“მანჩესტერ სიტის” ესპანელი თავდამსხმელი, ალვარო ნეგრედო აცხადებს, რომ შესაძლოა, რამდენიმე წელიწადში, კატალონიის “ბარსელონას” არგენტინელ სუპერვარსკვლავს, ლიონელ მესის ლა ლიგა მობეზრდეს და სათამაშოდ ინგლისის პრემიერ ლიგაში გადაბარგდეს.
“ყოფილა შემთხვევები, როდესაც ესპანეთის ჩემპიონატში მოთამაშე ფეხბურთელები ინგლისის პრემიერ ლიგაში გადმობარგებულან. მაგალითად, ასე დავიდ სილვა, სანტი კასორლა, დავიდ დე ხეა, ხუან მატა და მე მოვქცეულვართ. ამრიგად, სულაც არ გამიკვირდება, რომ რამდენიმე წელიწადში, ლიონელ მესი ინგლისში ვიხილო”, – თქვა ნეგრედომ.