ჭდე: რომა

მაქსიმ გონალონმა, რომელიც ახლახან შეუერთდა “რომას”, “ლესტერ სიტის” ალჟირელ ნახევარმცველს მიმართა, რომელიც ძალიან ახლოსაა “მგლების” ბანაკში გადასვლასთან.

“მარეზს ყველა ძალიან კარგად იცნობს და ვიცით, რომ მატჩის ბედის გადაწყვეტა შეუძლია. მას განსაკუთრებული გასაღები აქვს, რაც ყველანაირი დაცვის კარს აღებს.

ის მოედანზე ძალიან ბევრ რამეს აკეთებს, თანაგუნდელებსაც ეხმარება და მოტივაციას უმაღლებს.

მარეზს “რომასთან” ერთად წარმატებების მიღწევა და ბევრი კარგი რაღაცის შექმნა შეუძლია. ახლა ის “ლესტერის” ფეხბურთელია და სამწუხაროდ, მეტს ვერაფერს ვიტყვი,” – აცხადებს “ლიონის” ყოფილი მოთამაშე.

გუნდიდან მუჰამედ სალაჰის გაშვების შემდეგ, “რომას” ხელმძღვანელებმა “ლესტერ სიტის” ალჟირელი ნახევარმცველის, რიად მარეზის ტრანსფერზე დაიწყეს მუშაობა.

როგორც იცით, “მელიების” ერთ-ერთმა ლიდერმა, რომელმაც საჩემპიონო სეზონში 17 გოლის გატანა მოახერხა, ინგლისური კლუბის ხელმძღვანელებს ტრანსფერზე დაყენება მოსთხოვა – უარზე არც “ლესტერია”.

აქამდე რიად მარეზის გადაბირების სურვილს “არსენალიც” აქტიურად გამოთქვამდა, მაგრამ ამ დროისთვის მისი ყიდვის რეალური კანდიდატი მხოლოდ “რომაა”.

დიდი ალბათობით, ტრანსფერი ფასის შეთანხმებიდან რამდენიმე დღეში გაოფიციალურდება.