ლეგენდარულმა ბრაზილიელმა ფეხბურთელმა, რონალდომ განაცხადა, რომ წელს ოქროს ბურთის მოგებას მადრიდის “რეალის” შემტევი, კრიშტიანო რონალდუ იმსახურებს.
“წელს, “ოქროს ბურთის” გამარჯვებულად კრიშტიანო რონალდუს ავირჩევდი. ბოლო ორი წელია, კრიშტიანო გამორჩეულია. ის ჩემპიონთა ლიგის მატჩებში ბრწყინვალედ თამაშობდა, ახლა კი ფინალშია”, – უთხრა რონალდომ Fox Sports-ს.
შეგახსენებთ, რომ რონალდუმ 2016-17 წლების სეზონში ჩატარებულ 45 მატჩში 45 გოლი გაიტანა.
გუშინ ლა ლიგის გამოტოვებული ტურის შეხვედრაში მადრიდის “რეალმა” ვიგოში ადგილობრივი “სელტა” გაანადგურა. დუბლი შეასრულა კრიშტიანუ რონალდუმ. ორივე შემთხვევაში მისი ასისტენტი ისკო იყო.
ესპანელმა ნახევარმცველმა შეხვედრის შემდეგ ჟურნალისტებთან ისაუბრა.
“ძალიან მარტივია, გაუგო რონალდუს. მის გვერდზე თამაში დიდ სირთულეს არ წარმოადგენს: მთავარია, კრიშტიანუს საჯარიმოს მისადგომებთან ბურთი მიაწოდო, დანარჩენს იგი თავისით გააკეთებს.”
“ის ყოველთვის ამტკიცებს, რომ ყველა ფრონტზე ბოლომდე იბრძვის. სეზონის გადამწყვეტ ფაზაში ვართ და ახლა მთელი გუნდი სწორედ ასე იქცევა.”
“მალაგაში ლა ლიგის მთავარი შეხვედრა გველის. ამ ქალაქთან და სტადიონთან ბევრი მოგონება მაკავშირებს. განსაკუთრებული შემთხვევა იქნება, თუ სწორედ “ლა როსალედაზე” მოვიპოვებ ამ ტიტულს,” – განაცხადა ალარკონმა.
დღეს ესპანეთის ლა ლიგის გადადებული შეხვედრა შედგა. ვიგოს “სელტამ” მადრიდის “რეალი” მიიღო
შეხვედრა მადრიდელთა უპირატესობით წარიმართა. კრიშტიანუ რონალდუმ ანგარიშ მეათე წუთზე გახსნა, ხოლო 48-ე წუთზე დუბლი შეასრულა.
14 წუთში საკამათო ეპიზოდს ჰქონდა ადდგილი. “ბლანკოსსი” საჯარიმოში შესულ იაგო ასპასს სერხიო რამოსი დაეჯახა, ასპასი წაიქცა – მსაჯმა ეს უკანასკნელი სიმულაციისთვის მეორე ყვითელი ბარათით “დააჯილდოვა” და მოედანი დაატოვებინა. ათკაციანმა “სელტამ” “რეალს” მაინც გაუტანა – 69-ეზე ჯონ გუიდეტიმ მინიმუმამდე შეამცირა სხვაობა. დაძაბულობა ბენზემას გოლით ერთ წუთში განიმუხტა. ხოლო, 88-ეზე ტონი კროოსმა ყველაფერს წერტილი დაუსვა. საბოლოოდ, 1-4.
ამ გამარჯვების შემდეგ “რეალს” 90 ქულა დაუგროვდა და პირველ ადგილს იკავებს. იგგი სამი ქულით უსრებს “ბარსელონას”. შესაბამისად, სამეფო კლუბს ბოლო ტურში “მალაგასთან” ფრეც ჰყოფნით, რათა ჩემპიონები გახდნენ. “სელტა” 44 ქულით მეცამეტე პოზიციაზეა.
დღეს ესპანეთის ლა ლიგის გადადებულ შეხვედრაში ვიგოს “სელტა” მადრიდის “რეალს” უპირისპირდება.
მატჩის მეათე წუთზე ისკო ალარკონის პასით, კრიშტიანუ რონალდუმ ულამაზესი დარტყმით გახსნა ანგარიში. საგულისხმოა, რომ პორტუგალიელისთვის ეს რიგით 367-ე გოლი აღმოჩნდა იმ გოლებს შორის, რომლებიც მან ქვეყნების ჩემპიონატებში გაიტანა. რონალდუმ 84-ჯერ პრემიერ ლიგაში აიღო მეტოქის კარი, ხოლო 283-ჯერ ლა ლიგაში გაიტანა.
საგულისხმოა, რომ კრიშტიანუმ ამ შედეგით ლეგენდარულ ჯიმი გრივზს (366 გოლი) გადაასწრო და ამჟამად ევროპის ხუთი საუკეთესო ჩემპიონატის ყველა დროის ბომბარდირია!
კრიშტიანუ რონალდუმ “აღიარა”, რომ ის დედამიწიდანაა. ომარ მომანიმ კი წარმოგვიდგინა სიტუაცია, როცა პორტუგალიელი “უცხოპლანეტელ” მესის მის სამფლობელოში ესტუმრა.
ჩემპიონთა ლიგის ნახევარფინალის პირველ შეხვედრაში მადრიდის “რეალმა” თანაქლაქელი” “ატლეტიკო” კრიშტიანუ რონალდუს ჰეთრიკით გაანადგურა. პორტუგალიელმა ევროპის ყველაზე პრესტიჟული ტურნირის ბოლო სამ მატჩი რვა გოლის გატანა შეძლო.
ომარ მომანი ამ ყველაფერთან დაკავშირებით კარიკატურას გვთავაზობს.
დღეს მადრიდის “რეალმა” ჩემპიონთა ლიგის ნახევარფინალში კრიშტიანუ რონალდუს ჰეთრიკის წყალობით თანაქალაქელი “ატლეტიკო” დაამარცხა.
პორტუგალიელმა სუპერვარსკვლავმა შეხვედრის შემდეგ ჟურნალისტებთან ისაუბრა.
“დღეს მთელი გუნდი მოწოდების სიმაღლეზე იყო. მნიშვნელოვანი გოლები გავიტანე, თუმცა ეს წარმატება მთლიანი კოლექტივის დამსახურებაა. პირველი წუთიდან ბოლომდე ძალიან კარგად ვითამაშეთ. ბევრი მომენტი გვქონდა, თუმცა იან ობლაკსაც ნუ დავუკარგავთ გარჯას.”
“მართალია, სამი გოლი გავიტანეთ, თუმცა ჯერ არაფერი დასრულებულა. “ატლეტიკო” საკუთარ კედლებში ძალიან ძლიერი გუნდია. მოდუნების უფლება არ გვაქვს.”
“ყოველთვის ვცდილობ, გუნდს დავეხმარო და ერთად მივაღწიოთ დიდ მიზნებს,” – განაცხადა რონალდუმ.
მადრიდის “რეალმა” “ვალენსიასთან” შეხვედრსი წინ ბოლო ვარჯიში გამართა. მისი მიმდინარეობის დროს კრიშტიანუ რონალდუმ ბურთი კისერზე ზედიზედ ორჯერ გაიჩერა.
იხილეთ ვიდეო
როი კინმა მადრიდის “რეალის” ფეხბურთელზე, კრიშტიანუ რონალდუზე ისაუბრა. ირლანდიელმა პორტუგალიელი სუპერკვარსკვლავი შეაქო და მას გენიოსი უწოდა.
“ცალსახაა, რომ ეს ბიჭი გენიოსია. ჩვენ ვსაუბრობთ ფეხბურთის ისტორიაში ერთ-ერთ საუკეთესო ფეხბურთელზე. ბედნიერები ვართ, რომ რონალდუს თამაშის ყურება შეგვიძლია.”
“ლა ლიგაში და, მით უმეტეს, ჩემპიონთა ლიგაზე გოლის გატანა ძალიან რთულია. ჩვენ ვცხედავთ, ყოველ წელს რამდენ გოლს იტანის რონალდუ, ასისტებსაც ნუ დავივიწყებთ… ცალსახად გენიოსია!” – განაცხადა კინმა.
ჩემპიონთა ლიგის მეოთხედფინალში მადრიდის “რეალმა” მიუნხენის “ბაიერნი” მიიღო და მეტოქე ანგარიშით, 4-2 დაამარცხა. შესაბამისად, სწორედ “ბლანკოსი” გავიდა ნახევარფინალში.
შეხვედრის შემდეგ მადრიდელთა ფეხბურთელმა, კრიშტიანუ რონალდუმ კომენტარი გააკეთა.
“ბაიერნი” შესანიშნავი გუნდია. მან დაამტკიცა, რომ ნებისმიერ ანგარიშზე იბრძვის. თუმცა, ჩვენ “რეალი” ვართ, რომელიც ასეთ შანსებს ხელიდან არ უშვებს.”
“მოხარული ვარ, რომ გუნდს ასე დავეხმარე. ყოველთვის ვცდილობ, ბოლომდე დავიხარჯო და გულშემატკივრების გულები გავახარო. ჯერ მეთორმეტეს სუნი არ დამდგარა, თუმცა მასთან ახლოს ვართ!”
“ჩვენ უკეთესები ვიყავით და შემდეგ ეტაპზე გასვლა დავიმსახურეთ,” – განაცხადა კრიშტიანუმ.
კრიშტიანუ რონალდუმ ჩემპიონთა ლიგაზე მიუნხენის “ბაიერნს” დუბლი შეუსრულა და ევროტურნირებზე ასი გატანილი გოლი დაუგროვდა. პორტუგალიელმა ამ მიღწევის შესახებ ისაუბრა.
“ეს ჩემთვის დიდი პატივია. მინდა, მადლობა ვუთხრა მადრიდის “რეალის” ხელმძღვანელობას იმისთვის, რომ მომცეს შესაძლებლობა, მქონოდა ასეთი შესაშინავი კარიერა. ასევე, მადლობას ვუხდი ჩემს თანაგუნდელებსა და გულშემატკივრებს!”
“როცა ჩემპიონთა ლიგაზე გოლების გატანა დავიწყე, მაშინ ერთხელაც კი არ გამიფიქრებია, რომ ამ რეზულტატს დავაფიქსირებდი. ეს წარმოუდგენლად რთული მიმაჩნდა.”
კრიშტიანუ “ბაიერნთან” მატჩსაც შეეხო.
“შეხვედრა რთულად დავიწყეთ. თუმცა, ვიდალის მიერ გაცუდებული თერთმეტმეტრიანის შემდეგ, დარწმუნებული ვიყავი, რომ თამაშში გარდატეხას მოვახდენდით. მეორე ნახევარი კი მთლიანად ჩვენი იყო. ორჯერ გავიტანე, თუმცა ჩემს ადგილზე ნებისმიერი ფეხბურთელი შეიძლებოდა, ყოფილიყო.”
“ჩვენ მცირე უპირატესობა გავქვს. იმედია, საკუთარ კედლებში გულშემატკივრები მხარს დაგვიჭერენ,” – განაცხადა რონალდუმ.
გასულ ოთხშაბათს პორტუგალიის კუნძულ მადეირაზე, კრიშტიანუ რონალდუს სახელობის აეროპორტში მისივე ბიუსტი გახსნეს.
ამ ნამუშევარმა ბევრი კრიტიკა დაიმსახურა, ბევრმაც ირონიულად შეხედა მას.
ომარ მომანიმაც არ დააყოვნა…
