ლეგენდარულმა არგენტინელმა ფეხბურთელმა დიეგო არმანდო მარადონამ “ოქროს ბურთის” ჯილდოზე წარდგენილ მოთამაშეებს შორის ფავორიტი დაასახელა.
“არც მესი და არც რონალდუ. ჩემი ფავორიტი მანუელ ნოიერია. 2014 წლის მიხედვით, ის ყველაზე მეტად იმსახურებს “ოქროს ბურთს”, – განაცხადა მარადონამ ვენესუელის ერთ-ერთი ტელეარხის ეთერში.
შეგახსენებთ, რომ “ოქროს ბურთის” დაჯილდოების საზეიმო ცერემონია 12 იანვარს, შვეიცარიის ქალაქ ციურიხში გაიმართება.
“მილანისა” და უკრაინის ნაკრების ყოფილმა თავდამსხმელმა ანდრეი შევჩენკომ “ოქროს ბურთის” ჯილდოზე წარდგენილ ფეხბურთელთა შესახებ ისაუბრა და ფავორიტიც დაასახელა. შეგახსენებთ, რომ თავად შევჩენკომ ეს ჯილდო 2004 წელს მოიგო.
“ოქროს ბურთის” მოგება ბევრ რამეს ნიშნავს. ეს ფეხბურთში მთავარი ინდივიდუალური ჯილდოა. ახალგაზრდობაში მის მოპოვებაზე ბევრი მიოცნებია, რამდენჯერმე მიზანთან ძალიან ახლოსაც ვიყავი. უბედნიერესი გახლდით, როდესაც “ოქროს ბურთი” მოვიგე. ვიგრძენი, როგორ ახდა ჩემი ერთ-ერთი ოცნება.
ჯილდოსთვის ბრძოლაში ფავორიტად მანუელ ნოიერს დავასახელებ. ბრაზილიაში გამართულ მსოფლიოს ჩემპიონატს თვალყური მივადევნე. ნოიერი მუნდიალის მომგები გუნდიდანაა და ტურნირზე ყველა ეპიზოდში თავი ფანტასტიურად წარმოაჩინა. იგი თამაშობდა როგორც მეკარედ, ასევე მცველადაც, რითაც დიდად დაეხმარა დაცვის ხაზს.
თუმცა, ვფიქრობ, კრიშტიანუ რონალდუსა და ლიონელ მესის მაინც აქვთ ჯილდოს მოპოვების შანსი. “რეალი” ჩემპიონთა ლიგის გამარჯვებული გახდა, რონალდუ კი კლუბის მთავარი ვარსკვლავი იყო. მსოფლიოს ჩემპიონატზე გერმანიისა და არგენტინის ნაკრებებმა საოცარი ფინალი გვიჩვენეს. მესისთვის იოლი არ ყოფილა, თუმცა მაინც ვფიქრობ, რომ მან ტურნირზე შესანიშნავად იასპარეზა. შესაძლოა, ლეო ინდივიდუალური თვალსაზრისით საუკეთესო არ იყო, თუმცა მან გუნდისთვის ძალიან დიდი სამუშაო გასწია.
სამივე მათგანი დიდებული ფეხბურთელია, თუმცა მე არჩევანს ნოიერზე ვაკეთებ. ის მართლაც გამორჩეული იყო გერმანიისა და მიუნხენის “ბაიერნის” შემადგენლობაში. მან ეს წელიწადი ფანტასტიურად განვლო”, – შევჩენკოს სიტყვები ფიფას ოფიციალურმა ვებგვერდმა გამოაქვეყნა.
შეგახსენებთ, რომ “ოქროს ბურთის” დაჯილდოების საზეიმო ცერემონია 12 იანვარს, შვეიცარიის ქალაქ ციურიხში გაიმართება.
“ბარსელონას” თავდამსხმელმა პედრო როდრიგესმა თანაკლუბელ ლიონელ მესიზე ისაუბრა.
“კრიშტიანუ რონალდუს კარგი სტატისტიკა აქვს, თუმცა მესი ყველა ფეხბურთელს სჯობს.
ჯერ არცერთი ჩემპიონატიდან არ გამოვარდნილვართ, ბრძოლას ვაგრძელებთ. ვნახოთ, რამდენად გავაგრძელებთ ამავე სულისკვეთებით თამაშს უახლოესი ექვსი თვის განმავლობაში”, – ციტირებს პედროს სიტყვებს “მარკა”.
მადრიდის „რეალის“ ლიდერის კრიშტიანუ რონალდუს წლის ყველა გოლის წარდგენის შემდეგ, გთავაზობთ „ბარსელონას“ თავდამსხმელის ლიონელ მესის 2014 წლის ყველა გოლის ამსახველ ვიდეოს.
არგენტინის ნაკრების მთავარი მწვრთნელი ხერარდო მარტინო თვლის, რომ მისი გუნდის ფეხბურთელები უფრო ნაკლებად არიან დამოკიდებულნი ლიონელ მესიზე, ვიდრე “ბარსელონას” მოთამაშეები.
“მესის თანაგუნდელები ყოველთვის ელიან, რომ მოედანზე საქმეს ლეო გააკეთებს. ეს “ბარსელონაში” უფრო ხშირად ხდება, ვიდრე არგენტინის ნაკრებში”, – ციტირებს მარტინოს სიტყვებს A bola.
ბოლო შვიდი წლის განმავლობაში არგენტინელი ჟურნალისტები ლიონელ მესის წლის საუკეთესო ლეგიონერად ასახელებდნენ.
ამჯერად, წლის საუკეთესო არგენტინელად, რომელიც საზღვარგარეთ თამაშობს, არა ლეო, არამედ ანხელ დი მარია გახდა. გასულ სეზონში დი მარიამ მადრიდის „რეალთან“ ერთად ჩემპიონთა ლიგა მოიგო და არგენტინის ნაკრებთან ერთად მსოფლიო ჩემპიონატის ფინალში გავიდა. ზაფხულის სატრანსფერო ფანჯრის მიწურულს ანხელი „მანჩესტერ იუნაიტედში“ გაბარგდა.
არგენტინის ჩემპიონატის წლის საუკეთესო ფეხბურთელად კი „ველეს სარსფილდის“ თავდამსხმელი ლუკას პრატო დასახელდა, რომელიც უახლოეს დროში ბრაზილიურ „ატლეტიკო მინეიროში“ გადავა.
როგორც ჩანს, ხორვატი ვუნდერკინდი ალენ ჰალილოვიჩი მომავალში ლიონელ მესის შესაცვლელად ემზადება.
სეგუნდა დივიზიონის მე-16 ტურში „ბარსელონას“ მეორე გუნდმა „ჟირონა“ დაამარცხა. ერთადერთი გოლი ამ შეხვედრაში სწორედ 18 წლის ტალანტმა გაიტანა, რომელსაც ლიონელ მესის მომავალ შემცვლელადაც კი მოიაზრევენ.
ამჟამად „ბარსელონას“ მეორე გუნდი სეგუნდას მე-12 ადგილს იკავებს და უახლოეს მდევარ „მალიორკას“ მხოლოდ ერთი ქულით უსწრებს.
“ბარსელონას” თავდამსხმელი ლიონელ მესი მორიგი რეკორდის მფლობელი გახდა. ის პირველი ფეხბურთელია, რომელმაც ესპანური გუნდის რიგებში 400 გოლი გაიტანა, მოგვიანებით კი ეს მაჩვენებელი გააუმჯობესა კიდეც.
ესპანეთის პრიმერადივიზიონის XIV ტურში “ბარსელონამ” თანაქალაქელი “ესპანიოლი” ანგარიშით 5:1 გაანადგურა. მესიმ ჰეთთრიკი შეასრულა და “ბარსელონას” რიგებში გატანილ გოლთა საერთო რაოდენობა 402 ბურთამდე გაზარდა.
არგენტინელმა ფეხბურთელმა 374 გოლი ოფიციალურ მატჩებში გაიტანა, დანარჩენი 28 ბურთის გატანა კი ამხანაგურ შეხვედრებში მოახერხა.
გარდა ამისა, მესი კატალონიური დერბის საუკეთესო ბომბარდირიც გახდა. მის ანგარიშზე “ესპანიოლის” წინააღმდეგ ჩატარებულ 16 შეხვედრაში 12 გატანილი გოლია.
მოგეხსენებათ, შაბათს „სევილიასთან“ მატჩში ლიონელ მესიმ ჰეთთრიკი შეასრულა, რისი წყალობითაც ესპანეთის პრიმერა დივიზონის ყველა დროის საუკეთესო ბობმარდირი გახდა.
მოახერხებს თუ არა ვინმე ლიონელის რეკორდების გაუმჯობესაბას? ამ კითხვას „Talk Sport“-მა ვიდეო მიუძღვნა.
მადრიდის “რეალის” ვიცეპრეზიდენტი ფერნანდო ტაპიასი გამოეხმაურა ინფორმაციას, რომლის მიხედვითაც, მის კლუბს “ბარსელონადან” ლიონელ მესის გადმობირება სურს.
“მესი “რეალში” რომ გადმოვიდეს, ახალი ლიგის შექმნა გახდება საჭირო. მაგალითად, ევროპულ-ამერიკული ლიგის, სადაც ყველა გუნდი “რეალის” წინააღმდეგ გამოვა. ჩვენ კმაყოფილები ვართ არსებული ვითარებით. რაც უფრო მეტ გუნდს ეყოლება თავის რიგებში ბევრი ძლიერი მოთამაშე, მით უკეთესი იქნება.
კრიშტიანუ რონალდუ გენიალური ფეხბურთელია. ის სხვა პლანეტიდან მოსული მოთამაშეა. ასეთები 50 წელიწადში ერთხელ იბადებიან. ის ყველაფერს მიაღწევს, რასაც მოისურვებს. კი ბატონო, მესი შესანიშნავი ფეხბურთელია, მაგრამ ის არ არის რონალდუ”, – ციტირებს “რეალის” ვიცეპრეზიდენტის სიტყვებს Tribalfootball-ი.
„ბარსელონას“ ყოფილმა ნახევარმცველმა რონალდინიომ ლიონელ მესის ესპანეთის ლა ლიგას სიტორიაში ყველა დროის საუკეთესო ბომბარდირობა მიულოცა.
„გილოცავ, ჩემო მეგობარო, შენ ეს დაიმსახურე. ისტორიის ნაწილად ყოფნა, ისაა, რითაც უნდა იამაყო“, – დაწერა რონალდინიომ თავისი ტვიტერის გვერდზე.
შეგახსენებთ, რომ შაბათს „სევილიასთან“ მატჩში მესიმ ჰეთთრიკი შეასრულა და 253 გოლით ესპანეთის პრიმერა დივიზიონის ყველა დროის საუკეთესო ბომბარდირი გახდა.
“ბარსელონას” ნახევარმცველმა ჩავი ერნანდესმა გამოთქვა მოსაზრება, რომ კატალონიური გუნდის ლიდერი ლიონელ მესი ინგლისის პრემიერლიგაში კიდევ უფრო კარგად წარმოაჩენდა საკუითარ შესაძლებლობებს.
“ვფიქრობ, მესი ინგლისში კიდევ უფრო კარგად ითამაშებდა, რადგან იქ ნაკლებ ყურადღებას აქცევენ დაცვას. ინგლისური კლუბები თამაშობენ პრონციპით “ერთი ერთის წინააღმდეგ”, რაც მცველების მხრიდან უფრო მეტ ენერგიას მოითხოვს. პრემიერლიგაში მესი უფრო მეტ თავისუფალ ზონას მოძებნიდა, ვიდრე პრიმერადივიზიონში”, – აღნიშნა ჩავიმ.
