისა და ბაკაიოკოს ტრანსფერები.
“სიტის” ფეხბურთელები გუნდიდან ნასრის მოკვეთას ითხოვენ
პეპ გვარდიოლამ სამირ ნასრი, რომლის ტრანსფერშიც კლუბმა 2011 წელს 24 მილიონი გადაიხადა, ამერიკული ტურნესთვის შედგენილ განაცხადში შეიყვანა, რამაც სხვა ფეხბურთელების უკმაყოფილება გამოიწვია.
“ქალაქელთა” ერთ-ერთი წევრი ასეთ განცხადებას აკეთებს: “გუნდის წევრებს არ ესმით რატომ არის ნასრი აქ. მისი ამპარტავნობის გამო ის ბევრს არ მოსწონს და ზოგიერთი ფეხბურთელი მის მანჩესტერში გაგზავნასაც მოითხოვს.”
კარიკატურა: “იბრა” და კოშტა გუნდს ეძებენ (ფოტო)
“მანჩესტერ უნაიტედმა” ზლატან იბრაჰიმოვიჩი გუნდში კიდევ ერთი წლით აღარ დატოვა. ასევე, ლონდონის “ჩელსის” მწვრთნელს, ანტონიო კონტეს არ სურს, რომ დიეგო კოშტამ მომამავლ სეზონში “ლურჯების” ფორმა მოირგოს. შესაბამისად, ორივე ფორვარდი კლუბის ძებნაშია.
ამასთან დაკავშირებით ომარ მომანი ასეთ კარიკატურას გვთავაზობს.
კოშტა: “კონტემ მესიჯი გამომიგზავნა, რომელშიც ეწერა, რომ გუნდიდან უნდა წავიდე”
დიეგო კოშტა ახალი კლუბის ძიებაშია. ბრაზილიელი ფეხბურთელის თქმით, ლონდონის “ჩელსის” მწვრთნელმა, ანტონიო კონტემ მას სატელეფონო შეტყობინებით მისი კლუბიდან წასვლის საჭიროების შესახებ აცნობა.
“სულ ცოტა ხნის წინ კონტესგან მცირე ზომის მესიჯი მომივიდა, სადაც ეწერა, რომ მომავალ სეზონისთვის მას აღარ ვჭირდები. ალბათ, ეს იმიტომ მითხრა, რომ ეს სეზონი ცუდად ჩავატარე. სირცხვილია! ეს შეტყობინება კლუბის ყველა წევრს გავუგზავნე, რათა ამ საკითხზე მათი აზრი გამეგო. თუმცა, ფაქტია, რომ მწვრთნელს აღარ ვუნდივარ.”
“ახლა ახალი კლუბის ძიებაში ვარ. თუ მწვრთნელი გეტყვის, რომ მის გეგმებში არ შედიხარ, შენ აუცილებლად უნდა წახვიდე სხვაგან,” – აცხადებს თავდამსხმელი.
დღის მთავარი სატრანსფერო ამბები – 14 მაისი
საბალეტა “მანჩესტერ სიტის” ტოვებს
პაბლო საბალეტა მიმდინარე სეზონის დასრულების შემდეგ “მანჩესტერ სიტის” დატოვებს – ამ ინფორმაციას კლუბიც ადასტურებს.
არგენტინელი მცველი “ქალაქელებს” 2008 წელს “ესპანიოლიდან” შეუერთდა.
მადრიდის “რეალის” მცველი პეპე კარიერას მილანის “ინტერში” გააგრძელებს. ამ ინფორმაციას ავტორიტეტული ესპანური გამოცემა “მარკა” აქვეყნებს.
მხარეებს შორის შეთანხმება უკვე მიღწეულია. პორტუგალიელი ფეხბურთელი მილანში ჩემპიონთა ლიგის ფინალური მატჩის შემდეგ გაემგზავრება. მას “რეალთან” კონტრაქტი მიმდინარე წლის 30 ივნისს ეწურება. შესაბამისად, პეპე “ნერაძურის” თავისუფალი აგენტის სტატუსით შეუერთდება
აგენტი: “ობლაკით ორი კლუბია დაინტერესებული”
მადრიდის “ატლეტიკოს” მეკარის, იან ობლაკის აგენტის განცხადებით, მისი კლიენტის გადაბირებით ორი კლუბია დაინტერესებული.
“მის მომავალზე მალე ვიმსჯელებთ. ცხადია, ასეთი მეკარე ბევრს სურს, თუმცა სერიოზულ ინტერესს ორი კლუბი იჩენს. ერთ-ერთი ინგლისური გუნდია. იტალია? ამას სერიოზულად მეკითხებით? იქ მხოლოდ ერთი უმაღლესი დონის კლუბია და იქაც ჯანლუიჯი ბუფონი თამაშობს”, – უთხრა მიჰა მლაკარმა Goal-ს.
ხამესი “მანჩესტერ იუნაიტედს” შეუთანხმდა?
კოლუმბიური რადიო RCN-ს ცნობით, მადრიდის “რეალის” შემტევი ნახევარმცველი, ხამეს როდრიგესი “მანჩესტერ იუნაიტედს” კონტრაქტის დეტალებზე შეუთანხმდა.
ხამესსა და “ადიდასს” შორის გაფორმებული კონტრაქტის თანახმად, ფეხბურთელმა ნებისმიერ კლუბში 10-ნომრიანი მაისურით უნდა იასპარეზოს. მანჩესტერელების ათიანი უეინ რუნია, რომლის მომავალიც ჯერ გადაწყვეტილი არ არის, თუმცა დიდი შანსია, ის ჩინეთში ან აშშ-ში ვიხილოთ.
კონტეს ბარკლი სურს
დიდი შანსია, “ევერტონის” ნახევარმცველი, როს ბარკლი ლონდონის “ჩელსიში” ვიხილოთ. 23 წლის ფეხბურთელს ლივერპულელებთან ახალი კონტრაქტი ჯერ არ გაუფორმებია. გუნდის მთავარი მწვრთნელი, რონალდ კუმანი აცხადებს, რომ თუ ის გადაწყვეტილებას მალე არ მიიღებს, მაშინ კლუბი მას გაყიდის.
Sunday Express-ის ცნობით, ბარკლის დამატების სურვილი “ჩელსის” მთავარ მწვრთნელს, ანტონიო კონტეს აქვს.
კარიკატურა: კონტემ პრემიერ ლიგის მოგების აღსანიშნავად აღლუმი მოაწყო (ფოტო)
12 მაისს პრემიერ ლიგის 37-ე ტურში ლონოდნის “ჩელსიმ” “ვესტ ბრომვიჩ ალბიონი” ანგარიშით, 1-0 დაამარცხა და ინგლისის ჩემპიონი გახდა!
ომარ მომანის აზრით, სწორედ ასე გამოიყურება “ლურჯების” საზეიმო ცერემონია, რომლის მთავარი ორგანიზატორი ანტონიო კონტეა.
