ლონდონის „არსენალი“ კლუბის აკადემიის მწვრთნელ მარკ არბერის მიმართ მკაცრი სანქციების გატარებას აპირებს. აღნიშნული პირი „მეთოფეთა“ სკაუტის, ბობ არბერის შვილია და, როგორც ჩანს, კლუბის სატრანსფერო საკითხებში კარგად იყო ჩახედული, რითაც ისარგებლა კიდეც და მადრიდის „რეალიდან“ მესუთ იოზილის „არსენალში“ გადასვლაზე ფსონს ჩამოვიდა, რაც საზოგადოებას სოციალური ქსელის მეშვეობით ამცნო. „დეილი მეილის“ ცნობით, იმ დროისთვის აღნიშნული ტრანსფერის კოეფიციენტი 14/1-ზე იყო. ცნობისთვის, 35 წლის მარკ არბერი პროფესიონალი ფეხბურთელია და „ქორბი თაუნში“ მოთამაშე-მწვრთნელის ფუნქციებს ითავსებს. შესაძლოა, ის აზარტულ თამაშებში მონაწილეობის გამო ინგლისის ფეხბურთის ასოციაციამაც დასაჯოს.
ბექა დოგრაშვილი