”ატლანტა ჰოუქსის”, ”კლივლენდ კავალიერსისა” და ”მემფის გრიზლისის” ყოფილი თავკაცი მაიკ ფრატელო, რომელიც ამჟამად უკრაინის ნაკრებს უდგას სათავეში, თვლის, რომ უახლოეს მომავალში ეროვნულ საკალათბურთო ასოციაციაში პირველი ევროპელი მწვრთვნელი გამოჩნდება.
”ეს მომენტი სულ მალე დადგება. NBA-ს გუნდთა შემადგენლობაში სულ უფრო და უფრო მეტი ევროპელი სპეციალისტი იწყებს მუშაობას. უკვე ახლა უცხოელები კლუბების მფლობელები ხდებიან და გენერალური მენეჯერის პოსტებს იკავებენ. თუ ასისტენტებზე და სკაუტებზე ვისაუბრებთ, მაშინ აღმოვაჩენთ, რომ მათი გარკვეული ნაწილი სხვადასხვა ქვეყნებს წარმოადგენს”, – განუცხადა ფრატელომ ESPN.com-ს.
ალექსანდრე მატევოსოვი