ინგლისური “ქუინს პარკ რეინჯერსის” ფეხბურთელი ჯოი ბარტონი აცხადებს, რომ მას ლუის სუარესი უყვარს.
შეგახსენებთ, რომ 24 ივნისს, ურუგვაისა და იტალიის ნაკრებებს შორის გამართულ შეხვედრაში ლუის სუარესმა მეტოქე გუნდის მცველ ჯორჯო კიელინის მხარზე უკბინა.
“სუარესი და მისი სათამაშო სტილი მიყვარს. ძალიან მინდა, ის ჩემი გუნდის წევრი იყოს. იმით, რომ მან კიელინის უკბინა, სამყაროს დასასრული არ მომხდარა”, – ამბობს ბარტონი.
2014 წლის მსოფლიოს ჩემპიონატის ჯგუფურ ეტაპზე კოსტა რიკისა და ინგლისის ნაკრებებს შორის გამართული შეხვედრა ფრედ, ანგარიშით 0:0 დასრულდა.
მატჩის საუკეთესო ფეხბურთელად კოსტა რიკელთა მეკარე კეილორ ნავასი დაასახელეს.
ესპანურ „ლევანტეში“ მოთამაშე კიპერმა მატჩი სრულად ჩაამთავრა.
ინგლისის ნაკრები მუნდიალს გამარჯვების გარეშე დაემშვიდობა. კოსტა-რიკასთან გამართული ბოლო ტურის მატჩი გატანილი გოლების გარეშე დასრულდა.
კოსტარიკელები კი პლეი-ოფში სიკვდილის ჯგუფიდან პირველი ადგილით გადიან.
კოსტა რიკა პირველი ადგილის შენარჩუნებას აპირებს, ხოლო ინგლისის – პირველი ქულების აღებას.
ჯგუფური ეტაპის ბოლო ტურის წინ კვარტეტში ასეთ ვითარებას ალბათ კოსტა-რიკის ყველაზე თავგადაკრული ფანებიც კი ვერ წარმოიდგენდნენ. კოსტარიკელებმა პლეი-ოფში გასვლა მეორე ტურში გაინაღდეს და ინგლისელებთან მატჩში ჯგუფის გამარჯვებულის წოდებისთვის იბრძოლებენ.
ჰოჯსონის შეგირდებისთვის აღნიშნულ შეხვედრაში გამარჯვება ღირსების საქმეა. ინგილისელებს ბრაზილიის უქულოდ დატოვება არ სურთ.
ხორხე ლუის პინტო სავარაუდოდ ძირითადის რამდენიმე ფეხბურთელის დასვენებას აპირებს და თამაშის საშუალებას თადარიგში მყოფ ფეხბურთელებს მისცემს. ძირითადში არ ელიან კოსტა-რიკის ორ ვარსკვლავს რუისს და კემპბელს.
როი ჰოჯსონმა კი არ დამალა, რომ დღევანდელ შეხვედრაში სასტარტოში ბევრი ცვლილება იქნება და შანსი იმ ფეხბურთელებს მიეცემათ, ვისაც მიმიდნარე მუნდიალზე ფაქტობრივად არ უთამაშია.
სავარაუდო შემადგენლობები:
კოსტა-რიკა: ნავასი – დუარტე, გონსალესი, მილერი – აკოსტა, კუბერო, ტეხედა, ფრენსისი – კალვო, ბარანტესი – ურენია.
ინგლისი: ფოსტერი – ჯონსი, კეხილი, სმოლინგი, შოუ – უილშირი, ლამპარდი – მილნერი, ბარკლი, ლალანა – სტარიჯი.
ევროპაბეთის კოეფიციენტები აღნიშნულ მატჩზე:
ფეხბურთის ინგლისელმა სპეციალისტმა ჰარი რედნაპმა განაცხადა, რომ ინგლისის ნაკრებს ახალგაზრდა ნიჭიერი ფეხბურთელები აკლია. მისივე თქმით, ახალგაზრდებს ეროვნული ნაკრების რიგებში თამაშის სურვილი აღარ აქვთ.
„სულაც არ მაკვირვებს ის ფაქტი, რომ ინგლისის ნაკრებში პრაქტრიკულად არ არიან ნიჭიერი ახალგაზრდა მოთამაშეები. ბევრ ფეხბურთელს უბრალოდ არ სურს ნაკრებში თამაში. „ტოტენჰემ ჰოთსპურში“ მუშაობის პერიოდში რამდენჯერმე მქონდა შემთხვევა, როდესაც მოთამაშეებმა მთხოვეს, რომ ნაკრებში არ გამეშვა.
ჩემი აზრით, მომავალში სიტუაცია კიდევ უფრო დამძიმდება. ფეხბურთელები კლუბებში ფანტასტიურ თანხებს გამოიმუშავებენ, თამაშობენ ჩემპიონთა ლიგაზე. მათ აღარ აქვთ ინგლისის ნაკრებში მოხვედრისთვის ბრძოლის მიზეზი“, – განაცხადა რედნაპმა, რომელიც ამჟამად ლონდონური „ქუინს პარკ რეინჯერსის“ მთავარი მწვრთნელის პოსტზე მუშაობს.
შეგახსენებთ, რომ ბრაზილიაში მიმდინარე მსოფლიოს ჩემპიონატზე ინგლისის ნაკრებმა ჯგუფური ეტაპის ორი მატჩი უკვე დათმო და პლეი-ოფში თამაშის თეორიული შანსიც მოისპო.
ინგლისის ნაკრებისათვის მსოფლიოს 2014 წლის ჩემპიონატი წარუმატებელი გამოდგა.
ინგლისის ნაკრების თავდამსხმელმა უეინ რუნიმ მსოფლიოს ჩემპიონატზე განცდილი წარუმატებლობის გამო გულშემატკივრებს ბოდიში მოუხადა. შეგახსენებთ, რომ „სამ ლომს“ გუშინდელი დღის შემდეგ ჯგუფიდან გასვლის თეორიული შანსიც გაუქრა.
„გუნდი განადგურებულია. თითოეულ მატჩს საკუთარ ძალებში დარწმუნებულნი ვხვდებოდით, თუმცა, სამწუხაროდ, ყველაფერმა უშედეგოდ ჩაიარა. ისღა დაგვრჩენია, რომ გულშემატკივრებს ბოდიში მოვუხადოთ. ბოდიშს გიხდით იმისთვის, რომ უკეთ ვერ ვითამაშეთ“, – განაცხადა რუნიმ.
ინგლისის ნაკრები მიმდინარე მუნდიალზე ბოლო მატჩს 24 ივნისს, კოსტა რიკის ნაკრების წინააღმდეგ ჩაატარებს.
ინგლისის ნაკრების მთავარმა მწვრთნელმა როი ჰოჯსონმა მიმდინარე მსოფლიო ჩემპიონატზე თავისი გუნდის გამოსვლაზე ისაუბრა.
„რომელიმე მიღებულ გადაწყვეტილებას ვნანობ თუ არა? არა. დარწმუნებული ვარ, ყველაფერი სწორად გავაკეთე.
დარწმუნებული მომავალში გუნდის წარმატებულ თამაშშიც ვარ. ჩვენ კარგი ახალგაზრდა ფეხბურთელები გვყავს.
გუნდი პროგრესირებს. რა თქმა უნდა, პროგრესს გავაგრძელებთ. არამგონია, რომ მომავალში ამჟამინდელი მოთამაშეების წარმატებაში ეჭვის შეტანა ღირდეს.
ნაჩვენები შედეგით, ისევე როგორც ფეხბურთელებს, გული დამწყდა. ჩვენ ბევრს ველოდით და გვეგონა, რომ თავს გამოვიჩენდით.
სასურველი შედეგის მისაღწევად მოგებაა საჭირო, თუმცა ჩვენ პირველ ორ შეხვედრაში დავმარცხდით“, – განაცხადა ჰოჯსონმა.
ინტერნეტ-სივრცეში გავრცელდა ვიდეო, რომელშიც ნაჩვენებია, თუ როგორ ვარჯიშობს ჯონ ტერი კრივში.
ლუის სუარესის დუბლმა ურუგვაის ნაკრებს ინგლისთან მნიშვნელოვანი გამარჯვება მოუტანა.
ურუგვაიმ და ინგლისმა ტურნირის პირველი მატჩები წააგეს. ამიტომ, გუშინდელ შეხვედრას უდიდესი მნიშვნელობა ჰქოონდა.
ოსკარ ტაბარესმა კოსტა-რიკასთან მატჩის შემდეგ სასტარტოში ოთხი ცვლილება განახორციელა. როი ჰოჯსონს კი ძირითადსი ცვლილებები არ მოუხდენია. სიახლე მხოლოდ შემტევების პოზიციებს ეხებოდა. სტარიჯი მარცხენა ფლანგიდან უტევდა, ხოლო რუნი – ცენტრიდან.
ინგლისელები პირველ ნომრად ცდილობდნენ თამაშს, თუმცა ამავე დროს დაცვაში უხეშ შეცდომებს უშვებდნენ. მე-15 წუთზე იაგიელკას არაზუსტი ქმედების შემდეგ გოლის გატანა როდრიგესს შეეძლო, თუმცა მან მცირე მანძილით ააცილა ჰარტის კარს. კარის დალაშქვრას კავანი და სუარესიც ცდილობდნენ.
მომენტები ინგლისლებსაც ექმენბოდათ. აქტიურობდნენ სტერლინგი და რუნი, რომლებსაც გოლის გატანის რამდენიმე შანსი ჰქონდათ. თუმცა, შესვენებამდე გატანა მხოლოდ ურუგვაელება მოაწოდეს. გოლი დაცვის უხეშ შეცდომას მოჰყვა. კავანის-სუარესის კომბინაცია ამ უკანასკნელის ზუსტი დარტყმით დასრულდა.
მეორე ტაიმში ინგლისელები კიდევ უფრო გააქტიურდნენ. მათი უპირატესობა აშკარად ხდებოდა. ჰოჯსონმა საკუთარი გუნდის თამაში ბარკლის და ლალანას გამოსვლით გამოაცოცხლა. აქიურობა ინგლისს 75-ე წუთზე დაუფასდა. სტერლინგის შესანიშნავ თამაშს შეტევაში ჯონსონის ჩართვა მოჰყვა. მარჯვენა მცველმა საჯრიმოში გამჭოლი გადაცემა გააკეთა, რომელსაც შორეულ ძელთან უეინ რუნი გამოეხმაურა – 1:1.
გატანილი გოლის შემდეგ ინგლისელებმა კიდევ უფრო მოუმატეს. იქმნებოდა შთაბეჭდილება, რომ ბრიტანელები მალე გამარჯვების გოლსაც გაიტანდნენ. თუმცა, ყველაფერი სხვანაირად მოხდა. მუსლერას ძლიერი დარტყმის შემდეგ მოედნის ცენტრში სტივ ჯერარდი შეცდა. “ლივერპულის” კაპიტანმა თანაგუნდელი სუარესი ჯო ჰარტთან პირისპირ დატოვა. პრემიერლიგის საუკეთესო მოთამაშეს ახლო მანძილიდან გატანა არ გასჭირვებია. ინგლისს პლეი-ოფში მოხვედრის თეიორილი შანსი რჩება.
გოლები: სუარესი 39′ (1:0); რუნი 75′ (1:1); სუარესი 85′ (2:1)
ინგლისის ეროვნული ნაკრების ფეხბურთელმა სტივენ ჯერარდმა ურუგვაელების წინააღმდეგ გამართული მატჩი შეაფასა და აღნიშნა, რომ თავის გუნდს უფრო ჭკვიანურად უნდა ეთამაშა.
შეგახსენებთ, რომ ურუგვაის ნაკრებმა ინგლისელებს ანგარიშით 2:1 სძლია.
“ცხადია, ბევრი შეცდომა დავუშვით. ლუის სუარესის წინააღმდეგ უფრო ყურადღებით უნდა ვყოფილიყავით. როდესაც ანგარიში გავათანაბრედ, შემდეგ უფრო ჭკვიანურად და გააზრებულად უნდა გვეთამაშა, რაც სამწუხაროდ, ვერ მოვახერხეთ”, – ამბობს ჯერარდი.
ურუგვაის ნაკრების მთავარმა მწვრთნელმა ოსკარ ვაშინგტონ ტაბარესმა ინგლისთან მოგებული მატჩი შეაფასა.
„ინგლისს სუსტი წერტილები არ აქვს, ეს გუნდი ძალიან ძლიერია, მას ჩინებული ნახევარდაცვა და ძლიერი თავდამსხმელები ჰყავს, რომელთა შორისაც ყველა ბომბარდირია.
თუმცა ჩვენ ძალიან კარგი ფეხბურთი ვაჩვენეთ, მნიშვნელოვანი როლი კავანიმაც ითამაშა. ჯერარდმა თავისი შესაძლებლობების მაქსიმუმი ვერ აჩვენა, რადგან ამის გაკეთების საშუალებას მას სწორედ ედინსონი არ აძლევდა. ვფიქრობ, ამ თამაშის მოგებაში დიდი როლი სწორედ ამ ფაქტორმა ითამაშა. გვიხარია, რომ გავიმარჯვეთ, რადგან ინგლისი ძლიერი მეტოქეა.
ორივე გოლი სუარესმა გაიტანა, რომელსაც ერთი თვის წინ ტრავმა ჰქონდა და ოპერაცია გადაიტანა. პლეიოფში ჯერ არ გავსულვართ, თუმცა, რასაკვირველია, ცოტა დავმშვიდდით“, – განაცხადა ურუგვაელთა თავკაცმა.
