“კალიარის” ნახევარმცველი რაჯი ნაინგოლანი “რომაში” გადაბარგებასთან ძალიან ახლოსაა. მხარეებმა უკვე მიაღწიეს წინასწარ შეთანხმებას.
ბელგიელი ნახევარმცველი რომაელებს 9 მილიონი ევრო დაუჯდებათ, ხოლო მისი ყოველწლიური შემოსავალი 1.5 მილიონი იქნება.
აღსანიშნავია ისიც, რომ ახალგაზრდა ფეხბურთელის მიმართ წლეულს ინტერესი თითქმის ყველა იტალიურმა გრანდმა გამოთქვა.
„კალიარის“ პრეზიდენტი მასიმო ჩელინო გუნდის წამყვან მოთამაშეებთან ახალი კონტრაქტების გაფორმებას იწყებს.
დღეს, მან 2016 წლის ივნისამდე ნახევარმცველთან რაჯა ნაინგოლანთან გააფორმა შეთანხმება.
25 წლის ბელგიელმა მიმდინარე სეზონში ექვსი მატჩი ჩაატარა, რომლებშიც ორი გოლის გატანა მოახერხა. ნაინგოლანი სარდინიული კლუბის რიგებს 2010 წელს შეურთდა, როდესაც „პიაჩენცა“ დატოვა.
ცნობისთვის, ბოლო დროს ნაინგოლანის „კალიარიდან“ წასვლის თაობაზე იტალიური პრესა ხშირად წერდა. არაოფიციალური ინფორმაციით, მისი შეძენის სურვილი ტურინის „იუვენტუსის“ ხელმძღვანელებს ჰქონდათ.
