ჭდე: კრიშტიანუ რონალდუ

მადრიდის “რეალის” თავდამსხმელ კრიშტიანუ რონალდუს მეგობარი და ჟურნალისტი, ნუნო გომეში, El Larguero-სთან იმ პრობლემებზე საუბრობს, რაც პორტუგალიელი ფეხბურთელისა და მადრიდული კლუბის ურთიერთობას ამძიმებს.

“არამგონია, რონალდუ “რეალიდან” წავიდეს, მაგრამ ფაქტია, რომ ის ნაწყენი და გაბრაზებულია. მას არ მოეწონა, როდესაც “რეალმა” მთელ მსოფლიოს აცნო, რომ კონტრაქტი განახლდებოდა, თუმცა არაფერი მომხდარა.

ისინი მალე გამონახავენ საერთო ენას. რონალდუ მსოფლიოს საუკეთესო ფეხბურთელია. თუ დააკვირდებით, მიხვდებით, რომ მას საკმარისს არ უხდიან. “ბარსელონაში” კი სხვაგვარად არის, ჩავის, ინიესტასა და მესის ნაბიჯ-ნაბიჯ უზრდიდნენ ხელფასს – ეს სასიამოვნოა.

ფლორენტინოსთან მისი ურთიერთობა ცოტა არ იყოს, ცივია. მას დაპირდნენ, რომ ხელფასს გაუზრდიდნენ. როდესაც გახანგრძლივება მოსთხოვა, უთხრეს, რომ შესაფერისი მომენტი არ იყო. სეზონი დასრულდა და არაფერი ხდება. ამის გამო თავს მოტყუებულად გრძნობს.

მის მომდევნო კლუბზე საუბარი ძალიან ადრეა. კრიშტიანუსთვის “რეალზე” უკეთესი კლუბი არ არსებობს. მას მოსწონს ქალაქი. “პარი სენ-ჟერმენი” სულ ცდილობდა მის გადაბირებას. ან “პსჟ” ან “იუნაიტედში” დაბრუნება. თუმცა ახლა მას მხოლოდ “რეალში” თამაში და აღიარება უნდა,” – აცხადებს ნუნო გომეში.

მადრიდის “რეალის” პორტუგალიელი სუპერვარსკვლავი, კრიშტიანუ რონალდუ კმაყოფილია ბოლო წლებში მიღწეული წარმატებებით და კარიერის დასრულებაზე ჯერ არ ფიქრობს.

“პირადი ცხოვრების თვალსაზრისით, ფანტასტიკური პერიოდია ჩემთვის. მყავს ოჯახი, რომელიც ყოველდღიურ ზრდას განიცდის და ბედნიერი ვარ.

რაც შეეხება პროფესიონალურ დონეს, ბოლო ორი წელი ჩემთვის განსაკუთრებულად წარმატებული აღმოჩნდა. ვგრძნობ, რომ ჯერ კიდევ შემიძლია უმაღლეს დონეზე თამაში და ასე მომავალი რამდენიმე წლის მანძილზე იქნება.

ცხოვრების ყოველი ასპექტი ერთგვარი გამოწვევაა და ყოველთვის ვცდილობ, რომ თითოეულ მათგანს საუკეთესო მდგომარეობაში შევხვდე. ჩემს პროფესიაში ეს აუცილებელია. ყოველ გამოწვევას სერიოზულად ვიღებ,” – აცხადებს რონალდუ.