ჭდე: მანუჩარ მარკოიშვილი

პირველი მატჩის ჩავარდნის შემდეგ დიდებულად ჩაატარა ფინალური სერიის მეორე შეხვედრა მანუჩარ მარკოიშვილმა. სტამბოლში, ვარსკვლავებით გადაჭედილ “ფენერბაჰჩეს” მისსავე მოედანზე მარკოიშვილმა 24 ქულა ჩაუგდო და “გალათასარაის” რომ მოეგო, ქართველი ლეგიონერი ჭეშმარიტი გმირი გახდებოდა, მაგრამ… “გალათასარაიმ” ერთადერთი ქულით – 73:74 წააგო და “ფენერბაჰჩეს” მოედნის უპირატესობა ვერ აართვა.

შედეგად, სტამბოლურმა “ფენერმა” მეორე შეხვედრაც მოიგო და თურქეთის ჩემპიონატის ფინალურ სერიაში 2:0 დაწინაურდა. მარკოიშვილი ორივე გუნდის შემადგენლობაში საუკეთესო იყო. ქართელმა კალათბურთელმა 35 წუთში 4-დან 2 ორქულიანი, 2-დან 2 საჯარიმო და 10-დან 6 სამქულიანი ჩააგდო. 24 ქულასთან ერთად მანუჩარმა 5 მოხსნა და 1 პასი დააგროვა, ბურთი კი 3-ჯერ დაკარგა.

“გალათასარაიში” მარკოიშვილის კვალზე 14 ქულა ჩააგდო ზორან ერცეგმა, კარლოს აროიომ კი 12ქულა და 5პასი მოაგროვა. “ფენერბაჰჩეში” 15-15 ქულა დააგროვეს ბო მაკალებმა და ლუკა ჟორიჩმა.

ფინალური სერია 4მოგებამდე გრძელდება. მომდევნო მატჩი 8 ივნისს, სტამბოლშივე, “გალათასარაის” “აბდი იპექჩის” დარბაზში გაიმართება.

gbf.ge

მანუჩარ მარკოიშვილის „გალათასარაი“ თურქეთის ჩემპიონატის ნახევარფინალურ სერიაში 2:1 დაწინაურდა. სტამბოლურმა გუნდმა „ბანვიათს“ უმასპინძლა და დაძაბულ ბრძოლაში – 76:71 დაამარცხა.

ქართველმა უკანახაზელმა სასტარტო ხუთეულში ითამაშა და 24:41 წუთში 11 ქულა და 1მოხსნა მიითვალა. მანუჩარმა 4-დან 2 ორქულიანი, 4-დან 2 სამქულიანი და 1 საჯარიმოჩააგდო და 2 პერსონალური ფოლი მიიღო.

„გალათასარაიში“ ყველაზე შედეგიანები კარლოს აროიო (19) და ზორან ერცეგი (14) იყვნენ,ერსინ დალიმ კი 8 ქულას 15 მოხსნა წაამატა. აღსანიშნავია, რომ სტამბოლელები ბოლომეოთხედის წინ 5 ქულით აგებდნენ, თუმცა, უკანასკნელი ათწუთეული დამაჯერებლადჩაატარეს – 29:19.

ნახევარფინალური სერიის მომდევნო, მე-4 შეხვედრა 30 მაისს, კვლავ „გალათასარაის“ მოედანზე გაიმართება და თუკი მარკოიშვილის გუნდი მოიგებს, ფინალში გავა. ფინალშია გასული „სტამბოლური „ფენერბაჰჩე“, რომელმაც ნახევარფინალური სერია მშრალად – 3:0 მოუგო „ქარშიაქას“.

gbf.ge

მანუჩარ მარკოიშვილის “გალათასარაის” სულ ცოტა დააკლდა თურქეთის ჩემპიონატის ნახევარფინალურ სერიაში 2:0 დაწინაურებამდე. სტამბოლურმა გუნდმა სერიის მეორე მატჩი კვლავ სტუმრად, ბალიკეშირში ჩაატარა და ამჯერად 69:67 დამარცხდა.

მარკოიშვილმა მოედანზე მყოფთაგან ყველაზემეტი ითამაშა. 36:39 წუთში ქართველმა უკანახაზელმა 5 ქულა, 4 მოხსნა, 3 ჩაჭრა და 1 პასი მიითვალა. მანუჩარმა 3-დან 1 სამქულიანი და 3-დან 1 ორიანი ჩააგდო.

გალათასარაის” 19 ქულით კარლოს აროიომ ულიდერა, “ბანვითის” რიგებში კი საუკეთესო ეარლ როულენდი იყო 18 ქულით და 6 პასით.28 და 30 მაისს სტამბულელები შინ ითამაშებენ, ხოლო თუკი მე-5 შეხვედრის ჩატარება გახდა საჭირო, მას “ბანვითი” 2 ივნისს მიიღებს.

gbf.ge

მანუჩარ მარკოიშვილის “გალათასარაი” თურქეთის ჩემპიონატის ნახევარფინალში გავიდა. სტამბოლურ დერბიში “გალამ” საერთო ანგარიშით 2:1 “ბეშიქთაში” დაამარცხა და შარშან მოგებული ტიტულის დაცვას აგრძელებს.

გადამწყვეტ მატჩს “გალათასარაის” მოედანმა უმასპინძლა. შეხვედრა საინტერესო და დაძაბული გამოვიდა, რომლის ბოლო წუთებზე ყველაფერი მარკოიშვილის თანაგუნდელთა სასარგებლოდ გადაწყდა. საბოლოოდ “გალათასარაიმ” 78:65 გაიმარჯვა და ამაში საკუთარი წვლილი ქართველ ლეგიონერს მიუძღვის.

მარკოიშვილმა 24:26 წუთს ითამაშა და 9 ქულა, 2 მოხსნა და 1 პასი მიითვალა. ქართველმა კალათბურთელმა 6-დან 2 სამქულიანი, 1-დან 1 ორიანი და 2-დან 1 საჯარიმო ჩააგდო. სინან გიუერმა მასპინძებს 15 ქულა შესძინა, კარლოს აროიომ კი – 12 ქულა და 8 პასი.

ნახევარფინალში “გალათასარაი” “ბანვითს” შეხვდება, რომელმაც სერია  მშრალად, 2:0 მოუგო “თოფაშს”.

gbf.ge

თურქეთის ჩემპიონატში მოედნის უპირატესობა დაიბრუნა მანუჩარ მარკოიშვილის “გალათასარაიმ”. სტამბოლურ დერბიში მარკოიშვილის გუნდმა “ბეშიქთაშთან” ჯერ შინ წააგო, მეორე შეხვედრაში კი სტუმრად იმარჯვა და სერიის მე-3, გადამწყვეტ შეხვედრას საკუთარ მოედანზე გამართავს.

პირველის მსგავსად, წუხანდელი შეხვედრაც 2-ქულიანი სხვაობით დასრულდა. დაძაბულ და ემოციურ დაპირისპირებაში “გალათასარაიმ” 66:64 იმარჯვა. ქართველმა ფორვარდმამოედანზე 15:24 წუთი გაატარა და 8 ქულასთან ერთად 2 მოხსნა მიითვალა. მანუჩარმა 5-დან 2 სამქულიანი და 2-დან 2 საჯარიმო ჩააგდო, 1 სამიანიკი ააცილა.

სერიის გადამწყვეტი მატჩი 20 მაისს, “გალათასარაის” მოედანზე გაიმართება. ამ წყვილში გამარჯვებული ნახევარფინალში “ბანვითს”შეხვდება, რომელმაც მეოთხედფინალური სერია 2:0 მოუგო “თოფაშს”.

gbf.ge

მანუჩარ მარკოიშვილის “გალათსარაიმ” თურქეთის ჩემპიონატის მორიგი მატჩი გამართა და გამარჯვება იზეიმა.სტამბოლელებმა “ოლინ ედირნეს” უმასპინძლეს და 15 ქულის სხვაობით – 93:78 იმარჯვეს.

მანუჩრმა 17:40 წუთი ითამაშა და “გალათასარაის” 7 ქულა, 4 მოხსნა, 2 პასი და 1 ჩაჭრა მიაშველა. ქართველმა ლეგიონერმა 4-დან 2 ორქულიანი 3-დან 1 სამიანი ჩააგო. 12 ქულით ბომბარდირი კარლოს აროიო გახდა.

28 მატჩიდან 18 მოგებით “გალათასარაი” მე-5 ადგილზეა. დარჩნილ 2 ტურში სტამბოლელებს მხოლოდ 1 საფეხურით ანაცვლების შანსი აქვთ, რის შემდეგაც პლეი ოფის მატჩები დაიწყება.

gbf.ge

თურქეთის ჩემპიონატის მორიგ ტურში მანუჩარ მარკოიშვილის “გალათასარაიმ” გამარჯვება მოიპოვა. სტამბოლელები ანკარაში “ტედ კოლეჯს” შეხვდნენ და ანგარიშით 83:78 იმარჯვეს.

“გალათასარაის” გვარიანად დიდი ჯაფა დაადგა მოსაგებად. ბოლო მეოთხედის წინ სტამბოლელები 14 ქულით აგებდნენ და თითქმის უიმედი სიტუაციაში იყვნენ, თუმცა გადამწყვეტ პერიოდში მაქსიმუმი გააკეთეს და გამარჯვებამდე მივიდნენ. მარკოიშვილის გუნდმა 10-წუთეული 29:10 მოიგო და საბოლოოდ საწადელს მიაღწია.

ქართველმა უკანახაზელმა 24:28 წუთი ითამაშა და 2-დან 1 ორქულიანი და 4-დან 3 სამიანი ჩააგდო. მოგროვებულ 11 ქულას მარკოიშვილმა თითო მოხსნა-პასი მოაყოლა, საუკეთესო შედეგი კი ენდერ არსლანმა აჩვენა 16 ქულითა და 5 პასით.

27 მატჩიდან 17 გამარჯვებით სტამბოლელები მე-5 ადგილზე არიან და დარჩნილ 3 ტურში რაც შეიძლება დაწინაურებას ეცდება, რათა პლეი ოფშს ხელსაყრელ პოზიციაზე შეხვდეს. მორიგ მატჩში, 1 მაისს, “გალათასარაი” “ოლინ ედირნს” უმასპინძლებს. 

gbf.ge