NBA-ს ფინალური სერია ახალი ფორმატით ჩატარდება

ეროვნული საკალათბურთო ასოციაციის კლუბთა მფლობელებმა ფინალური სერიის ფორმატის შეცვლა გადაწყვიტეს.

აღსანიშნავია, რომ ამ ცვლილების სასარგებლოდ არჩევანი პლანეტის ნომერ პირველი საკალათბურთო ლიგის ყველა კლუბის ხელმძღვანელმა გააკეთა.

შეგახსენებთ, რომ აქამდე NBA-ს სეზონის გადამწყვეტი სერიის ფორმატი 2-3-2 იყო. ახალი დებულების მიხედვით, ფორმატი 2-2-1-1-1-თ შეიცვლება (რაც ნიშნავს იმას, რომ ერთ-ერთი გუნდი პირველ, მეორე, მეხუთე და მეშვიდე მატჩს სახლში გამართავს).

გარდა ამისა, მეექვსე და მეშვიდე თამაშის წინ, გუნდებს დასასვენებლად ერთი დღე მიეცემათ.

ალექსანდრე მატევოსოვი