ჭდე: პეპ გვარდიოლა

გვარდიოლა “რეალის” ნახევარმცველის გადაბირებით არის დაინტერესებული

Posted on by იაკობ კაპანაძე

Marca-ს მიერ გავრცელებული ინფორმაციის თანახმად, პეპ გვარდიოლას “მანჩესტერ სიტიში” მადრიდელთა გერმანელი ნახევარმცველის, ტონი კროოსის მიყვანა სურს.

პეპმა, რომელიც მანჩესტერულ გრანდს ზაფხულშივე ჩაიბარებს, ტონი კროოსი “ქალაქელთა” პრიორიტეტულ სამიზნედ აქცია, მიუხედავად იმისა, რომ მისი მადრიდულ კლუბთან დამშვიდობება არც ისე ადვილი იქნება.

აქვე გეტყვით იმასაც, რომ კროოსმა გვარდიოლას ხელმძღვანელობით ერთი სეზონის მანძილზე იმუშავა, თუმცა პეპმა მას კლუბი დაატოვებინა, რის მიზეზადაც ‘ჰარმონიის ნაკლებობა’ დაასახელა.

იმ შემთხვევაში, თუ ინგლისური გრანდი კროოსს ვერ გადაიბირებს, პეპი დორტმუნდის “ბორუსიას” ნახევარმცველზე, ილკაი გიუნდოგანზე გადაერთვება.

“სიტი” მზადაა ლაპორტეს გამოსყიდვისთვის საჭირო თანხა გადაიხადოს

Posted on by იაკობ კაპანაძე

თუ ესპანურ გამოცემა Marca-ს დავუჯერებთ, ინგლისური “მანჩესტერ სიტი” კიდევ ერთი ნაბიჯით მიუახლოვდა ბილბაოს” ატლეტიკის” მცველს, აიმერიკ ლაპორტეს.

წყაროს ცნობით, მანჩესტერელები მზად არიან ესპანელი ფეხბურთელის გამოსყიდისთვის საჭირო თანხა გადაიხადონ, რომელიც დაახლოებით 50 მილიონ ევროს უდრის.

როგორც იცით, “მანჩესტერ სიტის” მომავალი თავკაცი, პეპ გვარდიოლა უკვე შეხვდა “ქალაქელთა” ხელმძღვანელებს და სამომავლო გეგმებზე ესაუბრა. ესპანური ჟურნალის ინფორმაციით, სწორედ ლაპორტე იქნება პეპის პირველი შენაძენი.

აღსანიშნავია ისიც, რომ ლაპორტეს საკუთარი გუნდისთვისაც სურს სარგებლის მოტანა, ამიტომაც 50 მილიონზე ნაკლები თანხის შემოთავაზების შემთხვევაში ის უარის თქმას აპირებს. ლაპორტეს კონტრაქტი “ატლეტიკთან” 2019 წელს იწურება.

კაბალიერო “სიტის”: “თუ საკმარის დროს არ მომცემთ, სხვა ინგლისურ კლუბში გადავალ”

Posted on by იაკობ კაპანაძე

“მანჩესტერ სიტის” კარის დარაჯმა, ვილი კაბალიერომ, რომელსაც ჯო ჰარტთან უწევს ბრძოლა ძირითადი მეკარეობისთვის, განაცხადა, რომ კლუბს დატოვებს, თუკი საკმარის სათამაშო დროს არ მისცემენ.

34 წლის ვილიმ განაცხადა: ” ჯერ არგენტინაში დაბრუნებას ნამდვილად არ ვაპირებ. აქ თავს მშვენივრად ვგრძნობ. დიდი სიამოვნებით გავაგრძელებდი “სიტიში” კარიერას.

თუმცა, თუ რეგულარულად თამაშის უფლებას არ მომცემენ, მაშინ პრემიერ ლიგის სხვა კლუბში გადავალ.

სათადარიგო მეკარედ ყოფნა ძალიან რთულია. მოსვლის დღიდან ვიბრძვი სასტარტოში ადგილისათვის. მართალია ჰარტი კარგად ასპარეზობს, თუმცა დანებებას არ ვაპირებ.” – განაცხადა მან “ქალაქელთა” მომავალი თავკაცის, პეპ გვარდიოლას გასაგონად.

“გვარდიოლას “არსენალში” უნდოდა გადასვლა, მისი ასისტენტი კი ანრი უნდა ყოფილიყო”

Posted on by იაკობ კაპანაძე

ლონდონის “არსენალის” არასახარბიელო ასპარეზობის გამო არსენ ვენგერი კრიტიკის საგანი გახდა. შინ, “სუონსისთან” დამარცხების (1-2) შემდგომ ტვიტერში მრავლად გამოჩნდა ახალი ჰეშთეგი: #WengerOut.

ბევრის აზრით არსენ ვენგერი კლუბს უახლოეს მომავალში დატოვებს. ამას გამოეხმაურა პირს მორგანი, რომლის თქმითაც “მეთოფეები” თავკაცობა პეპ გვარდიოლას სურდა, რომელიც სეზონის ბოლოს “მანჩესტერ სიტის” ჩაუდგება სათავეში.

პირს მორგანს სანდო წყარომ აცნობა, რომ პეპ გვარდიოლას “არსენალში” ტიერი ანრისთან ერთად სურდა მუშაობა, თუმცა აღნიშნული ტრანსფერი გარკვეული მიზეზების გამო ჩაიშალა.

გვარდიოლა: ” გიოტცე ჩვენთვის კვლავ მნიშვნელოვანი ფიგურაა”

Posted on by იაკობ კაპანაძე

მიუნხენის “ბაიერნის” მთავარი მწვრთნელი, პეპ გვარდიოლა თვლის, რომ მარიო გიოტცე კვლავ გუნდის ერთ-ერთ ლიდერად რჩება.

ცნობისთვის გეტყვით, რომ გერმანელმა შემტევმა წლევანდელ სეზონში ბუნდესლიგის მხოლოდ 7 მატჩში მიიღო მონაწილეობა, რისი მიზეზიც მხოლოდ ტრავმები არ ყოფილა.

“გიოტცეს მეტი დრო სჭირდება. მისი პროგრესი ყოველ კვირას ჩანს. უნდა ავღნიშნო, რომ 7 თავდამსხმელი მყავს.

ის ნამდვილი პროფესიონალია, 24 საათის განმავლობაში ფეხბურთზე ფიქრობს. სეზონის დასრულებამდე 3 თვე დაგვრჩა, ჩვენთვის თითოეული ფეხბურთელი მნიშვნელოვანია, განსაკუთრებით კი გიოტცე. ის კვლავ გუნდის ერთ-ერთ ლიდერად ითვლება.”

ვიდალი: “გვარდიოლას გადაწყვეტილების შესახებ პირველად ტელევიზორიდან გავიგეთ”

Posted on by იაკობ კაპანაძე

მიუნხენის “ბაიერნის” ჩილელმა ნახევარმცველმა, არტურო ვიდალმა პეპ გვარდიოლაზე ისაუბრა, რომელიც სეზონის ბოლოს “მანჩესტერ სიტის” ჩაუდგება სათავეში.

“ამ ძალზედ უცნაური გადაწყვეტილების შესახებ პირველად ტელევიზორიდან გავიგეთ. მაქსიმალურად ვეცდებით, რომ პეპი ტიტულებით გავაცილოთ.” – განაცხადა ვიდალმა  La Gazzetta dello Sport-თან ინტერვიუში.

ვიდალმა თავის ყოფილ კლუბთან გასამართ მატჩზეც ისაუბრა: “ძალიან აღელვებული ვარ. ტურინში ვბრუნდები როგორც მათი მეტოქე და არა როგორც მტერი. არ ვიცი როგორ დამხვდებიან ისინი.”

 

პოგბას კარი “სიტისთვის” ღიაა: ” შეიძლება მომავალში გვარდიოლასთან ერთად ვიმუშავო”

Posted on by იაკობ კაპანაძე

ტურინის “იუვენტუსის” ფრანგმა ნახევარმცველმა, პოლ პოგბამ პეპ გვარდიოლაზე ისაუბრა, რომელიც მიმდინარე სეზონის დასასრულს “მანჩესტერ სიტიში” გადაბარგდება.

“გვარდიოლა საკმაოდ გამოცდილი მწვრთნელია, მისი ფილოსოფია განსაკუთრებულია. მას ყველა პატივს სცემს, აღიარებს. მისგან ბევრი რამის სწავლა შეიძლება.

ის ფეხბურთის ერთ-ერთი მთავარი სახეა. როგორც გავიგე, მისი დახმარებით  ფეხბურთელები ძალიან ძლიერდებიან. ახლა “იუვეს” ფეხბურთელი ვარ, თუმცა სავსებით შესაძლებელია, მომავალში პეპთან ერთად ვიმუშავო”.

 

Daily Express: შესაძლოა გვარდიოლა კლუბიდან ნაადრევად გაუშვან

Posted on by იაკობ კაპანაძე

ინგლისურ პრესაში გავრცელებული ინფორმაციის თანახმად, არსებობს შანსი იმისა, რომ გვარდიოლას მიუნხენის “ბაიერნი” ნაადრევად დაატოვებინონ. ამის მიზეზი ესპანელ სპეციალისტსა და “რეკორდმაისტერის” ბოსებს შორის არსებული უთანხმოებაა.

“ბარსელონას” ექს-თავკაცს დიდი ზეწოლის ქვეშ აყენებს “ბაიერნის” რამოდენიმე მნიშვნელოვანი ფიგურა – მათ შორის კარლ-ჰაინც რუმინეგე, ული ჰიონესი და მატიას ზამერი.

აღნიშნული ტრიო უკმაყოფილოა იმით, რომ გვარდიოლამ უკვე განაცხადა, რომ “მანჩესტერ სიტიში” გადადიოდა, მიუხედავად იმისა, რომ სეზონის დასრულებამდე რამოდენიმე თვეა დარჩენილი.

წყაროს ცნობით, იმ შემთხვევაში, თუ ბავარიელები ტურინის “იუვენტუსის” ბარიერის დაძლევას ვერ შეძლებენ, 45 წლის სპეციალისტს გუნდის ნაადრევად დატოვება მოუწევს.

გვარდიოლას მთავარი სამიზნე ლუის სუარესი იქნება

Posted on by იაკობ კაპანაძე

მიუნხენის “ბაიერნის” ამჟამინდელ თავკაცს, პეპ გვარდიოლას “მანჩესტერ სიტიში” ლუის სუარესის მიყვანა სურს.

Sunday Mirror-ის ცნობით, “ლივერპულის” ექს-შემტევი, რომელიც გასაოცარ სეზონს ატარებს, გვარდიოლასთვის მთავარი სამიზნე იქნება ზაფხულის სატრანსფერო ფანჯარაზე.

გვარდიოლამ უკვე დაიწყო ფიქრი თავის ინგლისურ კარიერაზე და მზადაა, მისი ყოფილი გუნდის შემტევისათვის 40 მილიონ ფუნტზე მეტი გადაიხადოს.

შეგახსენებთ, რომ სუარესის წარმომადგენელი პეპ გვარდიოლას ძმა პერე გვარდიოლაა, ასე რომ მსგავსი ტრანსფერის განხორციელება არც ისე რთული იქნება.

დანი ალვესი: „გვარდიოლა ნეიმარს ჰგავს“

Posted on by Alix

„ბარსელონას“ მცველი დანი ალვეში დარწმუნებულია, რომ პეპ გვარდიოლა „მანჩესტერ სიტიში“ წარმატებას მიაღწევს.

„პეპი ნეიმარს ჰგავს. ორივე მათგანს რაღაცის შექმნის თვისება გააჩნია.

ის „ბაეირნს“ ტოვებს, მაგრამ, არამგონია, ეს ამბავი მოსწონდეს. გვარდიოლას ყველაფრის თავიდან გადაკეთება უყვარს. „ბაიერნში“ პეპს ამის საშუალება არ ჰქონდა, ახლა კი ის „სიტიში“ იმუშავებს“, – ციტირებს ბრაზილიელს Goal.com-ი.

გვარდიოლას მამა: “პეპს თავისით ნათურის გამოცვლაც არ შეუძლია”

Posted on by იაკობ კაპანაძე

პეპ გვარდიოლას მამამ, ვალენტიმ Sun-თან ინტერვიუში ოჯახური ამბებიც გაიხსენა და აღნიშნა, რომ მისგან განსხვავებით, პეპ გვარდიოლა არც ისე მოხერხებული იყო.

 

“14 წლის ასაკიდან   დღის განმავლობაში 10 საათი ვმუშაობდი მშენებლობაზე და ასე გაგრძელდა 66 წლამდე.
შემდეგ, როცა გავაანალიზე, რომ მისი ჩემს გზაზე დადგომა არც ისე სახიფათო იყო, ის სამუშაოზე თან წავიყვანე. თუმცა, პეპი ლანჩის შემდგომ უკან არ დაბრუნებულა. მას თავისით პატარა ნათურის გამოცვლაც არ შეეძლო.
 

11 წლის პეპი ჩემთან გაკვირვებული მოვიდა და მითხრა: ” მამა, არ მესმის უფროსების, რომლებიც მოედანზე გასვლის წინ წუხელ ნანახ ფილმზე საუბრობენ, მაშინ როდესაც მოგებაზე უნდა ფიქრობდნენ.”

“სიტი” გვარდიოლას სატრანსფეროდ 150 მლნ ფუნტს გამოუყოფს

Posted on by ბექა დოგრაშვილი

როგორც მოგეხსენებათ, ახალი სეზონიდან მიუნხენის “ბაიერნის” მთავარი მწვრთნელი ხოსეპ გვარდიოლა სათავეში “მანჩესტერ სიტის” ჩაუდგება. “გარდიანის” ცნობით, ინგლისური კლოუბის ხელმძღვანელობა ესპანელ სპეციალისტს სატრანსფეროდ 150 მილიონ ფუნტ სტერლინგს გამოუყოფს. გარდა ამისა, გვარდიოლას ჯამაგირი 20 მილიონ ევრომდე გაიზრდება.

“სიტის” დირექტორი ჩიკი ბეგირისტაინი გვარდიოლას ახლო მეგობარია და პირველ ივლისამდე ანუ მანამ, სანამ ზაფხულის სატრანსფერო ფანჯარა გაიღება, ისინი ახალი ფეხბურთელების დამატებასთან დაკავშირებით, სავარაუდოდ, ხშირ კონსულტაციებსაც გამართავენ.

რაც შეეხება პეპ გვარდიოლას ანაზღაურებას, ესპანელ სპეციალისტს “ბაიერნში” ჯამაგირის სახით წლიურად 17 მილიონი ევრო ეძლევა. ესპანელ მწვრთნელს ინგლისურ კლუბში გადასვლის შემდეგ ხელფასი კიდევ 3 მილიონი ევროთი გაეზრდება.

Pellegrini

საინტერესოა მანუელ პელეგრინის ბედიც. “მანჩესტერ სიტის” ჩილელ სპეციალისტთან უთანხმოება არ აქვს, პრობლემა მხოლოდ სპორტული შედეგებია. “გარდიანი” პელეგრინის მომდევნო შესაძლო კლუბად ლონდონის “ჩელსის” ასახელებს. როგორც მოგეხსენებათ, გუს ჰიდინკი ლონდონური კლუბის მთავარი მწვრტნელის მოვალეობას სეზონის ბოლომდე შეასრულებს, შემდეგ კი კლუბმა ახალი თავკაცი უნდა მოიყვანოს და არ არის გამორიცხული, ეს სწორედ პელეგრინი აღმოჩნდეს, რომელმაც “მანჩესტერ სიტის” გუნდში მისვლის პირველივე წელს პრემიერლიგა მოაგებინა.