„მანჩესტერ სიტის“ მთავარი მწვრთნელი მანუელ პელეგრინი „იუანტედთან“ წაგებული მატჩის შემდეგ ჟურნალისტებს გაესაუბრა.
„კლუბში ჩემს პოზიციებზე არ ვისაუბრებ. ახლა შემდეგ შეხვედრაზე უნდა ვიფიქროთ. წინ 6 მატჩია. ერთ კვირაში ორი თამაში წავაგეთ, თუმცა კიდევ 18 ქულის დაგროვების შანსი გვაქვს.
შექმნილი სიტუაციისგან დრამის შექმნა არ ღირს. მარცხი რაც შეიძლება სწრაფად უნდა დავივიწყოთ. 2015 წელს ეს კვირა ჩვენთვის ყველაზე ცუდი გამოდგა, შევეცდებით, ყველაფერი გამოვასწოროთ. ფეხბურთელების ფსიქოლოგიაზე მუშაობის გაგრძელება მნიშვნელოვანია. შემდეგი შეხვედრის მოგების შემთხვევაში, თავდაჯერებულობას დავიბრუნებთ“, – განაცხადა ფეხბურთის ჩილელმა სპეციალოისტმა.
