ჭდე: ს.კ. ზესტაფონი

ერთდღიანი შესვენების შემდეგ, მარგველები ისევ შეიკრიბნენ და ახალი სეზონისთვის მზადება კლუბის ბაზაზე განაგრძეს.

საინტერესოა, რომ დღეს ზესტაფონელთა ბაზაზე ორი ახალი სახე გამოჩნდა – 24 წლის კომლუმბიელმა მცველმა ედუარ ზეა ჩავესმა და 20 წლის ნიგერიელმა ფორვარდმა ჯონ ჯერემიამ იმერელთა რიგებში პირველად ივარჯიშეს. უნდა ითქვას, რომ დღემდე ლათინოამერიკელი საკუთარი ქვეყნის კლუბებში ასპარეზობდა, ხოლო აფრიკელმა ფეხბურთის მოყვარულთ თავი ჯერ საფეხბურთო კლუბ “გაგრაში” წარმატებული ასპარეზობით დაამახსოვრა, შემდეგ კი სომხურ “მიკაშიც” იასპარეზა.

ხვალისთვის გია გეგუჩაძეს ორმხრივი მატჩის გამართვა აქვს დაგეგმილი – საქართველოს ვიცე-ჩემპიონთა სამწვრთნელო შტაბი გუნდს ორ პირობით “კოლექტივად” დაჰყოფს და ერთმანეთს დაუპირისპირებს. ეს “მატჩი” დავით აბაშიძის სახელობის სტადიონზე გაიმართება და 18:00 საათზე დაიწყება.

გთავაზობთ ფოტორეპორტაჟს, რომელიც საფეხბურთო კლუბ “ზესტაფონის” დღევანდელი ვარჯიშის მიმდინარეობას ასახავს.

საფეხბურთო კლუბ ”ზესტაფონის” პრეს-სამსახური

მცირე შესვენების შემდეგ, მარგველები ისევ ზესტაფონში შეიკრიბნენ და ახალი სეზონის მატჩებისათვის მზადება განაგრძეს. ხვალ საქართველოს ვიცე-ჩემპიონები პირველ ამხანაგურ შეხვედრას გამართავენ – საფეხბურთო კლუბი “ზესტაფონი” თანაქალაქელ “მარგვეთი-2006”-ს დაუპირისპირდება.

ახალ სეზონში პირველ საკონტროლო მატჩს მარგველთა პირველ გუნდი 15 ივნისს ჩაატარებს – საქართველოს ორგზის ჩემპიონები დავით აბაშიძის სახელობის სტადიონზე საქართველოს ეროვნული ჩემპიონატის რეგიონალურ ლიგაში მოასპარეზე “მარგვეთი-2006”-ს დაუპირისპირდებიან. მატჩი 18:00 საათზე დაიწყება.

ჩვენ კი გთავაზობთ ფოტორეპორტაჟს, რომელიც საფეხბურთო კლუბ “ზესტაფონის” საწვრთნელი ბაზაზე გუნდის ვარჯიშის მიმდინარეობას ასახავს.

მიმდინარე წლის 5 ივნისს საფეხბურთო კლუბი ”ზესტაფონი” უეფას ევროპალიგის 2014-2015 წლების გათამაშებაში ასპარეზობისათვის მზადებას შეუდგა. ორკვირანახევრიანი შვებულების შემდეგ გამართული პირველი ვარჯიში ზემოიმერული კლუბის ზესტაფონის ბაზაზე გაიმართა.

როგორც მოგეხსენებათ, უეფას ევროპალიგის პირველი და მეორე საკვალიფიკაციო რაუნდების კენჭისყრა მიმდინარე წლის 23 ივნისს შვეიცარიულ ნიონში გაიმართება. მარგველებს პირველ საკვალიფიკაციო ეტაპზე ასპარეზობა არ უწევთ, ხოლო მეორე ეტაპის შეხვედრებს მარგველები 17 და 24 ივლისს გამართავენ …

როგორც მოგეხსენებათ, მცირე არდადეგების შემდეგ გუნდი გუშინ შეიკრიბა – 4 ივნისს თბილისის სამედიცინო-დიაგნოსტიკურ ცენტრ “სიტი-სპორტში” ფეხბურთელებმა სამედიცინო შემოწმება გაიარეს. პრესტიჟული საკლუბო ტურნირისათვის მომზადების პირველი ეტაპი ზესტაფონში დღეიდან დაიწყო და 22 ივნისამდე გასტანს. ხოლო 24 ივნისს, მეორე მოსამზადებელი ეტაპის გასავლელად, საფეხბურთო კლუბი ”ზესტაფონი” გაემგზავრება ავსტრიის რესპუბლიკაში, სადაც ხუთი საკონტროლო შეხვედრის გამართვა იგეგმება.

ზემო იმერეთი გუნდს თბილი ამინდით შეეგება და ამის გამო პირველი ვარჯიში საკმაოდ გვიან (19:00 საათზე) დაინიშნა. ქვეყნის ორგზის ჩემპიონთა დღევანდელ ვარჯიშს ოჯახურ პრობლემებთან დაკავშირებული მიზეზების გამო რენე ფერეირა დოს სანტოსი გამოაკლდა. ბრაზილიელი ლეგიონერი გუნდს უახლოეს დღეებში შეუერთდება.

დღევანდელი დღე ძირითადად ფიზიკურ კონდიციებზე მუშაობას დაეთმო – ხანმოკლე ”კროსის” შემდეგ, ფეხბურთელები ივან ვუჩეტიჩმა ”დაისაკუთრა” და ყურადღება მატონიზირებელი ხასიათის ვარჯიშებზე გაამახვილებინა. ვარჯიშის მეორე ნაწილი კი ბურთთან მუშაობას დაეთმო.

გუნდთან ერთად ივარჯიშა 25 წლის ბექა ტუღუშმა, რომელიც საკმაოდ წარმატებული ფორვარდი გახლავთ და ბოლოს რუსთავის “მეტალურგისა” და ქუთაისის ”ტორპედოს” რიგებში ასპარეზობდა. მოგახსენებთ იმასაც, რომ რომ მხარეთა შორის მიღწეული შეთანხმებების თანახმად საფეხბურთო კლუბ “ზესტაფონის” რიგები დატოვა ნაემეკა აჯურუმ.

ხვალიდან გია გეგუჩაძეს გუნდი ორჯერადი ვარჯიშების რეჟიმზე გადაჰყავს. საფეხბურთო კლუბ “ზესტაფონის” პრეს-სამსახური კი გთავაზობთ საქართველოს ვიცე-ჩემპიონთა დღევანდელი ვარჯიშის ამსახველ ფოტორეპორტაჟს.

საფეხბურთო კლუბ ”ზესტაფონის” პრეს-სამსახური

როგორც მოგეხსენებათ, საფეხბურთო კლუბი “ზესტაფონმა” საქართველოს XXV ეროვნული საფეხბურთო ჩემპიონატი მეორე ადგილზე დაასრულა და უეფას ევროპალიგის 2014-2015 წლების გათამაშებაში მეორე საკვალიფიკაციო რაუნდიდან ჩაერთვება…

ზესტაფონის არენის ევროპალიგის მეორე საკვალიფიკაციო რაუნდის მატჩისათვის სათანადოდ მომზადების მიზნით, უკვე რამდენიმე დღეა დავით აბაშიძის სახელობის სტადიონზე მიმდინარეობს სამშენებლო-აღდგენითი სამუშაოები. ამ სამუშაოების მიზანი გახლავთ სტადიონისა და სათამაშო მოედნის გარშემო არსებული ღობეების, ტერიტორიაზე განლაგებული წყლის ავზების და თავად არენის ფასადის განახლება. მიმდინარეობს სამუშაოები ტაბლოსა და ტრიბუნების შეკეთების და ადმინისტრაციული შენობისა და გასახდელებთან მისასვლელი კორიდორების განახლების კუთხით. ამის პარალელურად, მიმდინარეობს საპატიო სტუმართა და ჟურნალისტთა განსათავსებელი სექტორის კეთილმოწყობა, მოედნის მიმდებარე ტერიტორიის გასუფთავება, ტრიბუნებთან მისასვლელების კეთილმოწყობა და ასე შემდეგ…

საფეხბურთო კლუბ “ზესტაფონის” პრეს-სამსახური გთავაზობთ მცირე ფოტორეპორტაჟს, რომელიც დავით აბაშიძის სახელობის სტადიონზე მიმდინარე სამშენებლო-აღდგენითი სამუშაოების მიმდინარეობასა და პირველ შედეგებსაც ასახავს.

საფეხბურთო კლუბ ”ზესტაფონის” პრეს-სამსახური

მცირე დასვენების შემდეგ ზემოიმერლები ზესტაფონში შეიკრიბნენ და საკუთარ საწვრთნელ ბაზაზე ვარჯიშს შეუდგნენ. გუშინ საღამოს გუნდმა ერთხელ ივარჯიშა, დღეს ერთი, დილით გასამართი ვარჯიში იგეგმება, ხვალიდან კი გუნდი ორჯერადი ვარჯიშების რეჟიმზე გადადის.

ზესტაფონელები 3 მაისს თბილისის “დინამოსთან” საშინაო კედლებში გასამართი შეხვედრისათვის სრული შემადგენლობით ემზადებიან. სასიამოვნო სიახლეთა რიცხვს მიეკუთვნება ის ამბავი, რომ გუნდთან ერთად ვარჯიშს შეუდგა ნიგერიელი ნახევარმცველი ნაემეკა აჯურუ , რომელსაც ტრავმის გამო რამდენიმე კვირა გაუცდა.

გთავაზობთ მცირე ფოტორეპორტაჟს, რომელიც ზესტაფონელთა გუშიანდელი ვარჯიშის მიმდინარეობას ასახავს.

საფეხბურთო კლუბ ”ზესტაფონის” პრეს-სამსახური

აღდგომის დღესასწაულთან დაკავშირებული ორდღიანი დასვენების შემდეგ მარგველები ზესტაფონში შეიკრიბნენ და საკუთარ საწვრთნელ ბაზაზე ვარჯიშს შეუდგნენ. როგორც მოგეხსენებათ, 27 აპრილს ქალაქ რუსთავის სტადიონ “ფოლადზე” გაიმართება ეროვნული ჩემპიონატის ოცდამერვე ტურის შეხვედრა, რომელშიც ზესტაფონელები ადგილობრივ საფეხბურთო კლუბ “მეტალურგს” დაუპირისპირდებიან.

გთავაზობთ მცირე ფოტირეპორტაჟს, რომელიც ზესტაფონელთა დღევანდელი ვარჯიშის მიმდინარეობას ასახავს.

ორდღიანი დასვენების შემდეგ მარგველები ზესტაფონში შეიკრიბნენ და საკუთარ საწვრთნელ ბაზაზე ვარჯიშს შეუდგნენ. როგორც მოგეხსენებათ, 12 აპრილს დავით აბაშიძის სახელობის სტადიონზე გაიმართება ეროვნული ჩემპიონატის ოცდამეექვსე ტურის შეხვედრა, რომელშიც ზესტაფონელები საჩხერის საფეხბურთო კლუბ “ჩიხურას” უმასპინძლებენ.

“ზესტაფონი” მზადებას შეუდგა

გთავაზობთ მცირე ფოტირეპორტაჟს, რომელიც ზესტაფონელთა დღევანდელი ვარჯიშის მიმდინარეობას ასახავს.

 

საფეხბურთო კლუბ ”ზესტაფონის” პრეს-სამსახური

ორდღიანი შესვენების შემდეგ საქართველოს ორგზის ჩემპიონები ზესტაფონში შეიკრიბნენ და ვარჯიშს საკუთარ საწვრთნელ ბაზაზე შეუდგნენ. უნდა ითქვას, რომ დღეს საღამოს გამართულ ვარჯიშს ქვეყნის ახალგაზრდულ ნაკრებში გამოძახებული ოთხი ფეხბურთელი აკლდა.

აქვე უნდა აღინიშნოს, რომ ახალგაზრდულ ნაკრებში გამოძახებული კახაბერ მეშეველიანის, თედორე გრიგალაშვილის, გიორგი ფანცულაიასა და ავთო ენდელაძის გარდა, სხვადასხვა მიზეზის გამო გუნდთან ერთად არ უვარჯიშიათ ნაემეკა აჯურუსა და დავით კუპატაძეს.

როგორც მოგეხსენებათ, მორიგ შეხვედრას საფეხბურთო კლუბი ”ზესტაფონი” მიმდინარე წლის 9 მარტს გამართავს. საქართველოს XXV ეროვნული ჩემპიონატის ოცდამეერთე ტურის მატჩში, რომელიც 18:00 საათზე დაიწყება, იმერლები მარტვილის ”მერანს” უმასპინძლებენ. ჩვენ კი დღევანდელი ვარჯიშის ამსახველ მცირე ფოტორეპორტაჟს გთავაზობთ …

საფეხბურთო კლუბ ”ზესტაფონის” პრეს-სამსახური

საფეხბურთო კლუბი ”ზესტაფონი” სეზონის განახლებისათვის მზადებას განაგრძობს. გუშინ საღამოს, ოდესის “ჩერნომორეცთან” გამართული მატჩის შემდეგ, აღდგენითი ხასიათის ღონისძიებები აუზსა და საუნაში ჩატარდა. დღეს კი სასტუმრო “სუსესის” საფეხბურთო მოედანზე ქართული გუნდის ორი ვარჯიში გაიმართა.

ხმელთაშუა ზღვის თურქულ ნაპირებზე დილიდან უამინდობამ კი დაისადგურა, თუმცა ძლიერი წვიმის მიუხედავად, ზესტაფონელებმა სრული შემადგენლობით ივარჯიშეს. გთავაზობთ დღევანდელი ვარჯიშის ამსახველ რამდენიმე ფოტოსურათს…

აქვე შეგახსენებთ იმას, რომ თურქული შეკრების დასკვნით საკონტროლო შეხვედრას იმერლები 16 თებერვალს მაკედონიის ჩემპიონატის ლიდერ “ტურნოვოსთან” გამართავენ.

საფეხბურთო კლუბ ”ზესტაფონის” პრეს-სამსახური