კატალონიის “ბარსელონას” სუპერვარსკვლავი ლიონელ მესი ახალ სეზონს ახალი ბუცებით იწყებს. “ადიდასმა” არგენტინელი ფეხბურთელისათვის სპეციალურად შექმნილი ბუცების ფოტოები გამოაქვეყნა.
ჭდე: მესი
ნეიმარი მესიზე პოპულარული გახდა
მსოფლიოს 2014 წლის შემდეგ, პერუში სახელი ნეიმარი საკმაოდ პოპულარული გახდა.
სტატისტიკის მიხედვით, მუნდიალის დასრულებიდან დაახლოებით ორ კვირის განმავლობაში, პერუში 455 ახალდაბადებულ ბავშვს სახელად ნეიმარი დაარქვეს.
ლიონელ მესის საპატივცემულოდ, პერუში 140 ბავშვს ლიონელი, ხოლო 239 ბავშვს ლეონელი დაარქვეს.
როგორც ჩანს, უკვალოდ არ ჩაუვლია, ხამეს როდრიგესის კარგ თამაშსაც, პერუში სახელი ხამესი უვკე 123 ბავშვს ჰქვია.
სერხი რობერტო: “მესიმ “ოქროს ბურთი” დაიმსახურა”
კატალონიის “ბარსელონას” ფეხბურთელი სერხი რობერტო აცხადებს, რომ მისმა თანაგუნდელმა ლიონელ მესიმ “ოქროს ბურთი” დაიმსახურა.
შეგახსენებთ, რომ არგენტინის ნაკრები მსოფლიოს 2014 წლის ჩემპიონატის ფინალში გერმანიის ნაკრებთან დამარცხდა. ბევრის აზრით, “ოქროს ბურთის” მიღებას მესი არ იმსახურებდა.
“მესი მსოფლიოს საუკეთესო ფეხბურთელია. მან მუნდიალზეც მშვენივრად ითამაშა და რა თქმა უნდა, ოქროს ბურთი დაიმსახურა”, – ამბობს სერხი რობერტო.
გულშემატკივარი ტატუს გაკეთების შემდეგ მესის შეხვდა
ლიონელ მესის გულშემატკივარმა ერნან ბაიგორიამ ტატუ გაიკეთა, შემდეგ კი საყვარელ ფეხბურთელს შეხვდა.
ნეიმარი: “არ ვიცი, დაიმსახურა თუ არა მესიმ “ოქროს ბურთი”
კატალონიის “ბარსელონას” ფეხბურთელი ნეიმარი აცხადებს, რომ მან არ იცის, დაიმსახურა თუ არა მესიმ მსოფლიოს ჩემპიონატის შემდეგ “ოქროს ბურთის” მიღება.
შეგახსენებთ, რომ 2014 წლის მუნდიალი გერმანიის ნაკრების გამარჯვებით დასრულდა. გერმანელებმა ფინალში არგენტინელები დაამარცხეს.
“არ ვიცი, სწორი გადაწყვეტილება მიიღეს თუ არა. ვფიქრობ, მესისთან ერთად საუკეთესო სამეულში შვაინშტაიგერი და რობენი უნდა იყვნენ”, – ამბობს ნეიმარი.
ანრი: “რონალდუ მესისავით ნიჭიერი არ არის”
“ნიუ იორკ რედ ბულზის” ვეტერანი თავდამსხმელი ტიერი ანრი აცხადებს, რომ კრიშტიანო რონალდუ ლიონელ მესისავით ნიჭიერი არ არის.
“ლიონელ მესი მსოფლიოს საუკეთესო ფეხბურთელია. ლუის საას ჩემთვის უთქვამს, რომ კრიშტიანო ძალიან ბევრს შრომობდა. ცხადია, ეს დასაფასებელია, მაგრამ ვფიქრობ, რომ მესი კრიშტიანოზე ნიჭიერია”, – ამბობს 36 წლის ფეხბურთელი.
“მესი რომ ადამიანი იყოს…” – 2014 წლის მუნდიალის საუკეთესო ციტატები
მსოფლიოს 2014 წლის ჩემპიონატზე არაერთი დასამახსოვრებელი რამ მოხდა. რამდენიმე ფეხბურთელმა თუ მწვრთნელმა საინტერესო განცხადებებიც კი გააკეთეს.
დიეგო მარადონა:
“ბრაზილიის ნაკრები ტურნირის დაწყებიდანვე არ მომწონდა, მაგრამ არც ის მეგონა, რომ გერმანელები ასეთი შთამბეჭდავები, ძლიერები და დამანგრეველი ძალის მფლობელები თუ იქნებოდნენ.”
სუარესის ბებია:
მას შემდეგ, რაც ლუის სუარესი ბებიამ შვილიშვილისთვის მიცემული დისკვალიფიკაციის შესახებ გაიგო, ასეთი რამ თქვა:
“ყველამ იცის, რაც მათ ლუისს გაუკეთეს. მათ უნდოდათ, რომ ჩემს შვილიშვილს მსოფლიოს ჩემპიონატზე არ ეთამაშა, ეს კი კარგად გამოუვიდათ. მათ სუარესი გარეთ ძაღლივით გააგდეს.”
ჟერომ ვალკე (ფიფას მდივანი):
“სუარესი სამკურნალოდ უნდა წაიყვანონ.”
დიეგო ლუგანო:
“სუარესს სტადიონზე შესვლის, ასევე სასტუმროში თანაგუნდელებთან ერთად ყოფნა აუკრძალეს. ის ოთხი თვის განმავლობაში ვერ იმუშავებს. ჩემი აზრით, ფიფამ ამ გზით ადამიანის უფლება დაარღვია. ვფიქრობ, ასეთ სასჯელს კრიმინალიც კი არ იმსახურებს”
ლუის სუარესი:
“სიმართლე ის არის, რომ ჩემმა კოლეგა ჯორჯო კიელინიმ ფიზიკური ტკივილი მომაყენა, რაზეც ასე ვუპასუხე.”
მარიო ბალოტელი:
“თუ ჩვენ კოსტა რიკას დავამარცხებთ, მაკოცოს ინგლისის დედოფალმა, რა თქმა უნდა, ლოყაზე.”
ლუი ვან გაალი:
“სერხიო რომეროს პენალტების მოგერიება მე ვასწავლე.”
ნეიმარი:
“ღმერთმა გადამარჩინა. ინვალიდის სავარძლამდე ცოტა დამაკლდა.”
ხუან სუნიგა:
“არ მინდოდა, რომ ნეიმარისთვის ტკივილი მიმეყენებინა, მე მხოლოდ ჩემი ქვეყნის ღირსებას ვიცავდი.”
კარლუშ კეიროში:
“მესი მსოფლიოს საუკეთესო ფეხბურთელი იქნებოდა – ადამიანი რომ იყოს.”
ბლატერმა მესის ჯილდოზე ისაუბრა
ფიფას პრეზიდენტმა ზეპ ბლატერმა მსოფლიო ჩემპიონატის საუკეთესო ფეხბურთელის პრიზის მესისთვის გადაცემასთან დაკავშირებით გაკვირვება გამოთქვა. ბლატერის აზრით, მუნდიალზე რამდენიმე ფეხბურთელმა მესიზე უკეთესი შთაბეჭდილება დატოვა.
“მოვლენათა ასეთი განვითარებით გაკვირვებული ვარ. ამას არ ველოდი. მართალია, მუნდიალის ჯგუფურ ეტაპზე მესიმ გადამწყვეტი როლი ითამაშა და საკუთარ გუნდს ძალიან დაეხმარა, მაგრამ იყვნენ მოთამაშეები, რომელთა თამაში უფრო შთამბეჭდავი იყო. ნებისმიერ შემთხვევაში გადაწყვეტილებას პატივი უნდა ვცეთ” – განაცხადა ბლატერმა.
კარაგერი: “ლივერპულში” სუარესის შეცვლა მხოლოდ მესის ან რონალდუს შეუძლია”
“ლივერპულის” ყოფილი ფეხბურთელი ჯეიმი კარაგერი გუნდიდან ლუის სუარესის წასვლას გამოეხმაურა და თქვა, რომ ურუგვაელის შეცვლა მხოლოდ მესის ან რონალდუს შეუძლია.
შეგახსენებთ, რომ სუარესი ახალი სეზონიდან კატალონიის “ბარსელონას” ღირსებას დაიცავს.
“რა თქმა უნდა, სუარესის შეცვლა ძალიან რთული იქნება. “ლივერპული” გასაძლიერებლად ფულს ყოველთვის ხარჯავს, მაგრამ ამჯერად გუნდიდან ერთ-ერთი საუკეთესო ფეხბურთელი წავიდა. ჩემი აზრით, “ლივერპულში” სუარესის შეცვლა მხოლოდ რონალდუს ან მესის შეუძლია”, – ამბობს კარაგერი.
მოურინიო: “მესი შესანიშნავი ფეხბურთელია”
ლონდონის “ჩელსის” მთავარმა მწვრთნელმა ჟოზე მოურინიომ კატალონიის “ბარსელონასა” და არგენტინის ეროვნული ნაკრების თავდამსხმელ ლიონელ მესიზე ისაუბრა და თქვა, რომ ის შესანიშნავი ფეხბურთელია.
“არ მომწონს, როცა მესის ძალიან აკრიტიკებენ, რადგან ის ამას არ იმსახურებს. გამარჯვების შემდეგ მისი შექება ადვილია, წაგების შემდეგ კი რთული. ვფიქრობ, ის შესანიშნავი ფეხბურთელია და ამის დასამტკიცებლად მუნდიალის მოგება არ სჭირდება”, – ამბოს მოურინიო.
გერმანიის ნაკრებთან მატჩში მესის გული ისევ აერია
ინტერნეტ-სივრცეში გავრცელდა ფოტოები, რომლებშიც აღბეჭდილია, თუ როგორ აერია გული ლიონელ მესის გერმანიის ნაკრებთან გამართულ შეხვედრაში.
როგორ გამოიყურებოდა ლიონელ მესი “ოქროს ბურთის” მოგების შემდეგ
როგორც იცით, მსოფლიოს 2014 წლის ჩემპიონატის საუკეთესო ფეხბურთელად არგენტინის ნაკრების მოთამაშე ლიონელ მესი აღიარეს. თუმცა, იმის გამო, რომ მისმა გუნდმა მუნდიალის მოგება ვერ შეძლო, მესი მოწყენილი ჩანდა.
