ყოფილი ფეხბურთელი და მწვრთნელი პაოლო დი კანიო იტალიის ფაშისტი დიქტატორის, ბენიტო მუსოლინის მხარდაჭერის გამო ტელევიზიიდან გაათავისუფლეს.
48 წლის დი კანიო ტელეარხ Sky Sport Italia-ზე ექსპერტად მუშაობდა. იგი სატელევიზიო ეთერში მუდამ კლასიკურ სამოსში გამოწყობილი ჩნდებოდა, თუმცა ამჯერად მოკლემკლავიანი მაისურით მივიდა და თვალნათლივ გამოჩნდა ტატუ Dux (“დუჩე” – ბენიტო მუსოლინის მხარდასაჭერად).
ფაქტმა დიდი რეზონანსი გამოიწვია. იტალიაში ფაშიზმის მხარდაჭერა 2005 წლიდან დანაშაულად ითვლება. დი კანიო რომის “ლაციოში” თამაშის პერიოდშიც დასაჯეს დისკვალიფიკაციით ფაშისტური მისალმების დემონსტრირებისთვის.
ტელეარხმა Sky Sport Italia-მ მომხდარის გამო ბოდიში მოიხადა და პაოლო დი კანიოსთან თანამშრომლობა გაწყვიტა.
