“მანჩესტერ სიტი” ობამეიანგის შეძენას შეეცდება
Le10Sport-ის ცნობით, მას შემდეგ, რაც “მანჩესტერ სიტიმ” ალექსის სანჩესის დამატება ვერ მოახერხა, კლუბი პიერ-ემერიკ ობამეიანგის შეძენას შეეცდება.
გავრცელებული ინფორმაციით, მანჩესტერელთა მთავარ მწვრთნელს, პეპ გვარდიოლას გაბონელი ფეხბურთელის შეძენა ძალიან უნდა.
“ბორუსიამ” იოზილს დაადგა თვალი
დორტმუნდის “ბორუსიას” ხელმძღვანელები გუნდში ლონდონის “არსენალის” გერმანელი ნახევარმცველის, მესუთ იოზილის დამატებას გეგმავენ. ამ ინფორმაციას Mirror ადასტურებს.
როგორც იცით, ბუნდესლიგაში მოთამაშე გრანდის ხელმძღვანელებს უსმან დემბელეს შეცვლა სურთ, რომელიც ახლახან გადაბარგდა კატალონიურ “ბარსელონაში”.
“მანჩესტერ იუნაიტედი” ბეილის სანაცვლოდ 100 მილიონს იხდის
“მანჩესტერ იუნაიტედი” მზადაა, მადრიდის “რეალის” უელსელი თავდამსხმელის, გარეტ ბეილის ტრანსერის სანაცვლოდ 100 მილიონი ევრო გადაიხადოს.
Don Balon-ის ცნობით, პრემიერ ლიგაში დაბრუნება ბეილს ძველი დიდების დაბრუნებისკენ მიმავალ ერთადერთ სწორ გზად მიაჩნია, რომელიც ამ დროისთვის არც თუ ისე კარგად გამოიყურება “ბლანკოსის” რიგებში.
“ლივერპულმა” კოუტინიო მოარჯულა
ბრიტანული პრესის ცნობით, ფილიპე კოუტინიო შეეგუა იმ აზრს, რომ მიმდინარე ზაფხულის სატრანსფერო ფანჯარაზე “ლივერპული” მას არ გაყიდის მიუხედავად კარიერის კატალონიაში გაგრძელების დიდი სურვილია.
თუმცა, ბრაზილიელი ნახევარმცველი დარწმუნებულია, რომ 2018 წლიდან სწორედ “კამპ ნოუზე” დაბანაკდება.
რეშფორდი სუარესის შემცვლელად?
Don Balon-ის მიერ გავრცელებულ ინფორმაციას თუ დავეყრდნობით, კატალონიის “ბარსელონას” ხელმძღვანელები გუნდში მარკუს რეშფორდის დამატებას გეგმავენ.
როგორც ცნობილი ხდება, “ლურჯ-ბროწეულისფრები” ახალგაზრდა ინგლისელ შემტევში, რომლის გადაბირებაც შესაძლოა, 200 მილიონიც კი დაუჯდეთ, ლუის სუარესის გრძელვადიან შემცვლელს ხედავენ.
პსჟ მბაპეში 180 მილიონს იხდის
“პარი სენ-ჟერმენის” ხელმძღვანელებმა “მონაკოსთან” ფრანგი შემტევის, კილიან მბაპეს ტრანსფერზე შეთანხმებას მიაღწიეს.ამ ინფორმაციას RMC Sport ავრცელებს The Times-ზე დაყრდნობით.
ტრანსფერის ღირებულება 180 მილიონი ევროთი იქნება განსაზღვრული და მბაპე “პსჟ”-სთან გრძელვადიან კონტრაქტს გააფორმებს.
