ლონდონის “ჩელსის” მთავარი მწვრთნელი, ანტონიო კონტე ფრანჩესკო ტოტის გადაწყვეტილებას გამოეხმაურა, რომლის კარიერაც ბოლო დღეებს ითვლის.
“ფრანჩესკო ტოტი ფანტასტიკური ფეხბურთელია და ვიცი, რომ კარიერის გაგრძელება უნდოდა.
როდესაც კარიერა დასასრულს უახლოვდება, შენივე სხეული და გონება განიშნებს, თუ როდის არის შესაფერისი მომენტი წასასვლელად.
ჩემი რჩევა იქნება, რომ ყველაფერი ისე გააკეთოს, როგორც საჭიროდ მიიჩნევს. თუ მისი მონდომებისა და ენთუზიაზმის დონე არ შეცვლილა, მან ფეხბურთის თამაში უნდა გააგრძელოს.
ის ერთ-ერთი საუკეთესო ფეხბურთელია არა მარტო იტალიაში, არამედ მთელი მსოფლიოს მასშტაბით,” – აცხადებს ანტონიო კონტე.
