არგენტინელი ფორვარდი ლიონელ მესი თავის გუნდს ესპანეთის პრიმერა დივიზონის მეორე ტურის შეხვედრაში ვერ დაეხმარება.
შეგახსენებთ, რომ ტრავმა მესიმ პირველი ტურის შეხვედრაში მიიღო, რომელშიც ”ბლაუგრანასმა” ”ლევანტეს” უმასპინძლა და ანაგრიშით 7:0 გაანადგურა.
ჯერჯერობით უცნობია, მოახერხებს თუ არა არგენტინელი შემდეგ კვირამდე გამოჯანმრთელებას და შესაბამისად, მესამე ტურის მატჩში მონაწილეობის მიღებას.
გარდა ამისა, კატალონიელებს ზემოხსენებულ შეხვედრაში მარტინ მონტოიაც ვერ დაეხმარება.
ცნობისთვის, ”ბარსელონასა” და ”მალაგას” შორის მატჩი ხვალ, თბილისის დროით 23 საათზე დაიწყება.
ალექსანდრე მატევოსოვი