ჭდე: პორტუგალია

რუნი: „პორტუგალიასთან გაგვიჭირდა“

Posted on by Alix

ინგლისის ნაკრების თავდამსხმელმა უიენ რუნიმ პორტუგალიასთან ანგარიშით 1:0 მოგებული ამხანაგური მატჩი შეაფასა.

„ეს მატჩი მოვიგეთ, თუმცა გაგვიჭირდა. მეტოქე ათი კაცით თამაშობდა, ასე ხდება. დღეს უკეთესად გამოვიყურებოდით.

ვიცით, უფრო კარგად უნდა ვთამაშობდეთ. ეს კარგი ნიშანია: არც ისე კარგად გვითამაშია, თუმცა მოგება მაინც მოვახერხეთ.

ჰოჯსონი სამი თავდამსხმელის სქემაზე მუშაობს. შემადგენლობაში 23 კაცი გვყავს, ყველაფერი ჩვენზეა დამოკიდებული.

მზად ვართ. საუკეთესო ფორმაში არ ვართ, მაგრამ სამი შეხვედრა მაინც მოვიგეთ“, – ციტირებს რუნის BBC.

ჰოჯსონი პორტუგალიასთან მოგებით კმაყოფილი დარჩა

Posted on by Alix

ინგლისის ნაკრების მთავარი მწვრთნელი როი ჰოჯსონი პორტუგალიასთან ანგარიშით 1:0 მოგებული ამხანაგური მატჩით კმაყოფილი დარჩა.

„არ ვარ მზად იმის სათქმელად, რომ კარგად არ ვითამაშეთ. კარგად ვმოქმედებდით, მთელი მატჩის განმავლობაში სიმშვიდე გამოვიჩინეთ. უკეთესი იქნებოდა, 11 კაცის წინააღმდეგ რომ გვეთამაშა, რადგან ათ ფეხბურთელთან თამაში უფრო მძიმეა.

თუმცა, კმაყოფილი ვარ, რომ სამი მატჩი მოვიგეთ და დღეს არ გავუშვით. დებატების მოსაწყობად მზად არ ვარ. ყველა ფეხბურთელის აკრგად მოქმედება გვჭირდება. ყოველ მატჩში ვიღაც ნამდვილად კარგად მოქმედებს, ვიღაცის გასაკვირიკებლად მზად არ ვარ. მძიმე მწვრთნელი ვიქნები, თუ სამი მოგებით უკმაყოფილო დავრჩები.

ავირჩე თუ არა სასტარტო შემადგენლობა? ეს ძნელია, ყველაფერი მატჩის წინ გაირკვევა. მხიარია, რომ 16-17 ფეხბურთელი გვეყოლება და მათი იმედი გვექნება“, – ციტირებს ჯოჰსონს BBC.

„პორტუმ“ 2014 წლის შემდეგ ჩემპიონატში პირველი საშინაო მატჩი წააგო

Posted on by Alix

პორტუგალიის ჩემპიონატის 21-ე ტურის მატჩში „პორტუმ“ შინ „აროკასთან“ ანგარიშით 1:2 წააგო.

სათქმელია, რომ „პორტუსთვის“ 2014 წლის 14 დეკემბრის შემდეგ ეროვნული ჩემპიონატის მატჩში ეს პირველი საშინაო მარცხია.

ამჟამად „პორტუ“ 46 ქულით სატურნირო ცხრილის მესამე საფეხურზე იმყოფება, „აროკა“ კი, 28 ქულით მეშვიდეა.

რას გეგმავს კარიერის დასრულების შემდეგ კრიშტიანუ რონალდუ?

Posted on by Alix

მადრიდის „რეალის“ ლიდერმა კრიშტიანუ რონალდუმ სამომავლო გეგმებზე ისაუბრა.

„ფეხბურთის შემდეგ სხვა ცხოვრებაა. ვფიქრობ, თავიდან თამაშის გარეშე გამიჭირდება, მაგრამ თუ მკითხავთ, მსურს თუ არა მწვრთნელობა, უარყოფით პასუხს გაგცემთ. არც მწვრთნელობაზე და არც პრეზიდენტობაზე არ ვფიქრობ.

თქვენ ფიქრობთ, რომ საუკეთესო სამსახური, ბევრი ფული, მანქანები, სახლები და ა.შ. გამაჩნია, მაგრამ ეს ყველაფერი არ არის. მაგალითს მოვიყვან: შაბათს ლას-ვეგასში კრივი იყო. იქ ოჯახის წევრებისა და მეგობრების წაყვანაც მსურდა, მაგრამ ეს დროის უკმარისობის გამო ვერ გამოვიდა. კარიერის დასრულების შემდეგ როგორც მეფე მინდა ვიცხოვრო.

ზეწოლასთან გამკლავება შემიძლია, რადგან ბავშვობაში მძიმე მცხოვრება მქონდა. სახლი 11 წლის დავტოვე და ინგლისში საცხოვრებლად გადავედი. ეს ყველაფერი რთული იყო. მოზარდი ვიყავი, მაგრამ ზრდასრული ადამიანის ცხოვრება მქონდა. სწორედ მაშინ ფსიქოლოგიურად გავძლიერდი. ყველას შეუძლია ის იფიქროს, რაც უნდა, მაგრამ ყოველდღე დასაძინებლად სუფთა ნამუსით ვწვები. არ შეიძლება, ხალხის აზრი გვადარდებდეს“, – ციტირებს პორტუგალიელს Goal.com-ი.

„ოქროს ბურთის“ კანდიდატთა ვინაობა ცნობილია

Posted on by Alix

ფიფა-მ 2015 წლის „ოქროს ბურთის“ კანდიდატთა სამეული გამოაქვეყნა. როგორც მოსალოდნელი იყო, მათ შორის „ბარსელონას“ ლიდერები ლიონელ მესი და ნეიმარი არიან. ასევე, „ოქროს ბურთისთვის“ მადრიდის „რეალის“ თავდამსხმელი კრიშტიანუ რონალდუ იბრძოლებს.

შეგახსენებთ, რომ „ოქროს ბურთის“ დაჯილდოების ცერემონიალი 11 იანვარს, ციურიხში შედგება.

გიორგი მაკარიძემ პორტუგალიაში თავის გუნდს მოაგებინა (ვიდეო)

Posted on by -

25 ნოემბერს, პორტუგალიის სეგუნდა ლიგაში, გიორგი მაკარიძის “ფეირენშე” “გიმარაეში B”-ს ესტუმრა და მეტოქე მინიმალური სხვაობით 1:0 დაამარცხა.

შეხვედრაში ერთადერთი გოლი ქართველმა მეკარემ 64-ე წუთზე თერთმეტმეტრიანი დარტყმით გაიტანა. აღსანიშნავია ისიც, რომ გიორგიმ მატჩის პირველ ტაიმში პენალტის მოგერიება შეძლო.

რონალდუ: “მე ვარ საუკეთესო, მე ვარ ლეგენდა”

Posted on by ბექა დოგრაშვილი

მადრიდის “რეალის” ლიდერი კრიშტიანუ რონალდუ საკუთარ თავს მსოფლიოს საუკეთესო ფეხბურთელად მიიჩნევს და ამის თქმას არც ერიდება.

“არ მჭირდება იმის თქმა, რომ ფეხბურთის ისტორიაში უკვე შევედი. მე ვარ ლეგენდა. სტატისტიკა ყველაფერზე მეტყველებს.

კიდევ უფრო გაუმჯობესება რთულია.

ჩემი აზრით, მე ვარ ყოველთვის საუკეთესო. არ მადარდებს, რას ფიქრობს და ამბობს ხალხი. ჩემი აზრით, არამხოლოდ წელს, არამედ ყოველთვის მე ვიყავი საუკეთესო.

პატივს ვცემ სხვების აზრს. შესაძლოა, თვლიდეთ, რომ მესი ჩემზე უკეთესია, მაგრამ მე ვფიქრობ, რომ მე მას ვჯობივარ”, – რონალდუს ეს კომენტარი BBC-მ გამოაქვეყნა.

შეგახსენებთ, რომ კრიშტიანუ რონალდუ მადრიდის “რეალის” ღირსებას 2008 წლიდან იცავს. პორტუგალიელმა ფეხბურთელმა ამ პერიოდის განმავლობაში ჩატარებულ 314 მატჩში 326 გოლი გაიტანა.

 

„უემბლიზე“ რონალდუზე გადაღებული დოკუმენტური ფილმის პრემიერა შედგება

Posted on by Alix

9 ნოემბერს ლონდონის სტადიონ „უემბლიზე“ მადრიდის „რეალისა„ და პორტუგალიის ნაკრების კრიშტიანუ რონალდუს შესახებ გადაღებული დოკუმენტური ფილმის პრემიერა შედგება, რის შესახებაც AS-ი წერს.

ფილმი მაყურებელს ფეხბურთელის ცხოვრების შესახებ მოუთხრობს. პრემიერას თავად ფეხბურთელი დაესწრება.

„ამ ფილმის დახმარებით, მსურს, გიჩვენოთ, სინამდვილეში როგორი ვარ. მინდა, რომ გულშემატკვირებს ჩემ შესახებ ობიექტური ინფორმაცია ჰქონდეთ. ვფიქრობ, ხალხს ის მოეწონება, რადგან მასში მოთხრობილი ყველა ისტორია სინამდვილეს შეესაბამება“, – განაცხადა თავად რონალდუმ.

ევრო-2016-ზე რონალდუ ცენტრფორვარდი იქნება

Posted on by ბექა დოგრაშვილი

2016 წლის ევროპის ჩემპიონატზე პორტუგალიის ნაკრების მთავარი მწვრთნელი ფერნანდუ სანტუში კრიშტიანუ რონალდუს ცენტრალური თავდამსხმელის პოზიციაზე გამოყენებას აპირებს. პორტუგალიელები, სავარაუდოდ, 4-4-2 სქემით ითამაშებენ და აქედან ერთი თავდამსხმელი სწორედ რონალდუ იქნება. სანტუში კრიშტიანუს მთლიანად გაათავისუფლებს თავდაცვითი ფუნქციებისგან.

Cadena Cope-ს ცნობით, კრიშტიანუ რონალდუმ ცოტა ხნის წინათ მადრიდის “რეალის” თავკაც რაფაელ ბენიტესს სთხოვა, რომ არა ცენტრალური თავდამსხმელის, არამედ მარცხენა გარემარბის პოზიციაზე დაეყენებინა, რადგან ამ ამპლუაში თავს გაცილებით კომფორტულად გრძნობს.

 

გიორგი მაკარიძემ ჯერ პენალტი მოიგერია, შემდეგ კი თავად გაიტანა (ვიდეო)

Posted on by -

17 ოქტომბერს, პორტუგალიის თასზე “ფამალიკაო” საკუთარ მოედანზე გიორგი მაკარიძის “ფეირენენსეს” დაუპირისპირდა და ფრედ 1:1 ითამაშა, საქმე კი თერთმეტმეტრიანებამდე მივიდა.

აღსანიშნავია, რომ პენალტების სერიაში გიორგი მაკარიძემ მასპინძელთა ფეხბურთელებს ორჯერ არ გაატანინა, შემდეგ კი დარტყმა თვითონვე შეასრულა და თავისი გუნდი მომდევნო ეტაპზე გაიყვანა.

Giorgi Makaridze em grande destaque na Taça

Habemus herói!O Clube Desportivo Feirense – Página Oficial eliminou o Futebol Clube de Famalicão da Taça de Portugal nas grandes penalidades, após 1-1 no tempo regulamentar, e o guardião Giorgi Makaridze foi o grande herói. Após defender a conversão de Correia na 6ª tentativa da equipa da casa, o guarda-redes da Geórgia converteu ele próprio o penalty que deu a vitória à formação de Santa Maria da Feira.

Posted by Crónica Futebolística on Saturday, 17 October 2015

„მიხარია, რომ რონალდუ და იბრაჰიმოვიჩი ჩემს რეკორდებს აუმჯობესებენ“

Posted on by Alix

„პარი სენ-ჟერმენისა“ და პორტუგალიის ნაკრების ყოფილი თავდამსხმელი პედრუ პაულეტა არ დარდობს, რომ მის რეკორდებს დღეს სხვა ფეხბურთელები ამყარებენ. ნაკრებში პაულეტეტას მიღწევა კრიშტიანუ რონალდუმ გაიმეორა, ხოლო პსჟ-ში ამასთან ახლოს ზლატან იბრაჰიმოვიჩია.

„რეკორდები იმისთვის გამოიგონეს, რომ ისინი ვინმემ დაამყაროს, მაგრამ მე ბედნიერი ვარ. ჩვენ უბრალო ფეხბურთელზე არ ვსაუბრობთ, ეს ზლატან იბრაჰიმოივიჩია, რომელსაც დიდებული შესაძლებლობები გააჩნია. გასულ წელს ნაკრებში საუკეთესო ბობმარდირის ადგილი რონალდუმ დაიკავა. როდესაც ასეთი ფეხბურთელები გჯობნიან, ამას მშვიდად უყურებ“, – განაცხადა პაულეტამ.

ამჯამად იბრაჰიმოვიჩის ანგარიშზე პსჟ-ში 107 გოლია, ხოლო პაულეტამ 109 ბურთი გაიტანა.

სან მარინოს ნაკრების Twitter-ის გვერდმა კრიშტიანო რონალდუ “დატროლა” (ფოტო)

Posted on by -

რამდენიმე წუთის წინ, სოციალურ ქსელ Twitter-ში, სან მარინოს ნაკრების ოფიციალურმა გვერდმა საინტერესო პოსტი გამოაქვეყნა.

სან მარინოელები წერენ, რომ მათ 1 სექტემბრის შემდეგ ერთი გოლის გატანა შეძლეს, ხოლო კრიშტიანო რონალდუმ თავის გამოჩენა საერთოდ ვერ მოახერხა.

მოგეხსენებათ, სან მარინოს ნაკრებმა 8 სექტემბერს, 14 წლის განმავლობაში, სტუმრად ჩატარებულ შეხვედრებში პირველი გოლი ლატვიას გაუტანა.

cats