გასული სეზონის MVP-მ კევინ დურანტმა სამშაბათს 2014/15 წლების სეზონში პირველი მატჩი ჩაატარა. „ოკლაჰომა-სიტი“ გასვლაზე „ნიუ-ორლეანს“ შეხვდა და ანგარიშით 104:112 დამარცხდა.
დურანტმა, რომელმაც რეგულარული ჩემპიონატის სტარტი ფეხის ოპერაციის გამო გამოტოვა, 30 წუთის განმავლობაში ითამაშა და 27 ქულა, 3 მოხსნა და ორი გადაცემა მიითვალა.
18 მატჩის შემდეგ „ოკლაჰომას“ მაჩვენებელი ხუთ მოგებასა და ცამეტ წაგებას შეადგენს.
„ოკლაჰომა-სიტი თანდერის“ ლიდერმა კევინ დურანტმა ორშაბათს ძირითად ჯგუფთან ერთად სრულყოფილი ვარჯიში ჩაატარა, რის შესახებაც ESPN.com-ის კორესპონდენტი როის იანგი იტყობინება.
დურანტის პარკეტზე დაბრუნება „პელიკასნთან“ სამშაბათის მატჩშია მოსალოდნელი, თუმცა, იმ შემთხვევაში, თუ იგი ვერ ითამაშებს, „თანდერის“ ერთ-ერთი ლიდერი მონაწილეობას „ფილადელფიასთან“ მატჩში მიიღებს, რომელსაც გუნდი პარასკევს ჩაატარებს.
„ოკლაჰომა-სიტი თანდერის“ ლიდერმა კევინ დურანტმა, რომელმაც ცოტა ხნის წინ ოპერაცია გაიკეთა, „საკრამენტო კინგსთან“ მატჩის წინ სტანდარტული პოზიციიდან ბურთს სროლაზე ივარჯიშა.
ცნობისთვის, გასულ კვირას დურანტულამ სპეციალური დამცავი ფეხსაცმელიც მოიშორა.
„ოკლაჰომა-სიტი თანდერის“ გამთამაშებელს რასელ უესტბრუკს მარჯვენა ხელის ძვლის ოპერაცია ჩაუტარდა, რის შესახებაც ESPN.com-ი იტყობინება.
ოთხ კვირაში 25 წლის მოთამაშე სამედიცინო შემოწმებას გაივლის. შესაბამისად, ამ პერიოდში უესტბრუკი თავის გუნდს ვერ დაეხმარება.
შეგახსენებთ, რომ რასელმა ხელი ხუთშაბათს „ლოს-ანჯელეს კლიპერსთან“ ჩატარებულ შეხვედრაში მოიტეხა.
„ლოს-ანჯელეს კლიპერსთან“ ეროვნული საკალათბურთო ასოციაციის რეგულარული სეზონის მეორე მატჩი „ოკლაჰომა-სიტი თანდერისთვის“ ასევე უიღბლო გამოდგა.
ანგარიშით 93:90 მარცხის გარდა, გუნდმა ასევე თავისი კიდევ ერთი ლიდერი რასელ უესტბრუკი დაკარგა. რასელმა შეხვედრა ხელის მოტეხილობის გამო ვერ დაასრულა. მოედანზე გატარებულ დაახლოებით ცხრა წუთში მისმა მონაგარმა მხოლოდ ორი ქულა და ოთხი ასისტი შეადგინა.
შეგახსენებთ, რომ მიმდინარე სეზონის დასაწყისში „თანდერს“ ვერც კევინ დურანტი ეხმარება.
უესტბრუკის მეოდანზე დაბრუნების დაახლოებითი თარიღი მოგვიანებით გაირკვევა.
წარმოგიდგენთ ეროვნული საკალათბურთ აოსციაციაიის მოახლოებული სეზონისთვის „ოკლაჰომა-სიტი თანდერის“ პრევიუს.
„ოკლაჰომა-სიტი თანდერის“ ფორვარდმა კევინ დურანტმა ერთ-ერთ ბოლო ვარჯიშზე ძვალი მოიტეხა, რის გამოც, შესაძლოა, ორი თვის განმავლობაში ვერ ითამაშოს.
დღეს „USA Today“-მ საინტერესო ინფორმაცია გაავრცელა – გამოცემა ვარაუდობს, რომ გამორიცხული არ არის, 26 წლის კალათბურთელს ოპერაცია საერთოდ არ დასჭირდეს.
განვლილ სეზონში დურანტი პირველად რეგულარული სეზონის MVP-დ დასახელდადა და საშუალოდ რეკორდული 32 ქულა დააგროვა. გარდა ამისა, მისმა საშუალო მაჩვენებელმა 7,4 ასისტი და 5,5 მოხსნა შეადგინა.
„ოკლაჰომა-სიტი თანდერთან“ წინასასეზონო მატჩის შესვენებისას „დენვერ ნაგეტსის“ მასკოტმა ბურთი მოედნის ცენტრიდან ჩააგდო.
„ოკლაჰომა-სიტი თანდერის“ ლიდერმა კევინ დურანტმა ეროვნული საკალათბურთო ასოციაციის მხრიდან ტელევიზიასთან 9-წლიანი კონტრაქტის გაფომრბაზე ისაუბრა, რომლის საფასურიც ჯამში 24 მილიარდ დოლარს შეადგენს.
„ეს ძალიან დიდი ფულია. არ ვიცი, რა უნდა მოხდეს, რომ კლუბების მფლობელებმა კვლავ ფინანსურ დანაკარგებზე ისაუბრონ.
ეს კიდევ ერთხელ ადასტურებს იმას, თუ რამდენად გაიზარდა ჩვენი თამაში. 24 მილიარდი არნახული თანხაა. ჩვენ ჩინებული ლიგა გვყავს და, გვსურს, ასე გავაგრძელოთ“, – ციტირებს დურანტულას „The Oklahoman“-ი.
„ოკლაჰომა-სიტი თანდერის“ მთავარი მწვრთნელის სკოტ ბრუკსის აზრით, მისი გუნდის გამთამაშებელი რასელ უესტბრუკი დღეს ეროვნულ საკალათბურთო ასოციაციაში თავის პოზიციაზე საუკეთესოა.
„ვთვლი, რომ რასელი კალათბურთში საუკეთესო გამთამაშებელია. ნელ-ნელა იგი განვითარდა და დღეს საუკეთესოდ ჩამოყალიბდა. მისი ყველა ვარჯიში და მატჩი ნანახი მაქვს და მან წარმატების მისაღწევად მართაც ბევრი გააკეთა“, – განუცხადა ბრუკსმა ESPN.com-ს.
თქვენ წინაშეა განვლილი სეზონის ათი საუკეთესო მომენტი „ოკლაჰომა-სიტი თანდერის“ ლიდერის მონაწილეობით.
„ოკლაჰომა-სიტი თანდერის“ ფორვარდმა კევინ დურანტმა სპორტული ეკიპირების ცნობილ ბრენდ „ნაიკთან“ კონტრაქტი გაახანგრძლივა. როგორც ESPN.com-ი წერს, ბრენდმა „Under Armour“-მა მოთამაშეს 10 წლის განმავლობაში 285 მილიონი დოლარი შესთავაზა, თუმცა „ნაიკმა“ ამ წინადადების განმეორების უფლებით ისარგებლა.
ცნობისთვის, მხარეები აქამდე შვიდი წლის განმავლობაში თანამშრომლობდნენ. შვიდწლიანი შეთანხმება მიმდინარე წლის ბოლოს მთავრდება, რომელიც 60 მილიონ ევროზე იყო გათვლილი.
