პარი სენ-ჟერმენი – გვერდი 9 – Fanebi.Com – ფეხბურთი, კალათბურთი, რაგბი, სხვა

ლეონარდო საფრანგეთის ფეხბურთის ფედერაციისგან 8,5 მილიონ ევროს ითხოვს

Posted on იანვარი 16, 2015 by Alix

„პარი სენ-ჟერმენის“ სპორტულ დირექტორ ლეონარდოს საფრანგეთის ფეხბურთის ფედერაციისგან, კომპენსაციის სახით, 8,5 მილიონი ევროს მიღებას სურს.

შეგახსენებთ, რომ 2013 წლის მაისში „ვალანსიენთან“ მატჩის შემდეგ (1:1) ბრაზილიელმა მთავარ მსაჯ ალექსანდრ კასტროს მხარზე ხელი ჰკრა. ხსენებულ შეხვედრაში კასტრომ პარიზელთა კაპიტანი ტიაგო სილვა გააძევა.

აღნიშნული ეპიზოდის შემდეგ საფრანგეთის ფეხბურთის ფედერაციამ ბრაზილიელი მენეჯერი 9-თვიანი დისკვალიფიკაციით დასაჯა. პსჟ-დან წასვლის შემდეგ კი ლეონარდოს დისკვალიფიკაცია თოთხმეტ თვემდე გაიზარდა და ყველა ქვეყანაზე გავრცელდა. თუმცა, 2013 წლის თხუთმეტ ოქტომბერს სასამართლომ ლეონარდოს დისკვალიფიკაცია გააუქმა.

ახლა სამხრეთამერიკელმა საფრანგეთის ფეხბურთის ფედერაციისგან ფულადი კომპენსაცია მოითხოვა. იმ შემთხვევაში, თუ ფედერაცია მის მოთხოვნას არ დააკმაყოფილებს, საქმე სასამართლოს გადაეცემა.

ბექჰემი: „ბლანი პსჟ-სთვის ჩინებული მწვრთნელია“

Posted on იანვარი 12, 2015 by Alix

პსჟ-ს ყოფილმა ნახევარმცველმა დევიდ ბექჰემმა გუნდის ამჟამინდელ თავკაცზე ლორან ბლანზე ისაუბრა.

„პსჟ-ს ჩინებული მწვრთბელი ჰყავს, რომელიც დიდი კლუბების შემადგენლობაში თამაშობდა. ამ კლუბს კარგი მენეჯმენტი და დიდი ამბიციები აქვს.

ლიგა 1-ში მოგება რთულია. პსჟ-ს ჩინებული ფეხბურთელები და გულშემატკივრები ჰყავს. იმედია, ტიტულს გუნდი მაინც მოიგებს, მიუხედავად იმისა, რომ ეს რთული იქნება.

პარიზელები უკვე რამდენიმე სეზონის განმავლობაში ჩემპიონთა ლიგაზე თამაშობენ. ამ პერიოდში კლუბმა საკმარისი გამოცდილება დააგროვა და მაყურებლებს თავი შესანიშნავი მატჩებით დაამახსოვრა“, – განაცხადა ბექსმა.

შეგახსენებთ, რომ ლორან ბლანი და დევიდ ბექჰემი თავის დროზე „მანჩესტერ იუნაიტედში“ თანაგუნდელები იყვნენ.

რაიოლა: „რომას“ იბრას ყიდვის ფუფუნება არ აქვს“

Posted on იანვარი 12, 2015 by Alix

საფეხბურთო აგენტი მინო რაიოლა თავისი ერთ-ერთი კლიენტის ზლატან იბრაჰიმოვიჩის „რომაში“ შესაძლო ტრანსფერის შესახებ გავრცელებულ ინფორმაციას გამოეხმაურა.

„რომა“ იბრაჰიმოვიჩით ინტერესდება? პატივისცემის მიუხედავად, ამ კლუბს ზლატანის შეძენის შესაძლებლობა არ აქვს.

შეუძლია თუ არა მას იტალიაში დაბრუნება? ყველაფერი მის სურვილზეა დამოკიდებული. ამჟამად მას პსჟ-სთან კონტრაქტი აქვს, რომელიც 2016 წლის ზაფხულამდე მოქმედებს და იგი არანაირ ფასად არ იყიდება“, – განუცხადა რაიოლამ „Radio Anch’Io Sport“-ს.

კავანიმ რომის ცენტრში პენტჰაუსი შეიძინა

Posted on იანვარი 8, 2015 by Alix

„პარი სენ-ჟერმენის“ თავდამსხმელმა ედინსონ კავანიმ რომის ცენტრში პენტჰაუსი შეიძინა, რის შესახებაც იტალიური პრესა წერს.

როგორც ცნობილია, ახალ შენაძენში ურუგვაელმა ფეხბურთელმა 8,7 მილიონი ევრო გადაიხადა.

სააგენტო „Proto Ltd“-ს ვერსიით, პენტჰაუსი კავანის ერთ-ერთ იტალიურ გრანდში შესაძლო გადასვლის გამო არ უყიდია.

შეგახსენებთ, რომ აქამდე გავრცელებუყლი ინფორმაციით, კავანის შეძენა რამდენიმე იტალიურ კლუბს სურდა.

იბრაჰიმოვიჩმა საკუთარი თავი იესო ქრისტეს შეადარა

Posted on იანვარი 7, 2015 by Alix

„პარი სენ-ჟერმენის“ ნახევარმცველმა მარკო ვერატიმ ზლატან იბრაჰიმოვიჩთან დაკავშირებული საინტერესო ფაქტი გაიხსენა.

„2012/13 წლების სეზონში ჩემპიონობის წინ „ლიონთან“ მნიშვნელოვანი მატჩი გველოდებოდა. კარლო ანჩელოტი ცოტა ნერვიულობდა, ამიტომაც იბრა მასთან მივიდა და ჰკითხა, სწამს თუ არა მას იესო ქრისტესი. ანჩელოტიმ მას დადებითი პასუხი გასცა, რის შემდეგაც ზლატანმა უთხრა: „ჩინებულია, თუ შენ იესოსი გწამს, ესე იგი, ჩემიც გწამს. შეგიძლია, მოდუნდე“.

ზლატანი ასეთია, იგი საკუთარ თავში ყოველთვის დარწმუნებულია. დიდებული მოთამაშე იგი სწორედ ამის წყალობითაა“, – განაცხადა ვერატიმ.

მანჩინი: „პსჟ-სთან ლავესიზე არ გვისაუბრია“

Posted on დეკემბერი 31, 2014 by Alix

მილანის „ინტერის“ მთავარმა მწვრთნელმა რობერტო მანჩინიმ ბოლო დროს გავრცელებული ჭორები უარყო, რომელთა მიხედვითაც, „ნერაძურის ხელმძღვანელობა „ნაპოლის“ ყოფილი და „პარი სენ-ჟერმენის“ ამჟამინდელი თავდამსხმელის ეზეკილ ლავესის გადაბირებას ცდილობს.

„ლავესი ჩინებული ფეხბურთელია, თუმცა მას პსჟ-სთან კონტრაქტი აქვს. რომელიმე ტრანსფერთან დაკავშირებით არც ერთ კლუბთან არ გვისაუბრია“, – განაცხადა მილანირი კლუბის დამრიგებელმა.

შეგახსენებთ, რომ პსჟ-ში არგენტინელი 2012 წლიდან გამოდის.

ლავესი „ვალენსიაში“?

Posted on დეკემბერი 13, 2014დეკემბერი 14, 2014 by Alix

ესპანური „ვალენსია“ „პარი სენ-ჟერმენის“ არგენტინელი თავდამსხმელის ეზეკილ ლავესის დამატების ვარიანტს განიხილავს.

„Super Deporte“-ს ინფორმაციით, „ღამურების“ ხელმძღვანელობა 29 წლის ფეხბურთელის შეძენას 2015 წლის ზაფხულში შეეცდება.

მიმდინარე სეზონში პსჟ-ს მაისურით ეზეკილმა 16 მატჩი ჩაატარა, რომელშიც მხოლოდ 2 გოლი გაიტანა.

დავიდ ლუისი: „მესი, ნეიმარი და სუარესი საუკეთესო თავდამსხმელები არიან“

Posted on დეკემბერი 11, 2014დეკემბერი 11, 2014 by Alix

„პარი სენ-ჟერმენის“ მცველმა დავიდ ლუისმა „ბარსელონასთან“ უეფა-ს ჩემპიონთა ლიგის ჯგუფური ეტაპის ბოლო ტურის მატჩზე ისაუბრა, რომელიც მისმა გუნდმა ანგარიშთ 1:3 წააგო.

„ბარსელონა“ უკეთესად თამაშობდა და ეს გასაკვირი არც არის, მეტოქე ბურთს უფრო ხშირად ფლობდა. მათ ჭკვიანი მწვრთნელი და ჩინებული ფეხბურთელები ჰყავთ.

მესი, ნეიმარი და სუარესი მსოფლიოს საუკეთესო თავდამსხმელები არიან. სამივე ეს მოთამაშე ფეხბურთის ნამდვილი ოსტატია“, – აღნიშნა ბრაზილიელმა.

ბლანი: „პსჟ-ს ოსტატობა დააკლდა“

Posted on დეკემბერი 11, 2014 by Alix

„პარი სენ-ჟერმენის“ მთავარმა მწვრთნელმა ლორან ბლანმა „ბარსელონასთან“ უეფა-ს ჩემპიონთა ლიგის ჯგუფური ეტაპის ბოლო ტურის მატჩი შეაფასა, რომელშიც მისი გუნდი ანგარიშით 3:1 დამარცხდა.

„იმედგაცრუებულები ვართ. გვესმოდა, რომ რთული მატჩი გვექნებოდა, თუმცა ოსტატობა, როგორც დაცვაში, ასევე თავდასხმაში დაგვაკლდა. შექმნილი საგოლე მომენტებიდან გამომდინარე, ანგარიში, შესაძლოა, 2:2 გამხდარიყო.

უნდა გაგვერისკა, ამიტომაც თამაში ოთხი თავდამსხმელით დავასრულეთ. კარგი შედეგის მიღწევა გვსურდა. შეგვეძლო, ანგარიში 2:0 გაგვეხადა. დიდებული ფეხბურთელები კარგ მომენტს ყოველთვის გოლად, ზოგჯერ კი, შედევრადაც აქცევენ. ანგარიშის გათანაბრებას ვცდილობდით, მაგრამ 1:3 წავაგეთ.

კონტრშეტევებზე თამაშს ვაპირებდით. ვთვლი, რომ პირველ ტაიმში „ბარსელონაზე“ მეტი მომენტი შევქმენით, რითაც მასპინძლებს პრობლემები შევუქმენით. ცენტრში საკმაოდ კარგად ვიბრძოდით. რაღაც დაგვაკლდა, დაცვაშიც იდეალურად ვერ ვითამაშეთ.

წინ სხვა რომელიმე ჯგუფის გამარჯვებულთან ორი მატჩი გველის. ვიმედოვნებდი, რომ 1/8 ფინალში პირველი ადგილიდან გავიდოდით, თუმცა ეს ვერ გამოგვივიდა. ახლა კენჭისყრას დაველოდებით“, – განაცხადა ბლანმა.

რონალდომ პსჟ-ს თამაში მოინახულა და ფეხბურთელებთან და ნიკოლა სარკოზისთან ერთად სურათები გადაიღო

Posted on ნოემბერი 30, 2014ნოემბერი 30, 2014 by Alix

ლეგენდარულმა ბრაზილიელმა ფეხბურთელმა რონალდომ საფრანგეთის ლგია 1-ის მეთხუთმეტე ტურის მატჩი მოინახულა, რომელშიც ერთმანეთს „პარი სენ-ჟერმენი“ და „ნიცა“ დაუპირისპირდნენ. ხსენებული მატჩი ზლატან იბრაჰიმოვიჩის მიერ ზუსტად შესრულებული პენალტის წყალობით ანგარიშით 1:0 დასრულდა.

რონალდოსთან ერთად სურათი პსჟ-ს ბრაზილიელმა ფეხბურთელებმა, ზლატან იბრაჰიმოვიჩმა და საფრანგეთის ყოფილმა პრეზიდენტმა ნიკოლა სარკოზიმაც კი გადაიღო.

ტიაგო მოტას ჩარტყმისთვის ბრანდაოს ერთთვიანი პატიმრობა მიესაჯა

Posted on ნოემბერი 27, 2014 by Alix

პარიზის სასამართლომ „ბასტიას“ თავდამსხმელის ბრანდაოს ექვსთვიან დისკვალიფიკაციას კიდევ ერთთვიანი პატიმრობა დაუმატა.

აგვისტოში ბრანდაო დიდი სკანდალის ცენტრში აღმოჩნდა, როდესაც პსჟ-სთან ანგარიშთ 0:2 წაგებული მატჩის შემდეგ გასახდელში მეტოქე გუნდის ნახევარმცველს ტიაგო მოტას ჩაარტყა. ბრანდაო მოტას მოსვლას ელოდებოდა, რის შემდეგაც მას ჩაარტყა, ხოლო შემდეგ გასახდელში გაიქცა. ამ დარტყმის შედეგად მოტას ცხვრილის მოტეხილობა აღმოუჩინეს. თავად ბრანდაომ მოგვიანებით გულშემატკვირებსა და თავის კლუბს მომხდარის გამო მოუბოდიშა.

აქამდე საფრანგეთის ლიგა 1-ს სადისციპლინო კომიტეტმა ბრანდაო ექვსთვიანი დისკვალიფიკაციით დასაჯა.

აქვე კიდევ ერთხელ გთავაზობთ მომხდარის ამსახველ ვიდეოს.