“რომას” თავდამსხმელი მატია დესტრო უახლოეს პერიოდში “მილანს” შეუერთდება. იტალიური წყაროების თანახმად, 23 წლის ფეხბურთელი “როსონერიში” სამედიცინო შემოწმებას ოთხშაბათს გაივლის, რის შემდეგაც მხარეებს შორის შრომითი ხელშეკრულება გაფორმდება.
“რომას” ხელმძღვანელებს სურთ, რომ დესტრომ მაქსიმალურად სწრაფად დატოვოს გუნდი, რათა ზამთრის სატრანსფერო პერიოდში დონეცკის “შახტარიდან” ლუის ადრიანოს დამატება მოესწროს.
მატია დესტრომ იტალიის ჩემპიონატის მიმდინარე გათამაშებაში ჩატარებულ 16 მატჩი ხუთი გოლი გაიტანა.
იტალიის სერია A-ს V ტურში “რომასა” და “ვერონას” შორის გამართულ მატჩში (2:0) მასპინძელთა თავდამსხმელმა მატია დესტრომ გოლი თითქმის მოედნის შუაგულიდან გაიტანა.
“მეკარეები კარს ხშირად ტოვებენ და მეც დიდი ხანია, ასეთი გოლის გატანაზე ვფქრობდი. აი, ვცადე კიდეც. თუმცა, მთავარი ის არის, რომ გუნდმა გაიმარჯვა. მძიმე მატჩი გამოვიდა, “ვერონა” ჩაიკეტა და მომენტების შექმნის საშუალებას არ გვაძლევდა”, – ციტირებს დესტროს სიტყვებს იტალიური პრესა.
აღსანიშნავია, რომ დესტროს “რომას” ფორმით ჩატარებულ 56 მატჩში 26 გოლი აქვს გატანილი.
დღეს, „რომას“ თავდამსხმელმა მატია დესტრომ საერთო ჯგუფთან ვარჯიში განაახლა. ასეა თუ ისე, მოთამაშეს ფორმის აღსადგენად, კიდევ ბევრი მუშაობა დასჭირდება, რის გამოც ნოემბრის თვეში, დიდი ალბათობით, იგი მაინც ვერ ითამაშებს.
შეგახსენებთ, რომ მუხლის ტრავმის გამო მატიას მიმდიანრე სეზონში ჯერ არცერთ შეხვედრა არ ჩაუტარებია.
რაც შეეხება „ჯალოროსის“ კიდევ ერთ ტრავმირებულ ფეხბურთელს ჟერვინიოს, გუშინ იგი ასევე თანაგუნდელებთან ერთად ვარჯიშობდა, თუმცა გუნდის სამწვრთვნელო შტაბი რისკის თავიდან ასაცილებლად, მას „სასუოლოსთან“ მატჩისთვის არ გამოიძახებს.
