ნაციონალური საკალათბურთო ასოციაციის ლეგენდარული მოთამაშის მეჯიკ ჯონსონის აზრით, მაიკ დ’ენტონი „ლოს-ანჯელეს ლეიკერსის“ დონეს ვერ აკმაყოფილებს.
„იგი გუნდს დაცვაში თამაშს არ ასწავლის. არ შემიძლია იმის ნახვა, თუ როგორ იცავს თავს ეს გუნდი. ყოველ მატჩში ერთნაირ კომბინაციებს ვხედავთ. მიმდინარე სეზონში „ლეიკერსმა“ უკვე 40 მატჩი ჩაატარა. გუნდები ერთი სტილის შეტევებს გვთავაზობენ, თუმცა მათი გაჩერება არ შეგვიძლია.
დ’ენტონი მაშინ მომწონდა, როდესაც იგი „ფინიქს სანსს“ თავკაცობდა. მაგრამ, ეს „ლეიკერსია“. ჩვენ საჩემპიონო გუნდის დონის სპეციალისტი გვჭირდება. კლუბის მენეჯერებმა შეცდომა დაუშვეს, როდესაც ფილ ჯექსონი არ დააბრუნეს“, – განუცხადა ჯონსონმა The Los Angeles Times-ს.
ალექსანდრე მატევოსოვი
