16 ნოემბერს, ჰოლანდიისა და იაპონიის ეროვნული ნაკრებები ერთმანეთს ამხანაგურ შეხვედრაში დაუპირისპირდნენ. მატჩი ფრედ, 2:2 დასრულდა. 39-ე წუთზე კი, ჰოლანდიელთა ფეხბურთელმა, არიენ რობენმა შესანიშნავი გოლი გაიტანა.
ჭდე: რობენი
რობენი: “გვარდიოლას “ბაიერნი” არ შეუცვლია”
მიუნხენის “ბაიერნის” ჰოლანდიელი ფეხბურთელი, არიენ რობენი აცხადებს, რომ ხოსეპ გვარდიოლას ბავარიული გუნდის თამაშის სტილი არ შეუცვლია.
შეგახსენებთ, რომ ესპანელი სპეციალისტი მიუნხენელებს სათავეში 2013 წლის ზაფხულში ჩაუდგა.
“რა თქმა უნდა, გვარდიოლა ჰაინკესისგან განსხვავდება, მაგრამ მას ჩვენი სათამაშო სტილი სულაც არ შეუცვლია. ვფიქრობ, ძლიერი გუნდი გვყავს და წინა სეზონის მსგავსად, ყველა ტიტულის მოგება შეგვიძლია”, – ამბობს რობენი.
დიტო ჭიჭინაძე
რატომ არ დაარტყა რობენმა პენალტი “ვიქტორიასთან” მატჩში…
23 ოქტომბერს, ჩემპიონთა ლიგის გათამაშებაში, მიუნხენის “ბაიერნმა” საკუთარ მოედანზე ჩეხური “ვიქტორია” მიიღო და მეტოქე გამანადგურებელი ანგარიშით, 5:0 დაამარცხა.
აღნიშნულ შეხვედრაში მომხდარმა ინციდენტმა პრესის ყურადღება მიიპყრო. საქმე იმაში გახლავთ, რომ მიუნხენელთა ჰოლანდიელმა მოთამაშემ, არიენ რობენმა 25-ე წუთზე, თერთმეტმეტრიანის შესრულებაზე უარი განაცხადა.
მატჩის შემდეგ, ამ თემასთან დაკავშირებით კომენტარი, არიენ რობენმა, ფრანკ რიბერიმ და პეპ გვარდიოლამ გააკეთეს.
“ფეხბურთელებს გვსურდა, რომ პენალტი რობენს შეესრულებინა, მაგრამ ის შაბათს მომხდარის გამო, კვლავაც გაბრაზებული იყო”, – ამბობს რიბერი.
“რობენი დიდი პროფესიონალია. ნამდვილად არ ვიცი, რატომ არ შეასრულა მან პენალტი”, – აღნიშნა გვარდიოლამ.
“ამ თემაზე საუბარი არ მსურს, ყველაფერი გარკვეულია”, – აცხადებს თავად რობენი.
როგორც გაირკვა, შაბათს, “მაინცთან” გამართულ შეხვედრაში, გვარდიოლამ რობენს პენალტის დარტყმის უფლება არ მისცა და ჰოლანდიელიც სწორედ ამან გააბრაზა.
რობენი: “ბაიერნი” მეორე “ბარსელონა” არაა”
მიუნხენის “ბაიერნის” ჰოლანდიელი ფეხბურთელი, არიენ რობენი აცხადებს, რომ ბავარიული გუნდი მეორე “ბარსელონა” არაა.
შეგახსენებთ, რომ 2013 წლიდან, “ბაიერნს” სათავეში პეპ გვარდიოლა ჩაუდგა, რომელიც რამდენიმე წლის განმავლობაში კატალონიის “ბარსელონას” წვრთნიდა.
“ბაიერნი” მეორე “ბარსელონა” არაა. ბუნებრივია, რომ ამ ორ გუნდს ერთმანეთს ადარებენ, მაგრამ ჩვენ ჩვენი სტილი გვაქვს. ჩვენთან ჩავი და მესი არ თამაშობენ, მაგრამ გვყავს დიდებული ფეხბურთელები”, – ამბობს რობენი.