ჭდე: ლეროი ფერი

26 ოქტომბერს, ინგლისის პრემიერ ლიგაში, “ნორვიჩმა” საკუთარ მოედანზე “კარდიფი” მიიღო და ფრედ 0:0 ითამაშა.

ამ მატჩმა ყურადღება იმით მიიქცია, რომ “ნორვიჩის” ჰოლანდიელ ფეხბურთელს, ლეროი ფერს გატანილი გოლი გაუუქმეს.

საქმე იმაში გახლავთ, რომ “ნორვიჩის” ერთ-ერთმა მოთამაშემ ტრავმა მიიღო, ხოლო “კარდიფის” ფეხბურთელმა ბურთი აუტში გადააგდო. ამის შემდეგ, იმის მაგივრად, რომ “ნორვიჩის” წევრებს ბურთი მეტოქესთვის დაებრუნებინათ, მათ ის ცარიელ კარში შეაგდეს. თუმცა, შეხვედრის მთავარმა არბიტრმა გოლი სწრაფადვე გააუქმა.

მატჩის შემდეგ, ლეროი ფერმა განაცხადა: “გოლის გატანა და მატჩის მოგება მინდოდა. ჰოლანდიაში ყველაფერი სხვაგვარადაა: თუ მეტოქე ბურთს აუტში გადააგდებს, შეგიძლია შენ თამაში ჩვეულებრივ განაგრძო. მომავალში, მეტოქეს ბურთს აუცილებლად დავუბრუნებ.”

დიტო ჭიჭინაძე