ბრიტანული “ტელეგრაფის” ცნობით, ლონდონის “ჩელსის” მეკარე პეტრ ჩეხი კარიერას “არსენალში” გააგრძელებს. 33 წლის კიპერი “მეთოფეთა” რიგებში ჯამაგირის სახით წელიწადში ხუთ მილიონ ევროს გამოიმუშავებს. ასე რომ, ჩეხი “არსენალის” ისტორიაში ყველაზე მაღალანაზღაურებადი მეკარე გახდება.
შეგახსენებთ, რომ ჩეხი მეკარე “ჩელსის” ღირსებას 2004 წლიდან იცავს. ჩეხმა ძირითად შემადგენლობაში ადგილი მას შემდეგ დაკარგა, რაც გუნდში ტიბო კურტუა გადმოვიდა.
ლონდონის „ჩელსის“ მეკარემ პეტერ ჩეხმა „ვესტ ბრომვიჩთან“ ფრედ 2:2 დასრულებული მატჩის შესახებ იუსაუბრა.
„ისე ვთამაშობდით, რომ წესითა და რიგით ქულები არ უნდა დაგვეკარგა. თუმცა მეორე ტაიმში, კუთხურის შედეგად, უაზრო გოლი გავუშვით“, – აცხადებს ჩეხი.
„მე კონცენტრაცია დავკარგე და სათანადო რეაგირების მოხდენა ვერ მოვახერხე. ასეთ ბურთებს არ უნდა ვუშვებდეთ“.
„მაგრამ ქულა, არაფერს სჯობს. ამავე დროს, ეს არ ნიშნავს იმას, რომ არ უნდა მოგვეგო“, – დაასრულა „არისტოკრატთა“ ვეტერანმა კარის დარაჯმა.
„ბარსელონას“ ნახევარმცველმა ანდრეს ინიესტამ უეფას ჩემპიონთა ლიგის ახალი სეზონის დაწყებამდე საუკეთესო მოთამაშეთა სია შეადგინა, რომელთა წინააღმდეგაც მას ევროპის ყველაზე პრესტიჟულ საკლუბო ტურნირში უთამაშია.
„საუკეთესო მეკარე – პეტრ ჩეხი. საუკეთესო მცველი – პაოლო მალდინი. საუკეთესო ნახევარმცველი – ანდრეა პირლო. საუკეთესო თავდამსხმელი – რაიან გიგზი“, – ციტირებს ინიესტას სიტყვებს barcastuff-ის მიკრობლოგი.
ცნობისთვის, ჩემპიონთა ლიგის ჯგუფურ ეტაპზე „ბარსელონა“ პირველ შეხვედრას ამსტერდამის „აიაქსის“ წინააღმდეგ ჩაატარებს. მატჩი 18 სექტემბერს, „ნოუ კამპზე“ შედგება.
ბექა დოგრაშვილი
