მადრიდის „რეალის“ თავდამსხმელმა კრიშტიანუ რონალდუმ „ატლეტიკოსთან“ ჩემპიონთა ლიგის მოახლოებულ ფინალურ მატჩზე საუბრისას „ბარსელონას“ მცველის ხერარდ პიკეს შესახებაც ისაუბრა.
„კრიშტიანუ „ბარსელონას ტიტულის მოგების დროსაც უნდა ახსოვდეს. გასაკვირია, რომ ამის შესახებ არც კარგი და არც ცუდი კუთხით ვისაუბრე, თუმცა პიკესთან პირადი პრობლემა არ მაქვს“, – ციტირებს რონალდუს ესპანური AS-ი.
მადრიდის „რეალის“ თავდამსხმელმა კრიშტიანუ რონალდუმ „მანჩესტერ იუნაიტედში“ უახლოეს დროში მთავარი მწვრთნელის პოსტზე ჟოზე მოურინიოს დანიშვნის შესახებ ისაუბრა.
„ვფიქრობ, ეს კარგი ნაბიჯია. კარგია, თუ „იუნაიტედს“ ეს უნდოდა. იმედია, „მანჩესტერ იუნაიტედი“ ძველ დონეზე დაბრუნდება, რადგან ეს შთამბეჭდავი კლუბია, რომელსაც ბოლო წლებში ერთანობა აკლდა.
ასეთი „იუანიტედის“ ხილვა მტკივა, რადგან ის ჩემს გულში განსაკუთრებულ ადგილს იკავებს. ვისურვებ, რომ მოურინიომ „მანჩესტერ იუნაიტედი“ მწვერვალზე დააბრუნოს“, – ციტირებს პორტუგალიელს Goal.com.
„რეალის“ ყოფილმა მთავარმა მწვრთნელმა ჟოზე მოურინიომ მცველ ალვარო არბელოას სეზონის დასრულების შემდეგ მადრიდული კლუბიდან წასვლის შესახებ ისაუბრა. პორტუგალიელმა სპეციალისტმა აღნიშნა, რომ არბელოასთან მუშაობის პერიოდში ეს ფეხბურთელი მის მეგობრად ჩამოყალიბდა.
„ალვარო ჩემი მეგობარია. ჩემთვის ის უბრალო მოთმამაშე არ არის. რატომ ხდება ფეხბურთელი მეგობრად? თუ პროფესიის, კლუბისა და თანაგუნდელების მიმართ სიყვარულს ავლენ, მაშინ უბრალო მოთამაშედ ვერ დარჩები.
„რეალის“ ისტორიაში ბევრი დიდებული ფეხბურთელია. არბელოას ასეთად მოხსენიება ძნელია, მაგრამ ის მათ შორისაა, ვინც გულშემატკივრებისთვის, მწვრთნელებისთვის და მეგობრებისთვის ყველაფერი გააკეთა.
არბელოას მხოლოდ მადლობას ვუხდი. ჩემი 16-წლიანი სამწვრთნელო კარიერის ისტორიაში ის ჩემთვის ყველაზე მნიშვნელოვან ფეხბურთელებს შორისაა. ალვარო კარგი ადამიანია“, – ციტირებს მოურინიოს ესპანური „მარკა“.
მადრიდის “რეალის” ორი მთავარი ფეხბურთელი, კეილორ ნავასი და გარეთ ბეილი გუნდის დახმარებას უახლოეს მომავალში ტრავმის გამო ვერ შეძლებს.
ბეილს მუხლთან მდებარე კუნთი აქვს დაჭიმული, ნავასმა კი “მანჩესტერ სიტისთან” მატჩში კოჭი დაიზიანა. თუმცა, ჯერჯერობიტ უცნობია, თუ რამდენ ხანს გაატარებენ ისინი ლაზარეთში.
როგორც იცით, უელსელი ფორვარდი ბოლო დროს მართლაც შესანიშნავ ფორმაში იმყოფებოდა. ბეილმა საშინაო ჩემპიონატში “რაიოსა” და “რეალ სოსიედადის” წინააღმდეგ გამართულ მატჩებში მოახერხა გაბრწყინება, მანამ სანამ ჩემპიონთა ლიგის ნახევარფინალში გადამწყვეტ გოლს გაიტანდა.
კეილორ ნავასი კი ბრწყინვალე სეზონს ატარებს. მიმდინარე სეზონში მან 43 მატჩიდან 21-ში მოახერხა კარის მშრალად შენახვა.
ესპანური გრანდი მომდევნო მატჩებს “ვალენსიასა” და “დეპორტივოს” წინააღმდეგ გამართავს, რის შემდეგაც მთლიანად ჩემპიონთა ლიგაზე გადაერთვება.
„ბარსელონას“ ექს-ნახევარმცველის ჩავის აზრით მადრიდის „რეალის“ მის ყოფილ გუნდთან ბოლო მოგებული მატჩი (1:2) შთამბეჭდავი არ იყო.
„კამპ ნოუზე“ „რეალი“ როგორც პატარა გუნდი თამაშობდა. „რეალსა“ და „ბარსელონას“ „ატლეტიკოს“ სტილში თამაშის უფლება არ აქვს. ორივეს თავისი სტილი უნდა ჰქონდეს. სიმეონემ თავისი გუნდის თამაში კარგად ააწყო, მან მეტოქის ძლიერი მხარეების გადაკეტვა იცის, თუმცა არ მომწონს, როდესსაც გუნდები თავის კართან ავტობუსს აყენებენ“, – ციტირებს ჩავის Goal.com.
მადრიდის „რეალის“ თავდამსხმელი კრიშტიანუ რონალდუ ბევრს მუშაობს, რათა „მანჩესტერ სიტისთან“ 1/2 ფინალის განმეორებით მატჩისთვის მზად იყოს.
როგორც „მარკა“ უწყება, ფეხბურთელმა გრძელ დისტანციაზე სირბილი დაიწყო და უახლოეს მომავალს ოპტიმიზმით უყურებს. გარდა ამისა, მისი ტრავმა მოსალოდნელზე ნაკლებად მძიმე აღმოჩნდა. აქედან გამომდინარე, პორტუგალიელის საერთო ჯგუფში ორშაბათს დაბრუნება არ გამოირიცხება.
მადრიდის „რეალის“ თავდამსხმელმა ქარიმ ბენზემამ დაზიანებასთან დაკავშირებით სამედიცინო შემოწმება გაიარა, იუწყება „სამეფო კლუბის“ ოფიციალური ვებსაიტი. სამედიცინო შემოწმებამ აჩვენა, რომ ფეხბურთელს ბარძაყის კუნთების ტრავმა აქვს.
ამჟამად ჯერჯერობით უცნობია, მოახერხებს თუ არა ის „მანჩესტერ სიტისთან“ ჩემპიონთა ლიგის ნახევარფინალის განმეორებით შეხვერაში თამაშს. “სიტისთან“ ჩემპიონთა ლიგის ირველი მატჩის მეორე ტაიმის დასაწყისში ზინედინ ზიდანმა ბენზემას ნაცვლად მოედანზე ხესე გამოიყვანა.
“მანჩესტერ სიტისა” და მადრიდის “რეალს” შორის გამართულ დაპირისპირებას “ევერტონის” ფეხბურთელი, ჯონ სტოუნზიც დაესწრო, რომელსაც კარგა ხანია, რაც მანჩესტერულ გრანდში გადასვლას უწინასწარმეტყველებენ.
როგორც იცით, ზაფხულში “ეტიჰად სტედიუმზე” პეპ გვარდიოლა დაბანაკდება, რომლისთვისაც 21 წლის მცველი ერთ-ერთი მთავარი სამიზნე გახლავთ.
მანჩესტერული კლუბის გარდა ჯონ სტოუნზის გადაბირებით ლონდონის “ჩელსიც” ინტერესდება, მეტიც ისინი საკმაოდ ახლოს იყვნენ ინგლისელის გადაბირებასთან, თუმცა მცირე შეფერხებამ ეს ტრანსფერი მთლიანად ჩაშალა.
უეფას ჩემპიონთა ლიგის ნახევარფინალურ ეტაპზე “მანჩესტერ სიტისა” და მადრიდის “რეალს” შორის “ეტიჰადზე” გამართული პირველი მატჩი უგოლოდ დასრულდა.
შეხვედრის პირველი ტაიმი სახიფათო მომენტების გარეშე მიილია. შესვენების შემდეგ “სიტი” უპირატესობას დაეუფლა და რამდენიმე ეპიზოდიც შექმნა. ბოლო ოც წუთში ინიციატივა ხელთ მადრიდელებმა იგდეს, თუმცა ჯო ჰარტმა ორჯერ გადაარჩინა გუნდი, ხესემ კი ერთ-ერთ ეპიზოდში ბურთი ხარიხას მოარტყა.
წყვილის განმეორებითი მატჩი მადრიდში, 4 მაისს შედგება.
ჩემპიონთა ლიგა
ნახევარფინალი (პირველი მატჩი)
“მანჩესტერ სიტი” — “რეალი” 0:0 (0:0)
“მანჩესტერ სიტი”: ჰარტი, სანია, ოტამენდი, კომპანი, კლიში, ფერნანდო, ფერნანდინიო, ხესუს ნავასი (სტერლინგი 77′), დავიდ სილვა (იჰენაჩო 40′), დე ბრუინი, აგუერო.
მთავარი მწვრთნელი: მანუელ პელეგრინი.
“რეალი”: ნავასი, კარვახალი, პეპე, რამოსი, მარსელო, კაზემირო, კროოსი (ისკო 90′), მოდრიჩი, ბეილი, ლუკას ვასკესი, ბენზემა (ხესე 46′).
მთავარი მწვრთნელი: ზინედინ ზიდანი.
გაფრთხილებები: დავიდ სილვა 37′ — პეპე 24′, კარვახალი 90+2′.
მთავარი მსაჯი: ჯიუნეთ ჩაქირი (თურქეთი).
მადრიდის „რეალის“ მთავარმა მწვრთნელმა ზინედინ ზიდანმა „მანჩესტერ სიტისთან“ ჩემპიონთა ლიგის ნახევარფინალის პირველ მოახლოებულ მატჩზე ისაუბრა.
„ახლა მიმდინარე სეზონში ჩვენთვის საუკეთესო ფორმაში ვართ. ყველაფერი კარგადაა, კმაყოფილი და კონცენტრირებული ვარ. ასეთი ტურნირის ნახევარფინალში გასვლა ყოველთვის სასიამოვნოა. ყველა მხვრივ მზად უნდა ვიყოთ, თუმცა რეალობა მოლოდინისგან განსხვავდება. 150 პროცენტით გარჯა მნიშვნელოვანია. არ ვიცი, პირველ მატჩში ფრე კარგი შედეგი იქნება თუ არა. გოლის გაშვება არ შეიძლება.
„ვოლფსბურგთან“ ისტორიის განმეორება არ გვსურს. გვესმიუს, რომ წნეხის ქვეშ ვიქნებით, რადგან თავის კარგად დაცვა გვმართევს. „სიტი“ ჩინებული გუნდია, რომელიც თავისუფალი სივრცის მიცემისთვის დაგსჯის. გარანტიას ვიძლევით, თავისუფალ სივრცეს არ დავტოვებთ. წინ ნამდვილი შოუ გველის.
ტურნირის მოგების შანსი არსებობს. 2014 წელს გასახდელში მსგავსი ატმოსფერო იყო. ყველაფრისთვის მზად ვართ“, – ციტირებს ზიდანს „Le Quipe“.
მადრიდის “რეალის” გულშემატკივართა სასიხარულოდ, გარეთ ბეილის რეაბილიტაციის პროცესი წარმატებით მიმდინარეობს. უელსელმა შემტევმა ხუთშაბათს გუნდთან ერთად ივარჯიშა.
შეგახსენებთ, რომ ბეილს მუხლის მცირე ტრავმა ჰქონდა, რის გამოც “ვილიარეალთან” მატჩში “რეალის” დახმარება ვერ შესძლო, რომელიც მადრიდელთა გამარჯვებით, 3-0 დასრულდა.
✅????@GarethBale11 returned to training this morning!#RMCity pic.twitter.com/BqLPWzqp0v
— Real Madrid C.F. (@realmadriden) April 21, 2016
ზინედინ ზიდანის გუნდის მომდევნო მატჩი 23 აპრილს, “რაიო ვალენკანოს” წინააღმდეგ არის დაგეგმილი, რის შემდეგაც “ბლანკოსი” ჩემპიონთა ლიგის პირველ ნახევარფინალურ მატჩს ჩაატარებს.
მადრიდის “რეალის” ესპანელი ნახევარმცველის, ისკო ალარკონის აგენტმა და ამავდროულად მამამ, აღიარა, რომ მისი შვილის მიმართ ინტერესს ტურინის “იუვენტუსი” იჩენს, თუმცა აღნიშნა, რომ მისი შვილი ჯერჯერობით წასვლას არ აპირებს.
“ისკოს “იუვენტუსი” მოსწონს, მაგრამ მას “რეალში” დარჩენა სურს. ტურინელები მისი გადაბირებით დაინტერესებულები არიან, კარგა ხანი აკვირდებოდნენ მას, თუმცა ოფიციალური შეთავაზება ჯერ არ გაუკეთებიათ.
ჩემი ვაჟი ამჟამად მხოლოდ სეზონის დასრულებაზე და “რეალზე” ფიქრობს, სადაც მას დარჩენა და ადგილისთვის ბრძოლა სურს. ის უკვე იცავს მსოფლიოს ერთ-ერთი საუკეთესო კლუბის ღირსებას.” – განაცხადა ალარკონმა.
