“ბარსელონას” ლიდერმა ლიონელ მესიმ განაცხადა, რომ კარიერის ბოლომდე კატალონიურ გუნდში აპირებს თამაშს.
“ყოველთვის ვამბობდი და კიდევ გავიმეორებ, რომ კარიერას სახლში, “ბარსელონაში” დავასრულებ.
გასული სეზონი ცუდად დავიწყეთ, თუმცა, საბოლოო ჯამში, ყველაფერი მოვიგეთ. იმავეს გაკეთებას ვგეგმავთ ამ სეზონშიც”, – ციტირებს მესის სიტყვებს “ლეკიპი”.
შეგახსენებთ, რომ 11 იანვარს არგენტინელმა ფეხბურთელმა “ოქროს ბურთი” მეხუთედ მოიგო.
გუშინ, არაბეთის გაერთიანებულ საემიროებში ევროპულ კლუბთა ასოციაციის (ЕСА) ჯილდოს Globe Soccer Award 2015-ის გადაცემის საზეიმო ცერემონიალი შედგა.
პრიზები ასე განაწილდა:
წლის ფეხბურთელი: ლიონელ მესი (“ბარსელონა”);
წლის მწვრთნელი: მარკ ვილმოტსი (ბელგიის ნაკრები);
წლის კლუბი: “ბარსელონა”;
წლის აგენტი»: ჟორჟე მენდეში;
წლის მსაჯი: რავშან ირმატოვი;
წლის პრეზიდენტი: ჟოზეპ ბარტომეუ (“ბარსელონა”);
წლის აკადემია: “ბენფიკა”.
გამორჩეული კარიერის გამო სპეციალური ჯილდოები მიიღეს “ნიუ იორკ სიტის” ნახევარმცველებმა – ფრენკ ლამპარდმა და ანდრეა პირლომ.
“ბარსელონას” ლიდერი ლიონელ მესი “ოქროს ბურთის” სამ საბოლოო პრეტენდენტს შორის კრიშტიანუ რონალდუს მოხვედრას არ მოელის. არგენტინელი ფეხბურთელი იმედოვნებს, რომ ტიტულისთვის ნეიმარი, ლუის სუარესი და თავად მესი იბრძოლებენ.
“იმედი მაქვს, “ოქროს ბურთისთვის” ერთმანეთს ლუის სუარესი, ნეიმარი და მე შევეცილებით. ჩემი გამოჯანმრთელების პროცესი ცოტა გაიწელა. ძალიან მინდოდა თამაში, თუმცა გუნდის თამაშის ცქერით გვერდიდან ვტკბებოდი.
ახლა კარგად ვარ, ფორმასა და თვითდაჯერებას ვიბრუნებ. ტრავმიანობის შემდეგ ყოველთვის არის ეს ეტაპი გასავლელი. კმაყოფილი ვარ “რომასთან” ჩატარებული 90 წუთით”, – მესის კომენტარი “მარკამ” გამოაქვეყნა.
“ბარსელონას” ყოფილი ნახევარმცველი ჩავი ერნანდესი ესპანეთის პრიმერადივიზიონის მე-12 ტურში გასამართ “ელ კლასიკოს” გამოეხმაურა. მისი თქმით, თუ აღნიშნულ შეხვედრაში ლეო მესი ვერ ითამაშებს, გუნდები მოედანზე აბსოლუტურად თანაბარი ძალით წარსდგებიან.
შეგახსენებთ, რომ კატალონიელთა ლიდერმა მუხლის ტრავმა მოიშუშა, თუმცა სასტარტო შემადგენლობაში მისი ყოფნა მაინც საეჭვოა.
“თუ მესი მოედანზე არ გავა, გუნდები ერთმანეთის წინაშე თანაბარი ძალით წარსდგებიან. “რეალსაც” ჰყავს ტრავმირებული მოთამაშეები, მაგრამ არა ისეთი მნიშვნელოვანი, როგორიც ლეო არის “ბარსელონასთვის”. “სანტიაგო ბერნაბეუზე” გამარჯვება ძალზედ რთული საქმეა, მესის გარეშე კი ეს კიდევ უფრო გაჭირდება. ამის მიუხედავად, “ბარსელონას” კარგი შემადგენლობა ჰყავს და წარმატებების მიღწევა შეუძლია”, – ციტირებს ჩავის სიტყვებს ESPN.
ოფიციალურად დადგინდა სეზონის პირველი “ელ კლასიკოს” ჩატარების თარიღი და დრო.
ესპანეთის პრიმერადივიზიონის მე-12 ტურში მადრიდის “რეალსა” და “ბარსელონას” შორის გასამართი მატჩი 21 ნოემბერს, თბილისის დროით 21:15 (ადგილობრივი დროით 18:15) საათზე დაიწყება.
მეორე წრეში ამავე გუნდებს შორის “ნოუ კამპზე” გასამართი შეხვედრა აპრილში უნდა ჩატარდეს.
ესპანეთის პროკურატურამ “ბარსელონას” ლიდერ ლიონელ მესის გადასახადების გადაუხდელობის ბრალდება მოუხსნა.
“მარკას” ცნობით, ბრალი საკუთარ თავზე ლეოს მამამ, ხორხე ორასიო მესიმ აიღო, რომელსაც 18 თვით თავისუფლების აღკვეთა ემუქრება.
შეგახსენებთ, რომ მესისა და მამამისს 2007-დან 2009 წლამდე პერიოდში 4,1 მილიონი ევროს ოდენობის გადასახადების დამალვის ბრალდება ჰქონდათ წაყენებული.
მიუხედავად იმისა, რომ “ბარსელონას” ლიდერმა ლიონელ მესიმ ტრავმა მიიღო, იგი გუნდის ვარჯიშებს მაინც ესწრება. ამაში მას ლუის სუარესი ეხმარება. სწორედ ურუგვაელ თავდამსხმელს მიჰყავს მესი საწვრთნელ შეკრებაზე და შემდეგ შინაც აბრუნებს. ეს იმის გამო, რომ არგენტინელმა ფეხბურთელმა თანაგუნდელების მხრიდან თანადგომა იგრძნოს.
შეგახსენებთ, რომ ესპანეთის პრიმერადივიზიონის VI ტურში “ბარსელონასა” და “ლას პალმასს” შორის გამართული მატჩის (2:1) მიმდინარეობისას ლეო მესიმ ტრავმა მიიღო და მე-10 წუთზე მოედნის დატოვება მოუხდა. როგორც აღმოჩნდა, არგენტინელმა მარცხენა მუხლის მყესი დაიშავა, რის გამოც 7-8 კვირით უქმობა მოუწევს.
ესპანეთის პრიმერადივიზიონის VI ტურში “ბარსელონა” საკუთარ მოედანზე “ლას პალმასს” მასპინძლობს.
შეხვედრის მიმდინარეობისას კატალონიელთა ლიდერმა ლიონელ მესიმ ტრავმა მიიღო. არგენტინელი ფეხბურთელი მე-10 წუთზე მუხლის დაზიანების გამო შეცვალეს. მოედანზე მის ნაცვლად მუნირ ელ ჰადადი შემოვიდა.
ამ დროისთვის პირველი ტაიმის მიწურულია და ლუის სუარესის მიერ გატანილი გოლის წყალობით “ბარსელონა” მეტოქეს ანგარიშით 1:0 ამარცხებს.
ესპანეთის პრიმერადივიზიონის მე-3 ტურში მადრიდის “ატლეტიკოსა” და “ბარსელონას” შორის გამართული მატჩის (1:2) შემდეგ კატალონიური გუნდის ნახევარმცველმა სერხი რობერტომ ლიონელ მესის შესახებ ისაუბრა, რომელმაც ამ შეხვედრაში გამარჯვების გოლი გაიტანა.
“მესის მსგავსი ფეხბურთელი არ არსებობს. იგი საუკეთესოა. დიდი პატივია, გუნდში მისი ყოლა.
მესი უნიკალურია. გუშინ იგი მეორე შვილის მამა გახდა, არ ივარჯიშა, დღეს კი შეცვლაზე შემოვიდა და მატჩი მოგვაგებინა”, – აღნიშნა სერხი რობერტომ.
ესპანეთის პრიმერადივიზიონის მე-3 ტურში “ბარსელონას” ლიდერმა ლიონელ მესიმ მადრიდის “ატლეტიკოსთან” გამართულ გასვლით მატჩში გამარჯვების გოლი გაიტანა. არგენტინელი ფეხბურთელი ძირითად შემადგენლობაში ვერ მოხვდა, რადგან წინასამაჩო ვარჯიში მეუღლის მშობიარობის გამო გააცდინა. იგი მოედანზე შეხვედრის მიმდინარეობისას გამოჩნდა. მესიმ გოლი ახალდაბადებულ შვილ მატეოს მიუძღვნა.
ლიონელ მესიმ არგენტინის ნაკრებთან ერთად ვერაფრით ვერ მოიგო ვერც კოპა ამერიკა და ვერც მსოფლიოს ჩემპიონატი. დასრულდა სამხრეთ ამერიკის პირველობა და “ოქროს ბურთის” ოთხგზის მფლობელი ამჯერადაც ვერცხლის მედლის ამარა დარჩა.
ლეო მესიმ 2015 წლის კოპა ამერიკის გათამაშებაზე ექვსი მატჩი ჩაატარა, ერთი გოლი გაიტანა და სამი საგოლე პასი გააკეთა. მას არგენტინის ნაკრებში სულ 103 შეხვედრა აქვს ჩატარებული, გაიტანა 46 ბურთი და გააკეთა 30 შედეგიანი გადაცემა.
|
ფინალური ტურნირი: |
წელი: |
მ |
გ |
პ |
შედეგი: |
| მსოფლიოს ჩემპიონატი | 2006 | 3 | 1 | 1 | მეოთხედფინალი |
| კოპა ამერიკა | 2007 | 6 | 2 | 1 | მე-2 ადგილი |
| მსოფლიოს ჩემპიონატი | 2010 | 5 | 0 | 1 | მეოთხედფინალი |
| კოპა ამერიკა | 2011 | 4 | 0 | 3 | მეოთხედფინალი |
| მსოფლიოს ჩემპიონატი | 2014 | 7 | 4 | 1 | მე-2 ადგილი |
| კოპა ამერიკა | 2015 | 6 | 1 | 3 | მე-2 ადგილი |
| სულ (კოპა ამერიკა) | 16 | 3 | 7 | ||
| სულ (მსოფლიოს ჩემპიონატი) | 15 | 5 | 3 | ||
| სულ (ორივე ტურნირი) | 31 | 8 | 10 |
მ — მატჩი;
გ — გოლი;
პ — საგოლე პასი.
ჩილეში მდებარე ერთ-ერთი მოტელის მფლობელი მიმდინარე კოპა ამერიკის ტურნირთან დაკავშირებით მის სტუმრებს საინტერესო შეთავაზებებით ანებივრებს.
ობიექტის მფლობელმა განაცხადა, რომ კოპა ამერიკაზე ლიონელ მესის ყოველი გოლის შემდეგ მის სტუმრებს უფასო სასმელით გაუმასპინძლდება. არგენტინის ნაკრების გამარჯვების შემთხვევაში, მოტელის სტუმრებს სხვადასხვა სახის ფასდაკლებებსა და სპეციალურ შეთავაზებებს გაუკეთებენ. გარდა ამისა, სტუმრებს შორის ერთგვარი ლატარია ჩატარდება, რომლის გამარჯვებულიც საჩუქრად არგენტინის ნაკრების მაისურს მიიღებს.
