ჭდე: რაგბი

ხვალ, 7 აპრილს ჰონგ-კონგში სტრატს იღებს 2014 წლის 20 წლამდელთა მსოფლიო ალაფის გათამაშება.

IRB მსოფლიო ალაფა 2014

ტურნირზე საქართველოს ნაკრები A ჯგუფში ტონგას, უძლიერესი 12 გუნდიდან შარშან გამოვარდნილი აშშ-სა და მასპინძელ ჰონგ-კონგთან ითამაშებს. B ჯგუფში იაპონია, კანადა, ურუგვაი და ნამიბია მოხვდნენ. შეგახსენებთ, რომ ჯგუფური ეტაპის დასრულების შემდეგ, პირველადგილოსნები ფინალში, ახალგაზრდული მსოფლიო ჩემპიონატის საგზურისთვის იბრძოლებენ, დანარჩენი გუნდები კი, მესამე, მეხუთე და მეშვიდე ადგილს გაითამაშებენ.

U20 ბორჯღალოსნები პირველ შეხვედრას ტურნირის გახნსის დღეს, 7 მარტს, ტონგას წინააღმდეგ გამართავენ. მატჩი თბილისის დროით 13:00 საათზე დაიწყება.

ტექსტური ლაივის ანაბარა

ორგანიზატორი მხარის და მასპინძელი რაგბის კავშირის მიერ მოწოდებული ინფორმაციის თანახმად, ტურნირის მატჩების ტრანსლირება არ განხორციელდება. ამის ნაცვლად მატჩების ტექსტური ლაივი იწარმოებს ტურნირის თვიტერზე:

twitter.com/IRBjuniors>>>

და ასევე საქართველოს რაგბის კავშირის თვითერზე და Facebook პლათფორმაზე:

twitter.com/GeorgianRugby>>>

Facebook.com/GeorgianRugbyUnion>>>

წინა-სამატჩო მზადება და ტრავმები

დავით ვართანიანის შეგირდები 1 აპრილს გამეგზავრნენ ჰონგ კონგში. გამგზავრებამდე 20 წლამდელებმა შეკრება შევარდენზე გაიარეს და ჯამში სამი მოსამზადებელი სპარინგი გამართეს. პირველ ორ შეხვედრაში, 20 წლამდელები უმაღლესი ლიგის კლუბ არმიას ეთამაშნენ, ხოლო ბოლო სპარინგში კი, უმცროსი ბორჯღალოსნები უმაღლესი ლიგის კლუბების ნაკრებს ერკინენ.

ლადო კილასონია, U20 ნაკრების მწვრთნელი: „მეოთხე დღეა რაც  ჰონგ კონგში ვართ. ნორმალურად მოვეწყვეთ, ჰავა ცხელი და ტენიანია. დღეში ერთი ვრჯიში გვქვს, საკმაოდ უხარისხო ხელოვნურ მოედანზე, ბოლო ორი დღეა რაც სათამაშო მოედანზე დაგვრთეს ვარჯიშის ნება. მინდა ავღნიშნო, რომ გუნდი კარგ ფორმაშია.“

მან ასევე დასძინა, რომ სამწუხაროდ რამოდენიმე მოთამაშეს ტრავმები აწუხებთ – „საქართველოში მიღებული მხრის მცირე დაზიანების გამო პირველ მატჩს გამოტოვებს ჩვენი მეორეხაზელი როლანდკვაჭაძე, თუმცა მისი რეაბილიტაცია კარგად მიმდინარეობს და მწვრთნელები ვიმედოვნებთ, რომ მეორე მატჩზე იგი შეძელბს თამაშს,  ტონგას წინააღმდეგ არ იქნება გიორგი აფციაური, რომელმაც 5 აპრილს, ვარჯიშზე ფეხის წინა მხრის კუნთი დაიზიანა. ასევე ფეხის მცირე ტრამვა აწუხებს მურაზ გიორგაძეს, თუმცა იგი ძირითად შემადგენლობაშია და იწყებს თამაშს.“

ბიჭები ტონგასთვის მზად არიან

 „დღეს დილას გვქონდა კაპიტნის ვარჯიში, რომელმაც კარგად ჩაიარა, ბიჭები მზად არიან ტონგასთან სათამაშოდ. ტონგელები ფიზიკურად დიდიბი და ინდივიდუალურად ნიჭიერი მორაგბეები არიან, მაგრამ ძალაკი პირიქით, გუნდურობაში და ფაზურ თამაშშია. დანარჩენს თვითონ მატჩი გვიჩვენებს.

 

U20 საქართველოს რაზმი – საქართველო V ტონგა 07/04/2014 >>>

შერკინება

1. ზაურ ხარებავა, 2. ბადრი ალხაზაშვილი, 3. გიორგი მარგველიანი, 4. ფარნავაზ გასვიანი, 5. ბესიკ ბარბაქაძე, 6. საბა შუბითიძე (კაპ), 7. ბადრი დანგაძე, 8. ვახტანგ ამირანაშვილი

ღერძი

9. რევაზ ბროძელი, 10. რევაზ ჯინჭველაშვილი

ხაზი

11. შალვა შაშიაშვილი, 12. გიორგი ტალახაძე, 13. გიორგი ფრუიძე, 14. მურაზ გიორგაძე, 15. დავით გულიტაშვილი

მარქაფა

16. გიორგი თორაძე, 17. ბექა კაკაბაძე, 18. დავით პაპავაძე, 19. ჟორა მღებრიშვილი, 20. თემურ თუთბერიძე, 21. გიორგი ბაბუნაშვილი, 22. დევი დევსურაშვილი.

Rugby.GE

სამწვრთნელო შტაბი – მთავარი მწვრთნელი დავით ჩავლეიშვილი, მწვრთნელი მამუკატყეშელაშვილი, მწვრთნელი ლევან შარაშიძე, ფიზ–მომზადების მწვრთნელი გიორგი ნადარეიშვილი,მენეჯერი პაატა მაისურაძე.

ამაღამ 6 აპრილს, საქართველოს 18 წლამდე ნაკრები პოლონეთში გაემგზავრება, სადაც FIRA AER-ის 2014 წლის ევროპის ჩემპიონატის ელიტურ დივიზიონის გათამაშებაში მიიღებენ მონაწილეობას. ელიტ-დივიზიონში მონაწილეობს 8 გუნდი, აქედან პირველი 6 ავტომატურად მონაწილეობს, ხოლო ბოლო ორი საკვალიფიკაციო ეტაპის გავლით ხვდება გათამაშებაში.

2012 და 2013 წლებში 18 წლამდე ბორჯღალოსნებმა ორჯერ დაამარხცეს იტალიის თანატოლთა ნაკრები, რითაც მე-6 ადგილი დაიმსახურეს, აქედან გამომდინარე, ტურნირის ორგანიზატორებმა შარშან გადაწყვიტეს ჩვენი გუნდის ელიტურ დივიზიონში საკვალიფიკაციო ეტაპის გარეშე დატოვება.

ელიტ დივიზიონი

წლევანდელი ერვოპის ჩემპიონატის ელიტური დივიზიონის მატჩები პოლონეთში, პოზნანში 11-19 აპრილს გაიმართება.

ტურნირის ორგანიზატორების თანახმად, მატჩების ტრანსლირება სტრიმინგის საშუალებით FIRA AER-ის Dailymotion გვერდზე იწარმოებს – Dailymotion.com/FIRA-AER

შარშანდელი გათამაშების მსგავსად, ტურნირის პირველ რაუნდში ქართველი 18 წლამდელები პირველ მატჩს ირლანდიასთან გამართავენ. მატჩი ოპალენიცას სტადიონზე, თბილისის დროით 16:00 საათზე დაიწყება. მეორე რაუნდი 15 აპრილს გაიმართება. პირველ რაუნდში მიღებული შედეგის მიხედვით, საქართველოს U18 ნაკრები საფრანგეთი-იტალიის წყვილიდან ერთ-ერთს შეხვდება. ტურნირის ფინალურ რაუნდში, რომელიც 19 აპრილს შედგება, ჩვენი ნაკრების მეტოქე ტურნირის მსვლელობისას გაირკვევა.

 

კომენტარი

დავით ჩავლეიშვილი, U18 ნაკრების მთავარი მწვრთნელი: „საფუძვლიანი მოსამზადებელი პერიოდი გავიარეთ. საბედნიეროდ, საბოლოო, სატურნირე შემადგენლობაში ტრავმებს ადგილი არ აქვს და ბიჭების ფიზიკური ფორმითაც კმაყოფილი ვარ.

„ჩვენ ტურნირამდე ორი შეკრება გავიარეთ. რამოდენიმე თვის წინ ორი სპარინგი ვითამაშეთ უკრაინელ 20 წლამდელებთან. ორივე შეხვედრა ძალზედ სასარგებლო იყო ჩემი გუნდისათვის, ვინაიდან ამ შემადგენლობამ ერთად პირველად მაშინ ითამაშა. უკანასკნელ შეკრებაზე უმნიშვნელოვანესი სპარინგები გავმართეთ კლერმონის 18 წლამდელებთან. ამ შეხვედრებით უფრო შეთამაშდა გუნდი და გამოიკვეთა ძლიერი თუ სუსტი მხარეები. დარჩენილი დრო ხარვეზების გამოსწორებას დავუთეთ.

„პირველი შეხვედრა ირლანდიის 18 წლამდელებთან გვაქვს. შარშანდელივით ირლანდია საკმაოდ ძლიერი გუნდია. ჩვენ ვეცდებით შერკინების და ხაზის დაბალანსებული თამაში დავუპირისპიროთ მათ. კლერმონის ტესტზე გამოჩნდა, რომ მოძრავი მოთამაშეები გვყავს მეორე და მესამე ხაზში, რომლებიც შესაბამისად დიდ პრობლემებს შეუქმნიან მოწინააღმდეგეს და უკანა ხაზს მნიშვნელოვნად დაეხმარებიან.“

Rugby.GE

საქართველომ რაგბის მსოფლიო თასის საკვალიფიკაციო ეტაპის დასრულებისას ევროპა 1-ის ტიტული რუმინეთის ეროვნულ ნაკრებზე შთამბეჭდავი, ანგარიშით 29:9 გამარჯვებით მოიპოვა 15 მარტს. იმ დღეს გადავსებულ მიხეილ მესხზე, დაახლოებით 30,000 ქომაგი გახდა იმის მოწმე თუ, როგორ მოიპოვა საქართველოს ნაკრებმა მსოფლიო თასზე C ჯგუფში ასპარეზობის უფლება, სადაც ის კარდიფის მილენიუმის სტადიონზე მსოფლიო ჩემპიონს დაუპირისპირდება.

2015 წლის მსოფლიო თასის მატჩების განრიგი საბოლოო ფორმას იძენს – C ჯგუფში ევროპას, საქართველოს სახით მხოლოდ ერთი წარმომადგენელი ეყოლება, რომელიც ახალი ზელანდიის, არგენტინის, ტონგას და აფრიკის საკვალიფიკაციო რაუნდის გამარჯვებულ (გუნდის ვინაობა ივლისში გარკვევა) ნაკრებებს დაუპირისპირდება. C ჯგუფში ამ დროისათვის მყოფ გუნდთაგან, მსოფლიო თასებზე მხოლოდ პუმებს უთამაშიათ საქართველოსთან.

საქართველოს ნაკრები თავის პირველ ორ შეხვედრას გლოსთერში, კინგსჰოლმ სთედიუმზე გამართავს, რის შემდეგაც, ბორჯღალოსნები მდინარე სევერნს გადალახავენ და კარდიფისკენ დაიძრებიან. ჯგუფური ეტაპის უკანასკნელ მატჩს, საქართველოს ნაკრები ექსეტერში, სენდი ფარქ სთედიუმი ითამაშებს.

ჯერ ტონგა

ბორჯღალოსნები პირველ შეხვედრაში კინგსჰოლმ სთედიუმზე ტონგას შეხვდებიან. გუნდები ერთმანეთს აქამდე ორჯერ, შინ და გარეთ ეთამაშნენ – 1999 წლის მსოფლიო თასის რეპეეშარჟის დროს.

საქართველომ და ტონგამ საშინაოდ შეხვედრები მოიგეს, მაგრამ ტონგელებს ურთიერთშეხვედრაში მეტი ქულა ჰქონდათ დაგროვებული და შესაბამისად ისინი გავიდნენ მსოფლიო თასზე. C ჯგუფის საგაისო გახსნითი მატჩი საკმაოდ დაძაბული იქნება, ვინაიდან ორი დაბალანსებული გუნდი გამარჯვებით ეცდება მსოფლიო თასის კამპანიის დაწყებას.

ტესტი პუმებთან

შემდეგ შეხვედრაში ბორჯღალოსნები პუმებს ერკინებიან. აქ ძალზედ დაძაბული მატჩი უნდა ვიწინასწარმეტყველოთ, ვინაიდან რაგბის სამყაროს ორი ყველაზე უხერხული და ძლიერი შერკინება დაუპირისპირდება ერთმანეთს. საქართველო მსოფლიო თასებზე ორჯერ შეხვდა არგენტინას და ორივეჯერ დამარცხდა.

2013 წელს, ივნისის ტესტების ფარგლებში არგენტინამ საქართველოს სან ხუანში უმასპინძლა. დაუვიწყარი სასტარტო 40 წუთის შემდეგ, საქართველო 12:9-ს უგებმა მასპინძლებს, მაგრამ არასათანადო სათამაშო დისციპლინის გამო, სტუმრები დაისაჯნენ და საბოლოოდ 29-18 დათმეს შეხვედრა. მაგრამ ბორჯღალოსნებმა ამ თამაშით ხაზი გაუსვეს იმას, რომ მათ საუკეთესოებთან ტოლ-სწორად შეუძლიათ თამაში.

თუ საქართველოს ნაკრები გახსნით შეხვედრაში დაამარცხებს ტონგას, არაა გამორიცხული ბორჯღალოსნები არგენტინასთან მოსაგებად გავიდნენ და პირველად ისტორიაში მეოთხედფინალს მიუახლოვდნენ.

გასაოცარი ოლ ბლექსი

შემდეგ, საქართველოს ნაკრები დასავლეთის მიმართულებით, კარდიფისკენ გაეშურება, რათა ძლევამოსილ ოლ ბლექსს დაუპირისპირდეს, რაც ბორჯღალოსნებისათვის ალბათ ყველაზე დასამახსოვრებელი 80 წუთი იქნება. გუნდები ერთმანეთს არასდროს შეხვედრიან და შესაბამისად ეს მატჩი აღმოსავლეთ ევროპელ გოლიათებს, შეუფასებელ შანს მისცემს თავიანთი თავი საუკეთესოებთან გამოსცადონ.

აფრიკის საუკეთესო

ოლ ბლექსის შემდეგ, საქართველოს ნაკრები ინგლისის საზღვარს კვლავ გადმოკვეთს და გეზს ექსეთერისკენ აიღებს, სადაც სენდი ფარქ სთედიუმზე აფრიკა 1-ს შეხვდება. C ჯგუფში ბოლჯღალოსნების ბოლო მეტოკე ერთი-ერთი ამ ნაკრებთაგანი იქნება: კენია, ნამიბია, ზიმბაბვე და მაგადასკარი. საქართველოს ეროვნული ნაკრები ნამიბიას 2007 წლის მსოფლიო თასზე შეხვდა და ანგარიშით 30-0 მათ დააფიქსირეს მსოფლიო თასზე პირველი გამარჯვება.

ანგარიშგასაწევი მოთამაშეები

კონსტანტინე მიქაუტაძე
22 წლის მეორე ხაზელი, რომლის სამაგალითო გარჯა ეროვნულ ნაკრებში არა მხოლოდ 2014 წლის ევროპის ერთა თასზე დაფიქსირებულა. ამ ტულონში მოთამაშე გოლიათს წინ დიდი კარიერა აქვს.

მამუკა გორგოძე
„გორგოძილა“, როგორც მას თავის კლუბ მონპელიეში გუნდელები და ქომაგები ეძახიან, საუკეთესო ფორმაშია და რუმინეთის წინააღმდეგ გამართულ მატჩში შერკინების უმწიკლო მეთაურობის გამო მატჩის საუკეთესო მოთამაშის ტიტული დაიმსახურა.

მერაბ კვირიკაშვილი
საქართველოს ყველა დროის საუკეთესო მექულე და წინა სამი მსოფლიო თასის ვეტერანი. კვირიკაშვილმა თავის თავი ფულბეკის პოზიციაზე 2007 წლის მსოფლიო თასის შემდეგ აღმოაჩინა და მას შემდეგ, ბორჯღალოსნებისთვის არა ერთი სიკეთე მოუტანია.

ქართული რაგბის სტატისტიკა

1989 წელი – საქართველოს ნაკრებმა პირველი საერთაშორისო მატჩი გამართა

2003 წელი  – ბორჯღალოსნებმა პირველად იასპარეზეს მსოფლიო თასზე

98 ქულა – საქართველოს ნაკრების სარეკორდო მონაგარი ერთ მატჩში (2007 წელს ჩეხეთის წინააღმდეგ)

4 ქულა – სხვაობა რითაც საქართველოს ნაკრები 2007 წლის მსოფლიო თასზე დამარცხდა ირლანდიის ნაკრებთან

54,827 – იმ ქომაგთა ოდენობა, რომლებიც დინამო არენაზე დაესწრნენ საქართველო-რუსეთის მატჩს. რუსეთის დამარცხებით, ბორჯღალოსნებმა 2015 წლის მსოფლიო თასის საგზური მოიპოვეს

16 – საქართველოს ამჟამინდელი ადგილი IRB-ს მსოფლიო რეიტინგში

Rugby.GE

საქართველოს რაგბის კავშირის განვითარების ჯგუფი გაცნობებთ, რომ ამ უქმეებზე, 5 და 6 აპრილს, ახლდება საბავშვო რაგბის ფესტივალების 2014 წლის სერია, რომელშიც რაგბის კლუბების 6-14 წლის მორაგბეთა გუნდები მიიღებენ მონაწილეობას. საბავშვო რაგბის ფესტივალები ჩატარდება ყოველ უქმეებზე შევარდენის სანაკრებო ბაზაზე და ავჭალის სარაგბო მოედანზე.

6 და 5 აპრილს ფესტივალი გაიმართება შევარდენის სანაკრებო ბაზაზე გაიმართება, რომელშიც მონაწილეობას მიიღებენ 2000-2007 წლებში დაბადებული საფესტივალო ასაკის მორაგბეები.

ფესტივალის განრიგისა და მონაწილე გუნდების შესახებ ინფორმაციის მისაღებათ გთხოვთ ესტუმროთ ბმულს – ფესტივალის განრიგი

Rugby.GE

ე, მენეჯერი ოთარ იაშვილი.

 

ჰონგ-კონგი

ხვალ, 1 აპრილს, საქართველოს 20 წლამდე მორაგბეთა ნაკრები ჰონგ-კონგში გაემგზავრება, სადაც IRB 20 წლამდელთა მსოფლიო ალაფაზე მიიღებს მონწილეობას. ტურნირი 7-19 აპრილის ჩათვლით ჰონგ-კონგის საფეხბურთო კლუბის (Hong-Kong Football Club) სტადიონზე გაიმართება.

20 წლამდელებმა ამ ტურნირზე მონაწილეობის უფლება შარშან, პორტუგალიაში FIRA AER-ის 19 წლამდელთა ევროპის ჩემპიონატში გამარჯვებით მოიპოვეს, როდესაც ტურნირის ფინალში ბელგიელ თანატოლთა ნაკრები დაამარცხეს.

20 წლამდელებმა შეკრება შევარდენის სანაკრებო ბაზაზე გაიარეს. მომზადების პერიოდში მათ ორი მატჩი გამართეს უმაღლესი ლიგის კლუბ ‘არმიასთან’ და სპარინგი გამართეს უმაღლესი ლიგის კლუბების ნაკრებთან.

მსოფლიო ალაფა

2014 წლის ალაფაზე გუნდები A და B ჯგუფებად არიან დაყოფილნი. საქართველოს ნაკრები A ჯგუფშია განთესილი, სადაც მათ აშშ-ს, ტონგას და მასპინძელი ჰონგ-კონგის ნაკრებების წინააღმდეგ იასპარეზებს.

აღნიშნულ ტურნირში გამარჯვების შემთხვევაში 20 წლამდელები გაისად IRB ახალგაზრდულ მსოფლიო თასზე მონაწილეობის უფლებას მიიღებენ.

კომენტარი

დავით ვართანიანი, U20 ნაკრების მთავარი მწვრთნელი: „დავასრულეთ შეკრება და მივემგზავრებით მსოფლიო ალაფაზე. ჩვენ გეგმას ამ ტურნირში გამარჯვების მოპოვება წარმოადგენს. მოსამზადებელმა პერიოდმა კარგად ჩაიარა, სერიოზული ტრავმები არ გვაქვს. ბიჭები კარგად არიან მომზადებულები და კარგ ფორმაში იმყოფებიან.

„ჩვენს ქვე-ჯგუფში ყველა მოწინააღმდეგესთან შეხვედრას ინდივიდუალურად მივუდგებით. მათზე მეტ-ნაკლებად ვფლობთ ინფორმაციას. პირველივე თამაში ტონგასთან გვაქვს, რომელიც საკმაოდ ძლიერი მეტოქეა. ჩვენ გავიარეთ თამაშების ვიდეო ანალიზი და უკვე შეგვექმნა წარმოდგენა, იმაზე თუ როგორ თამაშობს ტონგა და ის თუ რა უნდა დავუპირისპიროთ მათ. შესაბამისად მოვემზადეთ აშშ-სა და ჰონგ-კონგის ნაკრებებთან სათამაშოთ.

„ახლანდელი 20 წლამდელები, ყოველთვის, 18 და 19 წლამდელობის დროსაც, გამოირჩევიან ხელ და ხელ კარგი თამაშითა და შერკინებისა და ხაზის კარგი შეთამაშებით. აქედან გამომდინარე, თამაშის ეს ახლებული სტილი შენარჩუნდება ამ ტურნირზეც. მინდა ხაზგასმინთ ავღნიშნო, რომ ბიჭებმა ბევრი იმუშავეს საკუთარ თავზე, რათა გამოასწორებინათ  ყველა ის ხარვეზი, რომელმაც შეკრების დროს იჩინა თავი.“

A ჯგუფის მატჩების განრიგი

მოეცემულია საქართველოს დროით:

ჯგუფური ეტაპი

7 აპრილი,  13:00 საათი, ტონგა – საქართველო;

11 აპრილი, 11:00 საათი, აშშ – საქართველო;

15 აპრილი, 09:00 საათი, საქართველო – ჰონგ–კონგი;

ფინალები

19 აპრილი, 09:00 საათი, A ჯგუფის IV – B ჯგუფის IV; 11:00 საათი, A ჯგუფის III – B ჯგუფის III; 13:00 საათი, A ჯგუფის II – B ჯგუფის II; 15:00 საათი, ფინალი: A ჯგუფის I – B ჯგუფის I

Rugby.GE

ქართველი მორაგბეების სახელით, გვსურს მადლობა გადავუხადოთ კომპანია “გალფის” და “პეტროკას ენერჯის” მთავარ აქციონერს, ბატონ დავით იაკობაშვილს, რომელმაც, ქართული სპორტის პოპულარიზაციისათვის და საერთაშორისო სარბიელზე მიღწეული განსაკუთრებული შედეგებისთვის, მატერიალური წახალისების მიზნით, ორჯერ – 2014 წლის საქართველო-რუსეთისა და საქართველო-რუმინეთის მატჩების დროს (შესაბამისად, 2014 წლის 22 თებერვალი და 15 მარტი) – დააჯილდოვა საქართველოს მორაგბეთა ეროვნული ნაკრები 20.000 ლარის ოდენობის ფულადი პრიზით.

Rugby.GE