ნაციონალური საკალათბურთო ასოციაციის ოფიციალური საიტი იტყობინება, რომ თავისუფალმა აგენტმა ლებრონ ჯეიმსმა „კლივლენდ კავალიერსში“ დაბრუნება დაადასტურა.
„ოგაიო ჩემთვის კალათბურთზე უფრო მნიშვნელოვანია. ოთხი წლის წინ მე ეს არ მესმოდა. სამაგიეროდ, ახლა ყველაფერს მივხვდი“, – განუცხადა ფორვარდმა „Sports Illustrated“-ს.
ცნობისთვის, ლებრონმა „კავალიერსში“ შვიდი სეზონი ჩაატარა, რის შემდეგაც „მაიმი ჰიტში“ გადაბარგდა, რომელთან ერთადაც ოთხ წელიწადში ორი საჩემპიონო ტიტული მოიგო.
ESPN.com-ის ინფორმაციით, ლებრონ ჯეიმსის „მაიამი ჰიტიდან“ წასვლის შემთხვევაში, კრის ბოში „ჰიუსტონ როკეტსის“ კალათბურთელი გახდება.
ბოშს ჯეიმსთან თამაშის გაგრძელების სურვილი აქვს, თუმცა ამავე დროს იგი „როკეტსის“ წინადადებას განიხილავს, რომელიც მას 4-წლიან კონტრაქტსა და 88 მილიონ დოლარს სთავაზობს. რაც შეეხება ჯეიმსს, როგორც ცნობილია, იგი კლუბის ხელმძღვანელობას შეხვდა, თუმცა საბოლოო გადაწყვეტილება ჯერ არ მიუღია, რადგან მის დაბრუნებას „კლივლენდ კავალიერსიც“ ცდილობს.
აღსანიშნავია, რომ „ჰიუსტონის“ მდგომარეობა ოთხშაბათს გაუარესდა, როდესაც ჩენდლერ პარსონსმა „დალას მავერიკსთან“ 3-წლიანი 45-მილიონიანი კონტრაქტი გააფორმა. იმ შემთხვევაში, თუ „როკეტსი“ „მავერიკსის“ წინადადებას გაიმეორებს, რაზეც მხოლოდ 3 დღე აქვს, კლუბს ბოშის დამატების შანსი აღარ ექნება.
გარდა ამისა, ადგილის გათავისულებისთვის და კრისისთვის ხელფასის გადახდისთვის „ჰიუსტონს“ ომერ აშიკისა და ჯერემი ლინის გაშვება მოუწევს.
წარმოგიდგენთ 15-წუთიან ვიდეოს, რომელიც დაწვრილებით ხსნის, თუ რატომ უნდა იბრძოლონ მიმდინარე ზაფხულს ნაციონალური საკალათბურთო ასოციაციის კლუბებმა ლებრონ ჯემისის შესაძენად, რომელიც თავისუფალი აგენტი გახდა.
ფრანგულმა „დიჟონმა“ ნაციონალური საკალათბურთო ასოციაციის ვარკსვლავ ლებრონ ჯეიმსს მიმართა და ევროპაში თამაში შესთავაზა.
კლუბმა კალათბურთელს მშობლიურ ქალაქში სპეციალური წერილი გაუგზავნა.
აშშ-ს პრესას თუ დავუჯერებთ ლებრონ ჯეიმსის წარმომადგენელმა რილ პოლმა „მაიამი ჰიტის“ ხელმძღვანელობას დაუდასტურა, რომ მისი კლიენტი თავისუფალი აგენტების ბაზარზე გასვლას გეგმავს.
აქედან გამომდინარე, პირველი ივლისდან 29 წლის ლებრონი „ჰიტს“ დატოვებს და სრულყოფილი თავისუფალი აგენტი იქნება. ამის უფლება კი მას ფლორიდელებთან არსებული კონტრაქტის მიხედვით აქვს.
ცნობილმა ანალიტიკოსმა ენრიუ ვოინაროვსკიმ აღნიშნული ინფორმაცია დაადასტურა და ისიც თქვა, რომ ლებრონი ამ ნაბიჯით კლუბის ხელმძღვანელობას შემადგენლბოის გაძლიერებისკენ მოუწოდებს.
განცვლილ სეზონში ლებრონმა „მაიამის“ მაისურით 77 მატჩი ჩაატარა, მისმა საშუალო მონაგარმა 27,1 ქულა, 6,9 მოხსნა და 6,4 გადაცემა შეადგინა.
„იაჰუ სპორტსის“ მიერ გავრცელებულ ინფორმაციას თუ დავუჯერებთ, „მაიამი ჰიტის“ ცენტრი კრის ანდერსენი კონტრაქტში არსებულ პუნქტს გამოიყენებს, რომლის მიხედვითაც, მას კონტრაქტის გაწყვეტისა და თავისუფალი აგენტების ბაზარზე გადასვლის უფლება ექნება.
ამავე დროს, გამორიცხული არ არის, ანდერსენმა ფლორიდელებთან ახალ გრძელვადიან კონტრაქტს მოაწეროს ხელი.
რეგულარული ჩემპიონატის 72 მატჩში ანდერსენის საშუალო მონაგარმა 6,6 ქულა, 5,3 მოხსნა და 1,3 ბლოკშოთი შეადგინა.
ალექსანდრე მატევოსოვი
წარმოგიდგენთ ნაციონალური საკალათბურთო ასოციაციის ფინალური სერიის მეხუთე და როგორც აღმოჩნდა, ბოლო მატჩის სრულ მიმოხილვას.
აქვე შეგახსენებთ, რომ ეს შეხვედრა „პურსის“ გამარჯვებით 104:87 დასრულდა, შედეგად, ტეხასელებმა სერია ანგარიშით 4:1 მოიგეს და თავიან ისტორიაში ლიგა მეხუთედ მოიგეს.
„მაიამი ჰიტის“ ლიდერმა ლებრონ ჯეიმსმა „სან-ანტონიო სპურსთან“ წაგებული ფინალური სერიის შესახებ ისაუბრა.
„ის, რაც მე გავაკეთე, მოსაგებად საკმარისი არ აღმოჩნდა. როგორც გუნდი, „სპურსი“ ჩვენზე უკეთესი აღოჩნდა. ტეხასელებმა გუნდური კალათბურთი აჩვენეს. ყოველი მოთამაშე ერთმანეთს ეხმარებოდა. თითოეუილი კალატბურტელი მხოლოდ გუნდზე უნდა ფიქრობდეს, „სან-ანტონიომ“ კი ამის კარგი მაგალითი გვიცჩენა“, – განუცხადა ჯეიმსმა „USA Today“-ს.
ალექსანდრე მატევოსოვი
„მაიამი ჰიტის“ უკანახაზელმა დუეინ უეიდმა „სან-ანტონიო სპურსთან“ ფინალური სერიის ანგარიშით 1:4 წაგების შემდეგ სოციალურ ქსელ „ინსტაგრამზე“ პოსტი გამოაქვეყნა.
„მარცხი თუ გამარჯვება, კრისი და ლებრონი ყოველთვის ჩემი მეგობრები იქნებიან. გარდა ამისა, იგივე სხვა 12 კალათბურთელსაც ეხება, რომელიც ამ სურათზე არ არის. ჩვენ როგორც ჩემპიონები ერთად ვიგებთ და როგორც ჩემპიონები ვმარცხებით“, – დაწერა უეიდმა.
ალექსანდრე მატევოსოვი
ლებრონ ჯეიმსმა განაცხადა, რომ სურს, „მაიამი ჰიტი“ ნაციონალური საკალათბურთო ასოციაციის ისტორიაში პირველი გუნდი გახდეს, რომელიც ფინალურ სერიაში ანგარიშით 1:3 დამარცხების შემდეგ „ქამბექის“ გაკეთებას შეძლებს.
„რატომაც არა? ოდესმე ეს უდნა მოხდეს. რა თქმა უნდა, ბოლო ორი საჩემპიონო ტიტული მოტივაციას გვმატებს. დღევანდელი დღით უნდა ვცხოვრობდეთ. არ შემიძლია იმის შეცვლა, რაც უკვე მოხდა, მაგრამ შემიძლია მომავალზე მოვახდინო ზეგავლენა.
ჩვენ ერთი მატჩი უნდა მოვიგოთ. ეს ყველაფერია, რაზეც ახლა უნდა ვიფიქროთ. არ ღირს ფიქრი მეშვიდე ან რომელიე სხვა თამაშზე, რადგან თუ წავაგებთ, სეზონი დასრულდება“, – განუცხადა ლებრონმა „იაჰუ სპროტსს“.
შეგახსენებთ, რომ „სან-ანტონიო სპურსისა“ და „მაიამი ჰიტის“ ფინალური სერიის მეხუთე მატჩი დღეს, თბილისის ღამის ოთხ საათზე დაიწყება.
ალექსანდრე მატევოსოვი
„სან-ანტონიო სპურსი“ „მაიმი ჰიტთან“ ფინალურ სერიას ანგარიშით 3:1 იგებს. აქამდე მსგავსი უპირატესობა ფინალში ხელიდან არავის გაუშვია.
გრეგ პოპოვიჩის გუნდის ცენტრმა ტიმ დანკანმა განაცხადა, რომ გუნდი ამჟამად მხოლოდ მოახლოებულ შეხვედრაზე ფიქრობს.
„გასული სეზონი გვახსოვს. მაშინ სერიოზული გაკვეთილი მივიღეთ. ამჟამად მხოლოდ მეხუთე მატჩზე ვართ კონცენტრირებული“, – განუცხადა ტიმმა „NBA on ESPN“-ს.
ალექსანდრე მატევოსოვი
ნაციონალური საკალათბურთო ასოციაციის ლეგენდარული ცენტრი შაკილ ო’ნილი მაყურებელთა გართობას აგრძელებს.
„მაიამი ჰიტისა“ და „სან-ანტონიო სპურსის“ ფინალური სერიის მეოთხე მატჩის შესვენების დროს იგი ჩარლზ ბარკლის მოეფერა, შემდგომ კი, აკოცა კიდეც.
წარმოგიდგენთ ამ სახალისო ეპიზოდის ამსახველ ვიდეოს:
