მიუნხენის “ბაიერნის” ნახევარმცველი, არიენ რობენი მსოფლიო პრესაში გავრცელებულ ინფორმაციებს გამოეხმაურა და აღნიშნა, რომ ლონდონის “არსენალთან” შეხვედრაში, მას ბაქარი სანიასთვის არ დაუფურთხებია.
შეგახსენებთ, რომ 19 თებერვალს, ჩემპიონთა ლიგის მერვედფინალური ეტაპის პირველ შეხვედრაში, “არსენალმა” “ბაიერნი” საკუთარ მოედანზე მიიღო და მეტოქესთან ანგარიშით 0:2 დამარცხდა.
“სამწუხაროდ, თავზე თმა არ მაქვს, ამიტომ ოფლის წვეთი ჩამოვარდა. სიმართლე გითხრათ, ჩემი ცხოვრების მანძილზე, არასოდეს გადამიფურთხებია. ეს რომ ფურთხი იყოს, 10-მატჩიანი დისკვალიფიკაცია უნდა მომცენ. მეტოქის მიმართ ასეთი უპატივცემულობა არასოდეს გამომიჩენია”, – ამბობს რობენი.
