დღეს პრიმერა დივიზიონის მეშვიდე ტურის მატჩები გაიმართა.
ერთ-ერთ შეხვდრაში მადრიდის “რეალმა” საკუთარ მოედანზე “ეიბარი” მიიღო. გუნდებმა თითო-თითო გოლი გაცვალეს და, საბოლოოდ, ანგარიში 1-1 დააფიქსირეს. ეს ფრე ზედიზედ მეოთხეა ზიდანის “რეალისთვის”.
საგულისხმოა, რომ “ბლანკოსმა” დღეს ანტირეკორდი გაიმეორა, რადგან ზედიზედ ოთხი ფრე ბოლოს მას “ზიზუს” ფეხბურთელობის ბოლო სეზონში (2005/2006), კონკრეტულად, მარტში ჰქონდა.
დორტმუნდის “ბორუსიასა” და მადრიდის “რეალს” შორის გასამართი დაპირისპირების წინ, გერმანელთა მთავარმა მწვრთნელმა, ტომას ტუჰელმა აღნიშნა, რომ “ბორუსიელები” ყურადღებას არ აქცევენ იმ ფაქტს, რომ კრიშტიან ლა ლიგაში ცუდად გამოიყურება.
“არის თუ არა კრიშტიანუ ცუდ ფორმაში? ვინ ვარ მე, ამაზე რომ ვილაპარაკო. ფაქტია, რომ ის მსოფლიოში ერთ-ერთი საუკეთესოა, ჩემპიონი და ჩვენ მისგან საუკეთესოს ველით.
ჩვენ საუკეთესო ფორმაში მყოფი “რეალის” წინააღმდეგ სათამაშოდ ვემზადებით. რა თქმა უნდა, ჩვენ ვიცით, თუ რამდენად მაღალი დონის გუნდია “რეალი” . მათი შეტევებისაგან თავის დაცვა ძალიან დიდ შრომას მოითხოვს.
დისციპლინირებულად უნდა ვითამაშოთ, ბალანსი უნდა ვიპოვოთ. დაცვიდან შეტევაზე მწყობრად გადართვაა საჭირო. ”
მადრიდის “რეალის” მთავარმა მწვრთნელმა, ზინედინ ზიდანმა ესპანური გრანდის ფანებს ძალზედ სასიხარულო ინფორმაცია ამცნო – კრიშტიანუ რონალდუ, ისევე როგორც გარეთ ბეილი “ვილიარეალის” წინააღმდეგ თამაშს შეძლებს.
“ბეილი და კრიშტიანუ ხვალინდელი მატჩისათვის მზად არიან” – განუცხადა ფრანგმა სპეციალისტმა ჟურნალისტებს პრეს-კონფერენციაზე.
“მათგან განსხვავებით, პეპეს არ უვარჯიშია, მაგრამ დანარჩენ 4 მცველს თამაში შეუძლიათ. ნაჩოს ცენტრშიც შეუძლია თამაში ისევე, როგორც ფლანგზე.
ამ მატჩისთვის მოსამზადებლად ცოტა დრო გვქონდა, თუმცა მაინც მაქსიმალურად მზად ვართ.” – დაამატა მან.
ხუანფრანი თვლის, რომ 2016 წლის საუკეთესო ფეხბურთელის წოდება, რომელსაც ოქროს ბურთიც მოჰყვება, ანტუან გრიზმანს უნდა მიანიჭონ და არა კრიშტიანუ რონალდუსა და ლიონელ მესის.
შეგახსენებთ, რომ 2007 წლის შემდეგ ამ ინდივიდუალურ ჯილდოს მესი და რონალდუ იყოფენ.
“კარგა ხანია, რაც ამ კითხვისთვის ვარ მომზადებული (არის თუ არა მესი მსოფლიოს საუკეთესო ფეხბურთელი), რამეთუ ვიცოდი, რომ თქვენ ამას შემეკითხებოდით.
ჩემმა ცოლმა მითხრა, რომ მათ შორის არჩევანი გაკეთება საჭირო არ იყო – არც ერთია მეორეზე მაგარი და არც პირიქით. ჩემთვის, საუკეთესო ჩემი თანაგუნდელია.
ოქროს ბურთი გრიზმანს უნდა მისცენ, ეს ყველასათვის ნათელია.”
ჩემპიონთა ლიგის შეხვედრაში “ბარსელონა” საკუთარ მოედანზე “სელტიკს” დაუპირისპირდა და მეტოქე, ანგარიშით, 7:0 გაანადგურა.
ნახსენები მატჩი მეასე იყო ლუის სუარესისთვის, რომელიც მან “ბარსელონას” მაისურით ჩაატარა. ურუგვაელმა “სელტიკს” გაუტანა. საბოლოო ჯამში, 100 თამაშის შემდეგ სუარესს 88 გოლი დაუგროვდა. ესაა საუკეთესო მაჩვენებელი ას შეხვედრაში გატანილი გოლების მიხედვით, “ბარსელონას” ყველა დროის ფეხბურთელებს შორის.
სუარესმა ნახსენები შედეგით მესის აჯობა – არგენტინელმა პირველ 100 შეხვედრაში, მხოლოდ და მხოლოდ, 41 გოლს მოუყარა თავი. თუმცა, ამ მხრივ, ლუისზე კარგი შედეგი რონალდუს აქვს, რომელმაც “რეალის” მაისურით საწყის ას მატჩში საოცარი შედეგი დააფიქსირა: 96 გოლი!
მადრიდის “რეალის” ყოფილი ვარსკვლავის, ლუიშ ფიგუსათვის ეუსებიო უფრო დიდი ფიგურაა ვიდრე კრიშტიანუ რონალდუ პორტუგალიურ ფეხბურთში. ამის შესახებ განცხადება მან As-თან საუბრისას გააკეთა.
“კრიშტიანუ რონალდუს სიძლიერეს ვაღიარებ, მის წარმატებებს ყოველტვის ვიზიარებ. ის ყოველ წელს უფრო ძლიერი გვიბრუნდება. ის ისტორიას ქმნის.
მიუხედავად ამ ყველაფრისა და იმისა, რომ ეუსებიოს თამაში არასდროს მინახავს, მე მას ყველაფერზე წინ დავაყენებდი. ის ჩემს მიმართ უდიდეს სიყვარულსა და მეგობრობას იჩენდა.
ყველა იტყვის, რომ სუბიექტური ვარ, მაგრამ აქ საქმე უბრალოდ პატივისცემას ეხება.”
მადრიდის “რეალის” პორტუგალიელი სუპერვარსკვლავი, კრიშტიანუ რონალდუ ჩავის კომენტარს გამოეხმაურა, რომლის მიხედვითაც, რონალდუ ექსტრაორდინარული ფეხბურთელია, თუმცა მესი მაინც მასზე უკეთესია.
“ყველასთვის ცნობილია ის ფაქტი, რომ ჟურნალის პირველ გვერდებზე მოსახვედრად ჩემზე უნდა ილაპარაკონ. ჩავის არცერთხელ არ მოუგია ოქროს ბურთი მაშინ, როდესაც მე სამჯერ მოვახერხე ამის გაკეთება.” – განაცხადა რონალდუმ.
შეგახსენებთ, რომ რონალდუ 2016 წლის ოქროს ბურთის გათამაშების მთავარი ფავორიტი გახლავთ, რამეთუ მან 2015/16 წლების სეზონში ჩემპიონთა ლიგისა და ევროპის ჩემპიონატის მოგება მოახერხა.
ლონდონის “არსენალის” შემტევი, ალექსის სანჩესი, რომელიც “მეთოფეებს” 2014 წელს შეუერთდა, თვლის, რომ მან უკვე მიაღწია სუპერვარსკვლავების, კრიშტიანუ რონალდუსა და ლიონელ მესის დონეს.
სანჩესმა 2 წელში, 68 პრემიერლიგურ მატჩში 30 გოლი გაიტანა. ნახსენებმა რონალდუმ ბოლო სამ წელში ორჯერ მოიგო ჩემპიონთა ლიგა, ერთხელ ევროპის ჩემპიონატი და წინა სეზონში ყველა ტურნირზე 54 გოლი გაიტანა. ასევე, დაახლოებით ასეთი ფანტასტიკური შედეგები აქვს ლიონელ მესისაც, თუმცა სანჩესი მაინც თვლის, რომ იგი ნახსენებ ორ სპორტსმენს არაფრით ჩამოუვარდება.
“მე მივაღწიე იმ საფეხურს, რომელზეც მაღალი დონის მოთამაშეები ასპარეზობენ. არავისზე ნაკლებად არ მივიჩნევ თავს. ვთვლი, რომ იგივე შესაძლებლობები მაქვს, რაც ლიონელ მესისა და კრიშტიანუ რონალდუს,” – განაცხადა ჩილელმა მოთამაშემ.
კრიშტიანუ რონალდუმ პრესის წარმომადგენლებს გაუმხილა, რომ ის შაბათს, “ოსასუნასთან” გასამართ მატჩში მადრიდის “რეალის” დახმარებას შეძლებს.
შეგახსენებთ, რომ 31 წლის სუპერვარსკვლავმა ევროპის ჩემპიონატის ფინალში საკმაოდ სერიოზული ტრავმა მიიღო, მისი რეაბილიტაციის პროცესი კი ახლახან დასრულდა – რონალდუ უკვე შეუერთდა გუნდს.
პორტუგალიის ნაკრების კაპიტანმა ჟურნალისტებთან საუბრისას ასეთი განცხადება გააკეთა:” დიახ, “ოსასუნასთან” მატჩში თამაშს შევძლებ.”
უკვე გამოქვეყნდა FIFA 17-ის შეფასებები, რომლის მიხედვითაც, ამ დროისთვის მსოფლიოს საუკეთესო ფეხბურთელი კრიშტიანუ რონალდუა. ლეო მესი კი პირველიდან მეორე ადგილზე გადავიდა.
FIFA 16-ში მესი 94 ქულით იყო შეფასებული, მაგრამ წელს მისმა რეიტინგმა მოიკლო (93), მიუხედავად იმისა, რომ ფეხბურთელების უმეტესობას რეიტინგი საგრძნობლად მოემატა.
შეგახსენებთ, რომ FIFA 17-ის გარეკანზე ლეო მესის ნაცვლად მარკო როისი იქნება გამოსახული, რაც გამოწვეულია მესის ნაბიჯით, რომელმაც Pro Evolution Soccer-თან გააფორმა ხელშეკრულება. შესაძლოა, სწორედ ეს არის მესის რეიტინგის კლების მიზეზი.
რონალდუ კი, FIFA 17-ის საუკეთესო, უძლიერესი მოთამაშეა 2015/16 წლების სეზონის ჩემპიონთა ლიგისა და ევრო 2016-ის მოგების შემდეგ. FIFA 17-ში პორტუგალიელი 94 ქულით არის შეფასებული.
რიგით მესამე უძლიერესი ფეხბურთელის სტატუსს ამ თამაშში ბრაზილიელი ნეიმარი ატარებს, რომელიც 92 ქულით იქნა შეფასებული.
მადრიდის “რეალის” თავკაცს, ზინედინ ზიდანს შესაძლოა, გუნდის სამი ვარსკვლავის (რონალდუ, ბენზემა, ბეილი) გარეშე მოუწიოს უეფას სუპერთასის მატჩის თამაში.
როგორც იცით, “ბლანკოსის” პორტუგალიელმა სუპერვარსკვლავმა ევრო 2016-ის ფინალში მიიღო ტრავმა.უკვე დადასტურებულია ის ფაქტი, რომ კრიშტიანუ სუპერთასის მატჩში გუნდს ვერ დაეხმარება – “ამჟამად ის კვლავ ტრავმირებულია” – განაცხადა ზიდანმა “ბაიერნთან” გამართული მატჩის შემდეგ.
მსგავსად რონალდუსა, კვლავ შვებულებაშია გარეთ ბეილიც, რომელიც ამ ევროპის ჩემპიონატზე მართლაც გამორჩეული იყო. ბეილი მადრიდელთა ბანაკში 5 აგვისტოს, მატჩამდე 4 დღით ადრე უნდა დაბრუნებულიყო.
ბეილის მსგავსად, 5 აგვისტოს უნდა დაბრუნებულიყვნენ პეპე და ტონი კროოსი. როდესაც ფრანგ სპეციალისტს ჰკითხეს, მიიღებდნენ თუ არა ისინი მონაწილეობას “სევილიასთან” გასამართ მატჩში, მან განაცხადა: “არა, არამგონია. ისინი ჯერ კიდევ უნდა დაბრუნდნენ. მადრიდში მისვლის შემდეგ, ყველაფერს გავარკვევთ.”
ზიდანი გაცილებით უფრო ოპტიმისტურად უყურებს ბენზემას გარშემო არსებულ სიტუაციას: “ის უკვე დაბრუნდა. იმედი მაქვს, რომ ბენზემა სუპერთასის მატჩში თამაშს შეძლებს.”
“სევილიას” გიორგი აბურჯანიას შეძენა სურს
დიდი ალბათობით, ახალგაზრდა ნახევამრცველი, გიორგი აბურჯანია “ხიმნასტიკს” მალე დატოვებს. ესპანური პორტალი l’esportiu de catalunya იტყობინება, რომ ქართველი ფეხბურთელის შეძენა “სევილიას” სურს.გავრცელებული ინფორმაციის თანახმად, კლუბებს შორის მოლაპარაკებები მალე დასრულდება, ხოლო “ხიმნასტიკი” ტრანსფერით დიდ სარგებელს მიიღებს.
მოლაპარაკებები ზაფხულის ორ უდიდეს ტრანსფერზე წინ მიიწევს !
პოლ პოგბა კიდევ ერთი ნაბიჯით მიუახლოვდა “მანჩესტერ იუნაიტედს”, მას შემდეგ, რაც “ნაპოლიმ” ოფიციალურად დაადასტურა, რომ იგუაინი “იუვენტუსში” გადავიდოდა. არგენტინელი ფორვარდი წელიწადში 7 მილიონ ევროს მიიღებს.
კაპუსტკა მაჰრეზის ნაცვლად?
რიად მაჰრეზს კვლავ აკავშირებენ “არსენალში” გადასვლასთან – დღეს გავრცელდა ინფორმაცია, რომ “მეთოფეთა” ხელმძღვანელობამ “მელიებთან” მისი გამოსასყიდი თანხა შეათანხმეს. საუბარია 50 მილიონ ევროზე.
ალჟირელი ფეხბურთელის ჩამნაცვლებლად კი პოლონელი ბარტოშ კაპუსტკა მოისაზრება. 19 წლის ფეხბურთელის გადაბირებისათვის, ინგლისის ჩემპიონებს სულ რაღაც 6.5 მილიონი ფუნტის გადახდა მოუწევთ.
იგუაინს ბაკა ჩაანაცვლებს?
დღეს ოფიციალურად დადასტურდა, რომ “ნაპოლი” გონსალო იგუაინის “იუვენტუსისთვის” მიყიდვას აპირებს. ნეაპოლელებმა უკვე დაიწყეს არგენტინელი თავდამსხმელის შემცვლელის ძიება – Gazzetta dello Sport-ის ცნობით, “ნაპოლიმ” უკვე გაუგზავნა ოფიციალური შეთავაზება “მილანის” ხელმძღვანელობას კარლოს ბაკას ტრანსფერთან დაკავშირებით.
“სანდერლენდი” დევიდ მოიესს ჩააბარეს
დღეს, ოფიციალურად დადასტურდა, რომ “სანდერლენდში” ინგლისელი სემ ალარდაისის ადგილს დევიდ მოიესი დაიკავებს. აღნიშნულმა სპეციალისტმა 4 წლიან კონტრაქტს მოაწერა ხელი. შეგახსენებთ, რომ “დიდმა სემმა” ინგლისის ნაკრები ჩაიბარა.
პეპი სტოუნზის მოყვანას და კომპანის გაშვებას აპირებს
The Daily Star-ის მიერ გავრცელებული ინფორმაციის თანახმად, “მანჩესტერ სიტისა” და “ევერტონის” მოლაპარაკებები, ჯონ სტოუნზის ტრანსფერის თაობაზე წარმატებით მიმდინარეობს. იმ შემთხვევაში, თუ პეპ გვარდიოლა ჯონ სტოუნზს გადაიბირებს, მაშინ კლუბის დატოვება გუნდის კაპიტანს, ვინსენ კომპანის მოუწევს.
რონალდუს კონტრაქტის გახანგრძლივება სურს
კრიშტიანუ რონალდუ ადასტურებს ინტერესს მადრიდის “რეალთან” კონტრაქტის გახანგრძლივების თაობაზე: “ფლორენტინო პერეზს ტელეფონით უკვე ვესაუბრე, ხოლო როცა მადრიდში დავბრუნდები, ამ საკითხს აუცილებლად განვიხილავთ.”
