ნაციონალური საკალათბურთო ასოციაციის დისციპლინარულმა კომიტეტმა „მაიმი ჰიტის“ უკანახაზელი დუეინ უეიდი „სან-ანტონიო სპურსთან“ ფინალური სერიის მეორე მატჩში სიმულაციის გამო დააჯარიმა.
„ჯინობილი ბურთის მოგერიებას ცდილობდა, რის გამოც ჩამარტყა. მსაჯებს თავიდან დარღვევა არ დაუფიქსირებიათ, თუცმა სწორი გადაწყვეტილება ბოლოს მაინც მიიღეს“, – განაცხადა მოთამაშემ ლიგის გადაწყვეტილების გასაჯაროებამდე.
ალექსანდრე მატევოსოვი
„სან-ანტონიო სპურსის“ უკანახაზელმა ტიმ დანკანმა „მაიამი ჰიტთან“ ფინალური სერიის მეორე მატჩში თავის ანგარიშზე 18 ქულა და 15 მოხსნა ჩაიწერა. აღნიშნული დაბლ-დაბლი 38 წლის მოთამაშისთვის პლეიოფში 157-ე გახდა. ამ მაჩვენებლით კი, დანკანმა აქამდე პირველ ადგილზე მყოფ მეჯიკ ჯონსონს გაუსწრო.
დაბლ-დაბლების საერთო რაოდენობის სიაში მესამე ადგილს უილტ ჩემბერლენი იკავებს, რომელსაც 143 დაბლ-დაბლი აქვს. მხოლოდ ერთი დაბლ-დაბლით მას შაკილ ო ნილი ჩამორჩება, ხოლო ბილ რასელი 137 დაბლ-დაბლით მეხუთეა.
ალექსანდრე მატევოსოვი
„სან-ანტონიო სპურსის“ უკანახაზელის მანუ ჯინობილის თქმით, „მაიამისთან“ ფინალური სერიის მეორე მატჩის შედეგი (96:98) მატჩის ბოლოს ტეხასელთა უყურადღებობამ განაპირობა.
„ყველაფერი მცირე დეტალებმა გადაწყვიტეს. ყოველ მოქმედებას მნიშვნელობა აქვს.
იყო მომენტები, როცა გვავიწყდებოდა, თუ რისი წყალობით მივედით ფინალურ სერიამდე. ჩვენი მეტოქე ჩინებული გუნდია, ასე რომ, მატჩის მოსაგებად იდეალურად თამაშია საჭირო. შეხვედრის ბოლოს კარგად ვერ ვითამაშეთ“, – განუცხადა მანუმ NBA.com-ს.
ალექსანდრე მატევოსოვი
როგორც მგოეხსენებათ, დილით, ნაციონალური საკლთბურთო ასოციაციის ფინალური სერიის მეორე მატჩი გაიმართა, რომელიც „მაიმი ჰიტმა“ ანგარიშთ 96:98 მოიგო.
წარმოგიდგენთ ამ შეხვედრის საუკეთესო ათი ეპიზოდის ამსახველ ვიდეოს:
დასრულდა ნაციონალური საკალათბურთო ასოციაციის ფინალური სერიის მეორე მატჩი, რომელიც „მაიამი ჰიტმა“ ანგარიშით 96:98 მოიგო.
საუკეთესო ფლორიდელთა შემადგენლობაში და ზოგადად მატჩში ლებრონ ჯეიმსი იყო, რომელმაც საკუთარ ანგარიშზე 35 ქულა მიითვალა. რაც შეეხება „სან-ანტონიო სპურსს“, მის რიგებში საუკეთესო ტონი პარკერი იყო – მისმა მონაგარმა 21 ქულა შეადგინა.
აღნიშნული მოგებით ერიკ სპოელსტრას გუნდმა სერიაში ანგარიში გაათანაბრა.
„სან-ანტონიო“ – „მაიამი“ 96:98 (26:19, 17:24, 35:34, 18:21)
„სპურსი“: პარკერი (21 ქ. 7 პ.), დანკანი (18 ქ. 15 მ.), გრინი (9 ქ.), ლენარდი (9 ქ.), სპლიტერი (2 ქ.) – სტარტი; ჯინობილი (19 ქ.), მილსი (8 ქ.), დიო (7 ქ. 10 მ.), ბელინელი (3 ქ.), ბონერი (0 ქ.)
„ჰიტი“: ჯეიმსი (35 ქ. 10 მ.), ბოში (18 ქ.), უეიდი (14 ქ. 7 მ. 5 დ.), ლუისი (14 ქ.), ჩალმერსი (5 ქ.) – სტარტი; ალენი (9 ქ.), ანდერსენი (3 ქ. 9 მ.), კოული (0 ქ.), ჯონსი (0 ქ.)
ანგარიში სერიაში: 1:1
სერიის მესამე მატჩი 11 ივნისს მაიამიში გაიმართება.
ალექსანდრე მატევოსოვი
მოგეხსენებათ, გამთენიისას ნაციონალური საკალათბურთო ასოციაციის ფინალური სერის პირველი მატჩი შედგა, რომელიც „სან-ანტონიო სპურსმა“ ანგარიშით 110:95 მოიგო.
წარმოგიდგენთ აღნიშნული შეხვედრის ხუთი საუკეთესო ეპიზოდის ამსახველ ვიდეოს:
ცოტა ხნის წინ დასრულდა ნაციონალური საკალათბურთო ასოციაციის ფინალური სერიის პირველი მატჩი, რომელიც „სან-ანტონიო სპურსმა“ საკუთარ დარბაზში 15 ქულით მოიგო.
საუკეთესო მასპინძელთა რიგებში ტიმ დანკანი იყო, რომელმაც 21 ქულა დააგროვა. რაც შეეხება სტუმრებს, მათ რიგებში ლებრონ ჯეიმსი გამორიჩა, რომლის შედეგმაც 25 ქულა შეადგინა.
სათქმელია, რომ „მაიმის“ ფორვარდმა ლებრონ ჯეიმსმა დაშავების გამო შეხვედრის დასრულება ვერ მოახერხა. ამჟამად ჯერჯერობით უცნობია, მოახერხებს თუ არა ფლორიდელთა ლიდერი სერიის შემდეგ მატჩებში მონაწილეობის მიღებას, ამის შესახებ „მაიმი“ ინფორმაციას მოგვიანებით გაავრცელებს.
„სან-ანტონიო სპურსი“ – „მაიამი ჰიტი“ 110:95 (28:20; 28:29; 20:29; 38:17)
„სპურსი“: დანკანი (21 ქ. 10 მ. 5 დ.), პარკერი (19 ქ. 8 პ.), ჯინობილი (16 ქ. 5 მ. 11 პ. 3 ჩ.), სპლიტერი (14 ქ.), გრინი (13 ქ.), ბელინელი (9 ქ.), ლეონარდი (9 ქ.), დიაო (2 ქ. 10 მ. 6 პ.)
„ჰიტი“: ჯეიმსი (25 ქ. 6 მ. 3 ჩ.), უეიდი (19 ქ. 3 მ. 2 პ.), ბოში (18 ქ. 9 მ. 1 პ.), ალენი (16 ქ. 5 ჩ.), ლიუისი (10 ქ.), ჩალმერსი (3 ქ. 1 მ. 1 პ.)
ანგარიში სერიაში: 1:0 „სპურსის“ სასარგებლოდ
სერიის მეორე მატჩი 9 ივნისს კვლავ სან-ანტონიოში შედგება.
ალექსანდრე მატევოსოვი
„მაიამი ჰიტის“ ფორვარდი კრის ბოში იმედოვნებს, რომ „სან-ანტონიო სპურსთან“ ფინალურ სერიაში მისი თამაში ფლორიდელებს წარმატებას მოუტანს.
აღსანიშნავია, რომ მიმდინარე სეზონში ბოშს კარიერაში შორეული სროლების საუკეთესო რეალიზაცია აქვს – პლეიოფში მან შორეული სროლების 41% ჩააგდო.
„ვფიქრობ, ჩემი ასეთი თამაში დუენ უეიდსა და ლებრონ ჯეიმსს მეტ თავისუფლებას მისცემს. წინ წასვლა არ მივყარს, თანაც არ ვიცით, თუ როგორ ითამაშებ „სპურსი“ დაცვაში. მსურს, აგრესიული ვიყო. მინდა იმ პოზიციებზე მათამაშონ, რომლებზეც მთელი სეზონის განმავლობაში ვთამაშობ. თუმცა, პირველ რიგში, უნდა გავიგოთ, თუ როგორ წარიმართება პირველი მოახლოებული მატჩი“, – განუცხადა ბოშმა „Sun Sentinel“-ს.
ალექსანდრე მატევოსოვი
„სან-ანტონიო სპურსის“ მთავარმა მწვრთნელმა გრეგ პოპოვიჩმა ნაციონალური საკალათბურთო ასოციაციის ფინალური სერიის წინ ჟურნალისტებს მისი გუნდის „მაიმი ჰიტთან“ მტრობის შესახებ ლაპარაკის დასრულებისკენ მოუწოდა.
„მორჩით მსგავს სისულელეებზე საუბარს, ეს ჰომ სერიოზული არ არის“, – ციტირებს „სპურსის“ დამრიგებელს „სან-ანტონიო ექსპერს-ნიუსი“.
ცნობისთვის, გუშინ „ჰიტის“ ფორვარდმა ლებრონ ჯეიმსმა განაცხადა, რომ მის მეტოქეს ფლორიდელები ძალიან არ უყვართ.
ალექსანდრე მატევოსოვი
„მაიამი ჰიტის“ ფორვარდი ლებრონ ჯეიმსი „სან-ანტონიო სპურსის“ ცენტრის ტიმ დანკანის სიტყვებს გამოეხმაურა. ცნობისთვის, 38 წლის ვეტერანმა განაცხადა, რომ მისი გუნდი მიმდინარე სეზონში გასული წელს წაგებული ფინალური სერიისთვის რევანშის აღებას აპირებს.
„მათ ძალიან არ ვუყვარვართ. ეს ტიმის სიტყვებშიც იგრძნობა. მათ სურთ დაგვამარცხონ და ტიტული მოიგონ. ამ დაპირისპირებისთვის მზად ვიქნებით.
დანკანის სიტყვები არ მადარდებს. გუნდები მოედანზე გავლენ და ითამაშებენ. საკუთარ ძალებში დარწმუნებულები ვართ. არავის არ გვეშინია. გვსურს, იგივე გავაკეთოთ, რისი გაკეთება მათაც სურთ“, – განუცხადა ჯეიმსმა ESPN.com-ს.
ალექსანდრე მატევოსოვი
„სან-ანტონიო სპურსის“ გამთამაშებელმა ტონი პარკერმა განაცხადა, რომ „ოკლაჰომა-სიტი თანდერთან“ სერიის მესამე მატჩში მარცხი მისმა არც ისე დამაჯერებელმა თამაშმაც განაპირობა.
„კარგი თამაში ვერ ვაჩვენეთ, რაც ჩემი ბრალიცაა. უკეთესად უნდა ვთამაშობდე. ჩემ ასეთ გამოსვლას გამართლება არ აქვს. შემდეგ შეხვედრას უკვე მოუთმენლად ველი“, – განუცხადა პარკერმა „ Spurs Nation“-ს.
ალექსანდრე მატევოსოვი
გამთენიისას ნაციონალური საკალათბურთო ასოციაციის დასავლეთ კონფერენციის ფინალური სერიის მესამე მატჩი გაიმართა. ამჯერად მატჩი „ოკლაჰომა-სიტი თანდერის“ დარბაზში შედგა, გამარჯვება კი 9 ქულით „თანდერმა“ მოიპოვა, რითაც სერიაში ანგარიში შეამცირა.
საუკეთესო მასპინძელთა რიგებში რასელ უესტბრუკი იყო, რომელმაც 26 ქულა დააგროვა. მასზე ერთი ქულით ნაკლები თავის ანგარიშზე კევინ დურანტმა ჩაიწერა. რაც შეეხება სტუმრებს, მათ შემადგენლობაში მანუ ჟინობილი გამოირჩა, რომლის შედეგმაც 23 ქულა შეადგინა.
აღსანიშნავია, რომ თამაში „თანდერის“ ესპანელმა ფორვარდმა სერჟ იბაკამ მოახერხა, რომელმაც სერიის დაწყების წინ ტრავმა მიიღო, რის გამოც მისი მიმდინარე სეზონში თამაში კითხვის ნიშნის ქვეშ იყო.
„ოკლაჰომა-სიტი თანდერი“ – „სან-ანტონიო სპურსი“ 106:97
„თანდერი“: უესტბრუკი (26 ქ. 8 მ. 7 გ. 3 ჩ. 5 დ.), დურანტი (25 ქ. 10 მ.), იბაკა (15 ქ. 7 მ. 4 ბ.), ჯექსონი (15 ქ. 5 პ.), ადამსი (7 ქ. 9 მ. 4 ბ.)
„სპურსი“: ჟინობილი (23 ქ.), დანკანი (16 ქ. 8 მ.), ლეონარდი (10 ქ.), პარკერი (9 ქ.), გრინი (8 ქ.), დიაო (6 ქ. 6 მ. 6 პ.)
