ტურინის “იუვენტუსის” ახალგაზრდა ფეხბურთელი, პოლ პოგბა აცხადებს, რომ “ბიანკონერიმ” “პარმასთან” უმნიშვნელოვანესი გამარჯვება მოიპოვა.
შეგახსნებთ, რომ 2 ნოემბერს “პარმამ” საკუთარ მოედანზე “იუვენტუსი” მიიღო. ტურინელებმა შეხვედრა მინიმალური სხვაობით 0:1 მოიგეს, ერთადერთი გოლი კი პოგბამ გაიტანა.
“პარმასთან” გამარჯვება? ნამდვილად ძალიან მნიშვნელოვანი მატჩი მოვიგეთ. რთული თამაში გამოდგა და მიხარია, რომ გამარჯვების გოლი სწორედ მე გავიტანე”, – ამბობს პოგბა.
ტურინის “იუვენტუსის” გენერალური დირექტორი, ბეპე მაროტა აცხადებს, რომ კლუბი ახალგაზრდა ფრანგ ნახევარმცველთან, პოლ პოგბასთან კონტრაქტს გაახანგძლივებს.
შეგახსენებთ, რომ 20 წლის მოთამაშით არაერთი ევროპული გრანდია დაინტერესებული, თუმცა ტურინელები მის არსად გაშვებას არ აპირებენ.
“პოგბა “იუვენტუსში” თავს კარგად გრძნობს, ის აქ ბედნიერია და რა თქმა უნდა, არსად წასვლას არ აპირებს. მალე ფეხბურთელის აგენტს შევხვდებით და კონტრაქტის თაობაზე ვიმსჯელებთ”, – ამბობს მაროტა.
ცნობისათვის, პოგბას “ბიანკონერისთან” კონტრაქტი 2016 წელს ეწურება.
დიტო ჭიჭინაძე
ტურინის “იუვენტუსის” ახალგაზრდა ფეხბურთელი, პოლ პოგბა აცხადებს, რომ მას “ბიანკონერი” უყვარს.
შეგახსენებთ, რომ 20 წლის ნახევარმცველი ტურინულ კლუბში 2012 წელს, “მანჩესტერ იუნაიტედიდან” გადავიდა.საფრანგეთის ნაკრების მოთამაშემ უკვე მოახერხა ის, რომ “იუვენტუსის” გულშემატკივრებს თავი შეაყვარა.
“იუვენტუსის” ფანებს ჩემი დაკარგვის ეშინიათ? ვფიქრობ, ჯერ კიდევ არ ვარ ის ფეხბურთელი, რომელიც ასეთ დაფასებას იმსახურებს. სიმართლე რომ ვთქვა, ჯერ არაფერი გამიკეთებია.
“იუვენტუსში” დიდებული ფეხბურთელები თამაშობენ. საკმარისია, რომ ანდრეა პირლოსა და ჯანლუიჯი ბუფონს დააკვირდე და მათგან ბევრ რამეს ისწავლი. დავასრულებ თუ არა კარიერას “ბიანკონერიში”? ვფიქრობ, კარიერის დასრულებაზე საუბარი ძალიან ადრეა.
შემიძლია, ვთქვა, რომ ტურინში ძალიან ბედნიერი ვარ. “იუვენტუსი” მიყვარს და სურვილი მაქვს, აქ დიდი ხნით დავრჩე. ამ ეტაპზე, ჩემი თავი სხვა კლუბში არ წარმომიდგენია.”
როგორც, პოგბა ამბობს, მას იტალიური ფეხბურთი მოსწონს და ფიქრობს, რომ იტალიაში მოთამაშეები, ტაქტიკურად, ბევრს სწავლობენ.
“რატომ ავირჩიე იტალია? სერია A ფეხბურთის უნივერსიტეტია. აქ, ტაქტიკურად, ძალიან ბევრ რამეს ისწავლი. ჩემი აზრით, თუ იტალიაში საუკეთესო ნახევარმცველი ხარ, მაშინ მსოფლიოშიც საუკეთესო ხარ. გამიმართლა, რომ ანტონიო კონტე ჩვენი გუნდის თავკაცია. ის მართლაც კარგი მასწავლებელია.”
ბავშვობაში, პოგბასათვის ყველაზე გამორჩეული ფეხბურთელი “მილანის” ნახევარმცველი, რიკარდო კაკა იყო.
“ბავშვობაში, ჩემი კერპი კაკა იყო. თუმცა, ვფიქრობ, რომ ყველაზე მეტად იაია ტურესა და აბუ დიაბის ვგავარ. “იუვენტუსში” ბრწყინვალე ნახევარმცველები გვყავს.”
დიტო ჭიჭინაძე
