უეფას ყველა წევრი ასოციაცია შეუერთდა დეკლარაციას, რომელიც გმობს სუპერლიგას

დღეს, უეფას 55-მა წევრმა ასოციაციამ, მათ შორის საქართველოს ფეხბურთის ფედერაციამ, ერთხმად დაამტკიცა დეკლარაცია, რომელიც მკაცრად გმობს სუპერლიგას.

უეფას მიერ გამოქვეყნებულ დეკლარაციაში ვკითხულობთ:


“უეფას 55 ასოციაცია და კონგრესის წევრები გმობენ ე.წ. “სუპერლიგას”. უეფას კონგრესი მტკიცედ არის დარწმუნებული, რომ დახურული “სუპერლიგა” ეწინააღმდეგება ევროპელობის იდეას – ერთიანობის, გახსნილობის, ურთიერთდახმარებისა და სპორტული ღირებულებების პრინციპებს. უეფასა და მის წევრ ასოციაციებს სჯერათ ევროპული მოდელის ჭეშმარიტების, რომელიც ეფუძნება ღია შეჯიბრებითობას, სოლიდარობასა და გადანაწილებას, რაც უზრუნველყოფს ფეხბურთის მდგრადობასა და განვითარებას ყველას სასარგებლოდ, ასევე ასტიმულირებს ევროპულ ღირებულებებსა და სოციალურ შედეგებს.

შეთქმულების მონაწილე კლუბები გულწრფელად ვერ ხედავენ, რომ მათ დღევანდელ სტატუსს მიაღწიეს არა იზოლაციის პირობებში, არამედ ევროპული სისტემის დინამიურ ფარგლებში, რომელშიც დიდმა, საშუალო და პატარა კლუბებმა საერთო წვლილი შეიტანეს თითოეულის წარმატებასა თუ წარუმატებლობაში. იმის წარმოდგენა, თითქოს მათ აქვთ ცალკე გამოყოფის და ერთად შექმნილი მემკვიდრეობის მოთხოვნის უფლება, მათი მხრიდან ევროპული ღირებულებების შეურაცხყოფაა.

უეფა, მისი ასოციაციები და ყველა, ვისაც ფეხბურთი უყვარს, მტკიცედ დგას, მაქსიმალურად შეეწინააღმდეგება და იბრძოლებს ამ კლუბების მფლობელებისა და მათი მხარდამჭერების აღნიშნული ნაბიჯის წინააღმდეგ. ჩვენ ვიცით, რა მორალური ღირებულებებია საფრთხეში და ფეხბურთს დავიცავთ ეგოისტური კლანისგან, რომელსაც არ ადარდებს ეს თამაში. ევროპული ფეხბურთი ჩვენ ვართ და არა – ისინი”.


შეგახსენებთ, რომ სუპერლიგაში ამ დროისთვის 12 კლუბია გაერთიანებული: “არსენალი”, “მანჩესტერ იუნაიტედი”, “მანჩესტერ სიტი”, “ლივერპული”, “ჩელსი”, “ტოტენჰემი”, “რეალი”, “ბარსელონა”, “ატლეტიკო”, “იუვენტუსი”, “ინტერი”, “მილანი”. დაანონსებულია კიდევ რვა კლუბის დამატება.

თავის მხრივ, ფიფა და უეფა ახალი პროექტის მონაწილე კლუბებს ეროვნული, ევროპული და მსოფლიო ტურნირებიდან მოკვეთით, მათ ფეხბურთელებს კი სანაკრებო დონეზე თამაშის აკრძალვით ემუქრება.

კორონაპანდემიის მიუხედავად, წელს ფიფას საუკეთესო ფეხბურთელთა დაჯილდოება ჩატარდება

კორონავირუსული პანდემიის მიუხედავად, ფიფას საუკეთესო ფეხბურთელთა დაჯილდოების ცერემონია მაინც შედგება, თუმცა მას ონლაინღონისძიების სახე ექნება. ცერემონია 17 დეკემბერს არის ჩანიშნული, ღონისძიებაზე 11 ნომინაციაში გამარჯვებულს დაასახელებენ. ეროვნული ნაკრებების მთავარ მწვრთნელებსა და კაპიტნებს, აგრეთვე მედიის წარმომადგენლებს 15 დღის განმავლობაში – 25 ნოემბრიდან 9 დეკემბრამდე გამოკითხავენ. მიღებული ხმებით წლის საუკეთესო ფეხბურთელისა და მწვრთნელის ვინაობა გაირკვევა, სულ კი 11 ნომინაციაში გამარჯვებულს დაასახელებენ:

  • საუკეთესო ფეხბურთელი
  • საუკეთესო ქალი ფეხბურთელი
  • კაცთა საუკეთესო მწვრთნელი
  • ქალთა საუკეთესო მწვრთნელი
  • კაცთა წლის გუნდი
  • ქალთა წლის გუნდი
  • საუკეთესო კაცი მეკარე
  • საუკეთესო ქალი მეკარე
  • ჯილდო სამართლიანი თამაშისთვის
  • პუშკაშის ჯილდო წლის საუკეთესო გოლისთვის
  • გულშემატკივრის ჯილდო

შეგახსენებთ, რომ გასულ წელს საუკეთესო ფეხბურთელი ლიონელ მესი, ხოლო საუკეთესო მწვრთნელი იურგენ კლოპი გახდა. გეტყვით იმასაც, რომ კორონაპანდემიის გამო “ოქროს ბურთის” დაჯილდოება წელს არ გაიმართება.

ჯანი ინფანტინოს ფიფას პრეზიდენტად, სავარაუდოდ, კიდევ ერთი ვადით აირჩევენ

ფიფას მოქმედი პრეზიდენტი ჯანი ინფანტინო აღნიშნულ პოსტზე, სავარაუდოდ, კიდევ ერთი სამწლიანი ვადით იქნება არჩეული.

“ფაინენშელ თაიმსის” ცნობით, 211-დან 196-მა ეროვნულმა ფედერაციამ ინფანტინოს მხარდაჭერის მზადყოფნა უკვე გამოთქვა.

ჯანი ინფანტინოს მთავარი ოპონენტი რამონ ვანგა იქნება, რომელმაც ეროვნული ასოციაციებისგან დიდი გაჭირვებით მოაგროვა ხუთი ხმა, რათა ფიფას საპრეზიდენტო არჩევნებისთვის საკუთარი კანდიდატურა წარედგინა.

ფიფას პრეზიდენტობის კანდიდატების რეგისტრაციის საბოლოო ვადა 5 თებერვალია, ხოლო თავად არჩევნები მიმდინარე წლის 5 ივლისს, პარიზში ჩატარდება.

საქართველოს ფეხბურთის ფედერაციის განცხადება

საკითხის მნიშვნელობიდან გამომდინარე, გვსურს, ვაცნობოთ საზოგადოებას, რომ საქართველოს ფეხბურთის ფედერაციამ, სხვადასხვა მედია საშუალების მიერ დღეს, 4 აგვისტოს გავრცელებული ინფორმაციის შესახებ დაუყონებლივ აცნობა მსოფლიო ფეხბურთის მმართველ ორგანოს და მოითხოვა მისგან შესაბამისი რეაგირება.

კერძოდ, რამდენიმე საინფორმაციო სააგენტოს მიერ გავრცელებული ინფორმაციით, უახლოეს დღეებში ოკუპირებულ აფხაზეთში ჩასვლას გეგმავს ნიგერიის ახალგაზრდული საფეხბურთო ნაკრები, ჩვენ ისევე როგორც სხვა მსგავს შემთხვევებში, დროული რეაგირებისთვის აღნიშნული ინფორმაცია და ჩვენი პოზიცია სრულად მივაწოდეთ მსოფლიო ფეხბურთის მმართველ ორგანოს – ფიფას. აგრეთვე შესაბამისი რეაგირებისთვის ინფორმაცია და მოთხოვნა გადაიგზავნა ნიგერიის ფეხბურთის ფედერაციაშიც.

ქართული ფეხბურთის მმართველი ორგანო, ნებისმიერი მსგავსი ტიპის ინფორმაციის არსებობის შემთხვევაში, ყველა საშუალებას გამოიყენებს, რათა არ დაუშვას ქართული სახელმწიფოებრიობის და ტერიტორიული მთლიანობის წინააღმდეგ მიმართული სპორტული ქმედებები.

Gff.Ge

მოსკოვში ფიფას 68-ე კონგრესი ტარდება

რიგით 21-ე მსოფლიო ჩემპიონატის დაწყებამდე, მოსკოვში ფიფას 68-ე კონგრესი ტარდება. მსოფლიო ფეხბურთის მმართველი ორგანოს ხელმძღვანელები, წევრ ორგანიზაციებთან ერთად ფიფას დებულებაში განსახორციელებელ ცვლილებებს და 2019-2022 წლების საბიუჯეტო ციკლს განიხილავენ. დღესვე მოსკოვის საგამოფენო ცენტრში 2026 წლის მსოფლიო ჩემპიონატის მასპინძელ ქვეყანას აირჩევენ.
23-ე მუნდიალის ჩატარების უფლების მოსაპოვებლად ერთის მხრივ, მაროკო, მეორე მხრივ, ერთობლივად აშშ, მექსიკა და კანადა იბრძვიან. სამივე ქვეყანას პარალელურად სურს მსოფლიო ჩემპიონატის მასპინძლობა.

ფიფას კონგრესს საქართველოდან ფეხბურთის ფედერაციის პრეზიდენტი ლევან კობიაშვილი, გენერალური მდივანი დავით მუჯირი, ვიცე-პრეზიდენტები კახა ჭუმბურიძე და ალექსანდრე იაშვილი ესწრებიან.

შეგახსენებთ,რომ 2026 წლის მუნდიალის მასპინძლობის მსურველი ქვეყნების დელეგაციები, თბილისშიც იმყოფებოდნენ და მიმდინარე წლის აპრილ-მაისში შეხვედრები საქართველოს ფეხბურთის ფედერაციაში გაიმართა.

ფიფა მსოფლიო საკლუბო ჩემპიონატის ფორმატის შეცვლაზე მუშაობს

ფეხბურთის საერთაშორისო ფედერაციის პრეზიდენტი, ჯანი ინფანტინო ადასტურებს ინფორმაციას, რომლის თანახმადაც მსოფლიო საკლუბო ჩემპიონატის ფორმატის შეცვლაა დაგეგმილი. ამ მიზნით უკვე გაიმართა შეხვედრა კოლუმბიის დედაქალაქ ბოგოტაში.

“ჯერჯერობით არაფერი არ გადაგვიწყვიტავს. ამ იდეის გარშემო დიდი მუშაობა მოგვიწევს. ჩვენი მიზანი ფეხბურთის განვითარებაა და ამის მისაღწევად მზად ვართ, მსოფლიო საკლუბო ჩემპიონატის ფორმატში მნიშვნელოვანი ცვლილებები შევიტანოთ,”-აცხადებს ინფანტინო.

უცხოური პრესის ცნობით, საუბარია მსოფლიო საკლუბო ჩემპიონატით კონფედერაციის თასის ჩანაცვლების ვარიანტზეც, ისევე როგორც კლუბების რაოდენობის გაზრდის შესაძლებლობაზე. განახლებული ფორმატით პირველი მსოფლიო საკლუბო ჩემპიონატი 2021 წელს უნდა ჩატარდეს.

სამი ხედირამ FIFA 18 დატროლა (ფოტო)

ტურინის “იუვენტუსისა” და გერმანიის ნაკრების ნახევარმცველმა, სამი ხედირამ FIFA 18-ში დაშვებული შეცდომის გამო EA SPORT-ს დასცინა.

“სალამი, EA SPORTS FIFA. დიდად მოხარული ვარ, რომ ჩემი გრძელი თმები ასე ძალიან მოგწონთ, მაგრამ თითქმის ორი წელია, რაც თმები შევიჭერი…” – ვკითხულობთ ხედირას ოფიციალურ “ტვიტერზე”.

ფიფას მწვრთნელთა ინსტრუქტორი, სერგეი ალეინიკოვი საქართველოშია

ახალ თბილისში მდებარე სასტუმრო „მოხალისეში“„რეგიონთა თასის” მწვრთნელთა გადამზადების კურსები მიმდინარეობს. საქართველოს ვიზიტით ამჯერად  ფიფას მწვრთნელთა ინსტრუქტორი სერგეი ალეინიკოვი ესტუმრა. სპეციალური კურსები სხვადასხვა რეგიონის მწვრთნელებისათვის 1 ივნისს დაიწყო და 5 ივნისის ჩათვლით გაგრძელდება.

გახსნით ტრენინგს საქართველოს ფეხბურთის ფედერაციის პრეზიდენტი, ლევან კობიაშვილი დაესწრო, რომელმაც კურსის მნიშვნელობაზე ისაუბრა და მსმენელებს წარმატებები უსურვა. ლევან კობიაშვილმა დაწვრილებით ისაუბრა პროექტის „რეგიონთა თასი“ მნიშვნელობასა და მიზნებზე და მწვრთნელების როლი ხაზგასმით აღნიშნა. „რეგიონთა თასი“ მთელი საქართველოს მასშტაბით პირველად 2016 წელს ჩატარდა. პროექტი, რომლის მასშტაბები წელს იზრდება,  ნიჭიერი ფეხბურთელების აღმოჩენასა და მათი განვითარების ხელშეწყობას ისახავს მიზნად.

Gff.Ge

2016 წელს ფიფას დანაკარგმა 300 მილიონი ფუნტი შეადგინა

ფეხბურთის საერთაშორისო ორგანიზაცია ფიფამ 2016 წელს დაახლოებით 300 მილიონი ფუნტის ზარალი განიცადა და 2017-ში ექსპერტები ამ რიცხვის 400 მილიონამდე გაზრდას ვარაუდობენ.

მიუხედავად ამისა, ფეხბურთის მმართველი საერთაშორისო ორგანიზაცია მომავალს პოზიტიურად უყურებს და 2018 წელს, ბრაზილიაში ჩატარებული მუნდიალიდან 4 წლის შემდეგ, 80 მილიონიან მოგებას ელიან.

აღსანიშნავია, რომ ფიფას წინააღმდეგ წარმოებული საქმეების გამო, რომელთა ნაწილიც ჯერ კიდევ მიმდინარეობს, საფეხბურთო ორგანიზაციამ ადვოკატებს გასულ წელს 50 მილიონი ფუნტი გადაუხადა.

ასევე დიდ, უაზრო დანახარჯად ითვლება ზეპ ბლატერის მიერ განხორციელებული ინვესტიციები ციურიხში აშენებულ სასტუმროებსა და მუზეუმში მის სხვა ახირებებთან ერთად.

ფეხბურთის საერთაშორისო ორგანიზაცია ამ შედეგების გაანალიზებასა და შესაფერისი დასკვნების გამოტანას უახლოეს მომავალში აპირებს.

ფიფას 5 სამომავლო რეფორმა: არანაირი თამაშგარე და ყვითელი ბარათები

როგორც ჩანს, ფიფას მიერ მიღებული გადაწყვეტილება, მსოფლიო ჩემპიონატზე მონაწილე ნაკრებთა რიცხვის გაზრდასთან დაკავშირებით, დიდი ცვლილებების დასაწყისია.

ფიფას დირექტორმა, რომელსაც ტექნიკური განვითარებისთვის ზრუნვა აქვს დავალებული მთელი რიგი იდეები გაგვაცნო, რომლებმაც შესაძლოა, მომავალში ხორცი შეისხას.


თამაშგარე მდგომარეობის წესის გაუქმება


ვან ბასტენის ერთ-ერთი ყველაზე საინტერესო შეთავაზება ფეხბურთში თამაშგარე მდგომარეობის წესის გაუქმებაა. “აიაქსისა” და “მილანის” ყოფილ თავდამსხმელს სჯერა, რომ თამაში გაცილებით უფრო თავშესაქცევი და სასიამოვნო საყურებელი იქნება, თუ ფეხბურთელების ფანტაზიის უნარს ამ წესით არ შეზღუდავენ.

“ძალიან მაინტერესებს, როგორი იქნება თამაში თამაშგარეების გარეშე. ვშიშობ, ამ იდეის განხორციელებას ბევრი ადამიანი დაუდგება წინ, მაგრამ ვთვლი, რომ ეს ცვლილება სასიცოცხლოდ დიდ მნიშვნელობას ატარებს. ფეხბურთი სულ უფრო და უფრო ემსგავსება ხელბურთს: ცხრა ფეხბურთელი და მეკარე საჯარიმოს გაუვალს ხდის, როგორც კედელს, ასე კი გოლის გატანა ძალიან რთულია. თანაც თითქმის ყველა გუნდი მსგავს ტაქტიკას მიმართავს.

თამაშგარეების გაუქმების შემდეგ, ფორვარდებს მცველების უკან ყოფნის უფლება მიეცემათ, რაც უფრო მეტ საგოლე შანსს შექმნის და მეტი გოლიც გავა. თამაში კი უფრო მიმზიდველი და თავშესაქცევი გახდება. სწორედ ეს არის ის, რისი ხილვაც ფანებს სურთ. თამაშგარეების წესი ბალახის ჰოკეიშიც ამოიღეს, მაგრამ ამას პრობლემები ნამდვილად არ შეუქმნია. ამ ცვლილებას საფეხბურთო გუნდებიც ადვილად მიეჩვევიან.”


პენალტების გაუქმება


hhhh

არანაკლებ საინტერესოა დამატებითი დროისა და პენალტების სერიის გაუქმების იდეაც. ნაცვლად ამისა, ვან ბასტენს სურს, რომ მატჩის გამარჯვებული ერთგვარმა შეჯიბრმა უნდა გამოავლინოს: ნაცვლად თერთმეტმეტრიანი ნიშნულიდან დარტყმის განხორციელების, ფეხბურთელს მოუწევს 8 წამის განმავლობაში მეტოქის კარიდან 25 მეტრით დაშორებული ბურთი ბადეშია შეასრიალოს (თუ მეკარე ბურთს მოიგერიებს, ყველაფერი სრულდება). თითოეულ გუნდს 5-5 მსგავსი შანსი მიეცემათ.

“გულშემატკივართათვის ეს ბრწყინვალე სიახლე იქნება, ფეხბურთელთათვის კი საინტერესო გამოწვევა. ასეთ შემთხვევაში, ფეხბურთელს უფრო მეტი ვარიანტი ექნება გოლის გატანისა. მას შეეძლება დრიბლინგის მეშვეობით გოლის გატანა, ან ზუსტი დარტყმის განხორციელება, ეს მათი გადასაწყვეტი იქნება.” – აცხადებს ვან ბასტენი.


არანაირი ყვითელი ბარათი


hhhh

ვან ბასტენის კიდევ ერთი რეფორმის ძალაში შესვლის შემთხვევაში, ფეხბურთელები თამაშის წესების დარღვევისთვის ყვითელ ბარათებს ვეღარ მიიღებენ. სანაცვლოდ, მათ გარკვეული დროის მანძილზე მოედნის ფარგლებს მიღმა მოუწევთ ყოფნა.

“ფეხბურთელები ასე უფრო შეშინდებიან და უფრო ფრთხილადაც იქნებიან. ათი კაცით თამაში ყოველთვის უფრო რთული და სახიფათოა, ან სულაც ცხრა და რვა ფეხბურთელით.” – განაცხადა ვან ბასტენმა.


გააქტიურების ფაზა


როგორც ჩანს, ის ფაქტი, რომ მატჩის ბოლოსკენ გუნდები განსაკუთრებულად ფრთხილობენ და მაქსიმალურად ცდილობენ დროის გაწელვას, ფიფას დირექტორსაც აღიზიანებს.

ამის თავიდან ასარიდებლად, ფიფა ახალი რეფორმის გატარებას აპირებს, რომლის თანახმადაც, მე-80-ე წუთის შემდეგ, ბურთის 10 წამზე მეტი ხნის მანძილზე გაჩერება აკრძალული იქნება.

“მაყურებლებს თამაშის, გოლებისა და ორთაბრძოლების ხილვა სურთ. რაც უფრო მეტი დრო იხარჯება ცვლილების, საჯარიმოს შესრულებისა და ტრავმირებული ფეხბურთელის მოედნიდან გაყვანის დრო, მით უფრო მეტი დრო ეკარგება მაყურებელსაც.დროის გაყვანა ასეთი გზებით აღარ უნდა ხდებოდეს.”


ჯარიმების ლიმიტი


ვან ბასტენს ჯარიმების ლიმიტის დაწესების იდეაც მოსწონს, რომლის მიხედვითაც, ფეხბურთში კალათბურთის წესი უნდა შემოვიდეს, სადაც განსაზღვრულია ჯარიმების ის რაოდენობა, რომლის შემდეგაც მოთამაშემ მოედანი უნდა დატოვოს.

“მეც მომწონს იდეა, რომ თუ ფეხბურთელი ხუთზე მეტ ჯარიმას მიიღებს, მან მოედანი უნდა დატოვოს.”

ფიფამ საქართველოს ფეხბურთის ფედერაცია დააჯარიმა

ფიფამ საქართველოს ფეხბურთის ფედერაცია დააჯარიმა.

2018 წლის მსოფლიოს ჩემპიონატის შესარჩევ ეტაპზე საქართველოსა და მოლდოვის ნაკრებებს შორის 12 ნოემბერს გამართული მატჩის (1:1) მიმდინარეობისას დაფიქსირებული დარღვევების გამო მსოფლიო ფეხბურთის მმართველმა ორგანომ სფფ-ს ფულადი ჯარიმა დაუწესა.

კერძოდ, ტრიბუნაზე ცეცხლგამჩენი მოწყობილობების აღმოჩენისა და მოედანზე უცხო ნივთების სროლის გამო სფფ-ს ჯარიმის სახით 3 ათასი შვეიცარული ფრანკის გადახდა მოუწევს. გარდა ამისა, ქართულმა მხარემ ფიფასგან გაფრთხილებაც მიიღო.

დარღვევები საქართველოსა და ავსტრიის ნაკრებებს შორის 5 სექტემბერს გამართულ შეხვედრაშიც დაფიქსირდა, მაგრამ მაშინ ფიფა მხოლოდ გაფრთხილებით შემოიფარგლა.

ფიგუ ფიფა-ში იმუშავებს

„ბარსალონასა“ და მადრიდის „რეალის„ ექს-ფეხბურთელმა ლუიშ ფიგუმ ფიფა-ში პოსტი მიიღო. მეხიკოში ორგანიზაციის 66-ე ყრილობაზე პორტუგალიის ნაკრების ყოფილი ანხევარმცველი ფიფა-ს განვითარების ვიცე-პრეზიდენტად დაინიშნა, იუწყება „A Bola“.

43 წლის ფიგუმ ფიფა-ს საპრეზიდენტო არჩევნებში მონაწილეობასაც გეგმავდა, თუმცა შემდგომ კანდიდატურა მოხსნა, რაც სამართლიან არჩევნებში ეჭვით ახსნა.