ჭდე: სერია A

Fanebi.com წარმოგიდგენთ იტალიის სერია А-ს 28-ე ტურის მიმოხილვას. 

მილანი – კალიარი

გულშემატკივართა პროტესტით შეწუხებულმა “მილანმა” ნანატრი გამარჯვების მოპოვება შეძლო. გასულ ტურში სან სიროს “კალიერი” ესტუმრა და საკუთარ კარში მიღებულ 3 გოლს მხოლოდ ერთი შედეგიანი დარტყმით უპასუხა.

შეხვედრაში ანგარში 21-ე წუთზე გაიხსნა და ამის გაკეთება მასპნიძლებმა მენეზის გოლით მოახერხეს. მეორე ტაიმის ორი წუთის დაწყებული იყო, როდესაც წონასწორობა დიეგო ფარიასმა აღადგინა, თუმცა სტუმართა სიხარული ხანმოკლე აღმოჩნდა. 49-ე წუთზე მექსესმა სტატუს-ქვო აღადგინა და “მილანი” კვლავ დაწინაურდა.

საბოლოოდ ანგარიში 78-ე წუთზე ჟერემი მენეზმა დააფიქსირა, რომელმაც ზუსტად დარტყმული პენალტით დუბლი გაიფორმა და “მილანი” მე-8 პოზიციაზე ააღზევა.

ჩეზენა – რომა

მოგების გემო გაიხსენა “რომამ”, რომელიც აუტსაიდერ “ჩეზენას” ესტუმრა და მინიმალური ანგარიშით გაიმარჯვა.

მატჩის ბედი პირველი ტაიმის ბოლოს, 41-ე წუთზე გატანილმა გოლმა გადაწყვიტა, რომლის ავტორიც დანიელე დე როსი გახდა. ამ გამარჯვებით რომაელებმა მეორე პოზიციის შენარჩუნება შეძლეს. ქულების დაკარგვის შემთხვევაში მათ მთავარი კონკურენტი, “ლაციო” გადაასწრებდა, რომელმაც “ვერონა” დამაჯერებლად დაამარცხა.

იუვენტუსი – ჯენოა

ჩემპიონთა ლიგაში მიღწეული წარმატების შემდეგ “იუვემ” საშინაო ასპარეზზეც მოიგო და გასულ ტურში “ჯენოას” სძლია.

ტურინელებმა ძალების დაზოგვით, მინიმალური ანგარიშით დაამარცხეს მეტოქე. ერთადერთი გოლის ავტორი კარლოს ტევესი მატჩის 25-ე წუთზე გახდა. აღსანიშნავია, რომ არგენტინელს დუბლის გაფორმება შეეძლო, მაგრამ 62-ე წუთზე პენალტის გატანა ვერ მოახერხა.

ამრიგად, “იუვემ” ლიდერობა გაიმყარა, “ჯენოა” კი ზედიზედ მეოთხე მოუგებელი მატჩის შემდეგ მე-9 პოზიციამდე დაქვეითდა.

ტურის ყველა მატჩი

21.03	21:00	კიევო		1:0		პალერმო		დაწვრილებით
21.03	23:45	მილანი		3:1		კალიარი		დაწვრილებით
22.03	15:30	ემპოლი		3:1		სასუოლო		დაწვრილებით
22.03	18:00	იუვენტუსი		1:0		ჯენოა		დაწვრილებით
22.03	23:45	ჩეზენა		0:1		რომა		დაწვრილებით
22.03	23:45	სამპდორია		1:0		ინტერი		დაწვრილებით
22.03	23:45	ლაციო		2:0		ვერონა		დაწვრილებით
22.03	23:45	უდინეზე		2:2		ფიორენტინა		დაწვრილებით
22.03	23:45	ნაპოლი		1:1		ატალანტა		დაწვრილებით
22.03	23:45	პარმა		0:2		ტორინო		დაწვრილებით

Fanebi.com წარმოგიდგენთ იტალიის სერია А-ს 28-ე ტურის პრევიუს. 

მილანი – კალიარი

ფილიპო ინძაგისთვის მორიგი გადამწყვეტი მატჩი სან სიროზე შედგება, სადაც “მილანი” სერია ბ-ში დაქვეითების ერთ-ერთ კანდიდატს, “კალიარის” მიიღობს, რომელსაც მილანი 1998 წლის შემდეგ არ ჰყავს დამარცხებული. მაგრამ, ზდენეკ ზემანი ყოველთვის სახიფათოა და გასნაკუთრებით დღევანდელ მდგომარეობაში მყოფი “მილანისთვის”.

“როსონერის” ხელმძღვანელები ევროთასებზე მოხვედრაზე ჯერ კიდევ ოცნებობენ, მაგრამ რეალურად მილანისთვის ამ ეტაპზე მთავარი უარყოფითი სერიის შეწყვეტაა.

ჩეზენა – რომა

ფრეების სერიის წაგებით შეწყვეტის შემდეგ “რომა” ევროპის ლიგაზე “ფიორენტინასთან” საშინაო მატჩში განადგურდა, რის გამოც გულშემატკივრების დიდი კრიტიკა დაიმსახურეს. ფანებმა პროტესტის ნიშნად ტრიბუნებიც კი დატოვეს და ბოლო წუთზე საკუთარ ადგილებს სტვენით დაუბრუნდნენ. თუმცა, ისიც აღსანიშნავაი, რომ გულშემატკივრებმა მთავარი მწვრთნელი, რუდი გარსია დაიცვეს.

ნათელია, რომ “მგლები” ჩემპიონობისთვის ვეღარ იბრძოლებენ, თუმცა ტოტის და კომპანიას ახალი საზრუნავი გაუჩნდათ. “რომას” მიზანი მოახლოებული “ლაციოს” გადასწრება იქნება.

მოახლოებულ ტურში რომაელებს მონატრებული გამარჯების მოპოვების შესანიშნავი შანსი აქვთ. დედაქალაქელები გასავარდნ ზონაში მყოფ “ჩეზენას” ესტუმრებიან, რომელიც სხვათა შორის სამი ტურია დაუმარცხებლად ასპარეზობს.

იუვენტუსი – ჯენოა

პირველ წრეში “იუვენტუსმა” “ჯენოასთან” მოულოდნელად წააგო. იმ შეხვედრაში გრიფონებმა გამარჯვებას ლუკა ანტონინის მიერ ბოლო წუთზე გატანილი გოლით მიაღწიეს. ტურინში მოვლენათა ასეთი განვითარება რთული წარმოსადგენია, მაგრამ “ბებერი ქალბატონის” მარცხის შემთხვევაში მათი უპირატესობა კვლავ ძალიან შთამბეჭდავი დარჩება.

“იუვენტუსის” ფიქრები ახლა ჩემპიონთა ლიგაზეა გადართული. სკუდეტოს მფლობელმა “დორტმუნდი” შესანიშნავ სტილში დაამარცხა და 1/4 ფინალის საგზური მოიპოვა, სადაც “მონაკოს” დაუპირისპირდება, რაც იმას ნიშნავს, რომ ტურნირის საუკეთესო ოთხეულში მოხვედრის შანსიც დიდია.

ტურის ყველა მატჩი და ევროპაბეთის კოეფიციენტები

21.03	21:00	კიევო	2.65	3.10	2.85	პალერმო		დაწვრილებით
21.03	23:45	მილანი	1.90	3.60	4.05	კალიარი		დაწვრილებით
22.03	15:30	ემპოლი	2.15	3.20	3.65	სასუოლო		დაწვრილებით
22.03	18:00	იუვენტუსი	1.35	5.00	9.15	ჯენოა		დაწვრილებით
22.03	23:45	ჩეზენა	5.00	3.40	1.80	რომა		დაწვრილებით
22.03	23:45	სამპდორია	2.70	3.20	2.75	ინტერი		დაწვრილებით
22.03	23:45	ლაციო	1.45	4.50	7.25	ვერონა		დაწვრილებით
22.03	23:45	უდინეზე	3.25	3.10	2.35	ფიორენტინა		დაწვრილებით
22.03	23:45	ნაპოლი	1.50	4.40	6.75	ატალანტა		დაწვრილებით
22.03	23:45	პარმა	4.55	3.20	1.95	ტორინო		დაწვრილებით

Fanebi.com წარმოგიდგენთ იტალიური სერია A-ს 27-ე ტურის პრევიუს. 

პალერმო – იუვენტუსი

მიმდინარე სეზონში “პალერმომ” მხოლოდ ერთი საშინაო შეხვედრა წააგო და ისიც 29 სექტემბერს, მე-5 ტურში, როცა რენცო ბარბერაზე სამი ქულა რომის “ლაციომ” მოიპოვა. ამის შემდეგ ქულების უმეტესობა სიცილიელებმა საშინაო კედლებში მოიპოვეს, რაც სტუმრად სუსტ თამაშს ასე თუ ისე აბალანსებს.

თუმცა, მოახლოებულ შეხვედრაში ჯუზეპე იაკინის გუნდს წარმატება გარანტირებული ნამდვილად არ აქვს. მიუხედავად იმისა, რომ უკანასკელი გასვლითი გამარჯვება “იუვემ” 11 იანვარს მოიპოვა, ბებერი ქალბატონი მაინც ფავორიტია. ისე, ისიც არ უნდა დაგვავიწყდეს, რომ ტურინელებს “დორტმუნდთან” საპასუხო მატჩი ელით და არ არის გამორიცხული ალეგრიმ ძალები დაზოგოს.

რომა – სამპდორია

“რომას” მთავარი მიზანი ამ ეტაპზე მეორე პოზიციის შენარჩუნებაა. ტურინელთა დაწევის და ჩემპიონობისთვის ბრძოლის პერსპექტივები გარსიას გუნდისთვის ბურუსითაა მოცული, აი დაკავებული პოზიციის დაკარგვა კი ნამდვილად რეალურია.

მოახლოებულ ტურში რომაელები “სამპდორიას” უმასპინძებენ, რომელიც მიმდინარე სეზონში ასევე საკმაოდ ამბიციურია და ზედიზედ ორი გამარჯვების შემდეგ კვლავ ევროსაგზურისთვის იბრძვის.

შეძლებენ თუ არა ტოტი და კომპანია ფრეების სერიის შეწყეტას ორშაბათს გასამართ ტურის დასკვნით მატში გახდება ცნობილი.

ფიორენტინა – მილანი

ტურის ცენტრალურ მატჩს ფლორენცია უმასპნიძებს, სადაც ადგილობრივ “ფიორენტინას” “მილანი” ესტუმრება.

მასპინძლებმა რაც შეიძლება სწრაფად უნდა დაივიწყონ “ლაციოსთან” განცდილი რომაული ფიასკო და შემდეგ მატჩებზე იფიქრონ. “ფიორემ” რამდენიმე დღის წინ ევროპა ლიგაზე “რომასთან” საკამოდ ნორმალური მატჩი ჩაატარა, ახლა კი “მილანის” ჯერია, რომელიც სტუმრად შემოდგომის შემდეგ ვეღარ იგებს. თუმცა, მილანელები ბოლო დროს სტუმრად კი არა, საშინაო შეხვედრებშიც იშვიათად იგებენ.

ფილიპო ინძაგის გათავისუფლება გასული ტურის შემდეგ ძალზედ რეალური იყო, მაგრამ ადრიანო გალიანიმ სილვიო ბერლუსკონის დარწმუნება შეძლო და პიპოს კიდევ ერთ შანსი ფლორენციულ შეხვედრაში მისცეს.

ტურის ყველა მატჩი და ევროპაბეთის კოეფიციენტები 

14.03	21:00	პალერმო	3.75	3.30	2.10	იუვენტუსი		დაწვრილებით
14.03	23:45	კალიარი	2.50	3.15	3.00	ემპოლი		დაწვრილებით
15.03	18:00	ჯენოა	1.95	3.30	4.25	კიევო		დაწვრილებით
15.03	18:00	სასუოლო	1.65	3.80	5.50	პარმა		დაწვრილებით
15.03	21:00	ვერონა	4.10	3.50	1.95	ნაპოლი		დაწვრილებით
15.03	23:45	ინტერი	1.40	4.75	8.00	ჩეზენა		დაწვრილებით
16.03	22:00	ტორინო	2.95	3.10	2.60	ლაციო		დაწვრილებით
16.03	22:00	ფიორენტინა	2.00	3.50	3.80	მილანი		დაწვრილებით
16.03	23:55	რომა	1.70	3.75	5.30	სამპდორია		დაწვრილებით

Fanebi.com წარმოგიდგენთ იტალიური სერია A-ს 26-ე სათამაშო დღის მიმოხილვას. 

მილანი – ვერონა

მორიგი წარუმატებელი ტურის მილანისთვის. ინძაგის შეგირდები ქულები კვლავ დაკარგეს. ამჯერად, როსონერიმ სან სიროზე “ვერონას” ვერ სძლია.

ანგარიში აღნიშნულ შეხვედრაში სწორედ ვერონელებმა, მე-18 წუთზე გამოცდილი ლუკა ტონის ზუსტად შესრულებული პენალტით გახნეს. “მილანმა” ტაიმის ბოლოს გაათანაბრა. გოლის ავტორი კი ჟერემი მენეზი გახდა, რომელმაც ტონის მსგავსად შედეგიანი დარტყმა 11-მეტრიანის ნიშნულიდან შეასრულა.

მეორე ნახევარი 2 წუთის დაწყებული იყო, როდესაც “მილანმა” დაწინაურება მოახერხა. ამ ეპიზოდში ბურთი საკუთარ კარში ტაჩციდისმა ჩაჭრა. მასპინძლებისთბის ყველაფერი კარგად მიდიოდა, თუმცა მატჩის უკანასკნელ წუთზე ლოპესმა გათანაბრება შეძლო და საბოლოო 2:2 დააფიქსირა.

ნაპოლი – ინტერი

საინტერესო გამოდგა ნეაპოლში ჩატარებული მატჩი, სადაც ადგილობრივმა კლუბმა მილანის “ინტერი” მიიღო.

უგოლოდ დასრულებული პირველი ტაიმის შემდეგ შეხვედრის ყველაზე საინტერესო მოვლენები მეორე ნახევარში განვითარდა. ანგარიში 51-ე წუთზე მარეკ ჰამშიკმა გახსნა, 63-ზე კი გონსალო იგუაინმა მასპინძელთა უპირატესობა ორამდე გაზარდა. “ინტერმა” სხვაობის შემცირება 9 წუთში პალასიოის გოლით მოახერხა. შეხვედრის დასრულებამდე 3 წუთით ადრე კი მილანელებს პენალტის შესრულების უფლება მიეცათ. აღსანიშნავია, რომ ამ ეპიზოდში “ნაპოლი” კაცნაკლული დარჩა, მეორე ყვითელი ენრიკემ მიიღო. იკარდიმ კი ანგარიში ეფექტური დარტყმით გაათანაბრა. 

ლაციო – ფიორენტინა

მოულოდნელი შედეგით დასრულდა ტუის ცენტრალური დაპირისპირება, რომელსაც რომის სტადიო ოლიმპიკომ უმასპინძლა. ადგილობრივმა “ლაციომ” შესანიშნავ ფორმაში მყოფი “ფიორენტინა” მიიღო და მეტოქის განადგურება შეძლო. რომაელებმა ფლორენციელებს 4 უპასუხო გოლი გაუტანეს.

ანგარიში საკმაოდ სწრაფად, მე-6 წუთზე ბილიას დარტყმით გაიხნა და ტაიმიც მასპინძელთა მოკრძალებული უპირატესობით დასრულდა. მეორე ნახევარში კი “ლაციომ” კიდევ სამჯერ გაიტანა. 65-ე წუთზე კანდევამ პენალტი ზუსტად შეასრულა, ზუსტად 10 წუთში კლოზემ გაიტანა, რომელმაც 85-ზე დუბლის შესრულებაც შეძლო და საბოლოო 4:0 დააფიქსირა.

ტურის ყველა მატჩი

07.03	21:00	სამპდორია		2:0		კალიარი		დაწვრილებით
07.03	23:45	მილანი		2:2		ვერონა		დაწვრილებით
08.03	15:30	ჩეზენა		0:0		პალერმო		დაწვრილებით
08.03	18:00	უდინეზე		3:2		ტორინო		დაწვრილებით
08.03	18:00	კიევო		0:0		რომა		დაწვრილებით
08.03	18:00	ემპოლი		1:1		ჯენოა		დაწვრილებით
08.03	18:00	პარმა		0:0		ატალანტა		დაწვრილებით
08.03	23:45	ნაპოლი		2:2		ინტერი		დაწვრილებით
09.03	22:00	ლაციო		4:0		ფიორენტინა		დაწვრილებით
09.03	23:55	იუვენტუსი		1:0		სასუოლო		დაწვრილებით

Fanebi.com წარმოგიდგენთ იტალიური სერია A-ს 26-ე სათამაშო დღის პრევიუს. 

მილანი – ვერონა

მოახლოებულ ტურის ერთ-ერთი მთავარი ინტრიგა “მილანის” შეხვედრაა, რომელიც პიპო ინძაგისთვის კლუბის მთავარი მწვრთნელის პოსტზე, შესაძლოა, უკანასკნელი აღმოჩნდეს.

“როსონერის” სან-სიროზე “ვერონა” ესტუმრება. გუნდი, რომელიც წელს საუკეთესო სეზონს ვერ ატარებს და გასულ ტურამდე 4-მატჩიანი მოუგებელი სერია ჰქონდა. “მილანს” შედარებით უკეთესი შედეგები აქვს. ინძაგის შეგირდებმა უკანასკნელ 5 ტურში მხოლოდ ერთხელ, “იუვენტუსთან” წააგეს, მაგრამ საშუალო დონის გუნდებთან დაკარგული ქულები გუნდს საკადრის პოზიციებზე აღზევეაში ხელს უშლის. სწორედ ამის გამო, ახალგაზრდა სპეციალისტის მომავალი მილანურ კლუბში ბურუსით არის მოცული და დღევანდელ შეხვედრას ამ თვალსაზრისით მისთვის დიდი მნიშვენლობა აქვს.

ნაპოლი – ინტერი

არც თუ ისე კარგ მდგომარეობაში მყოფი მეორე მილანური კლუბი გათამაშების ერთ-ერთ ლიდერს ესტუმრება. “ინტერის” აქტივში “მილანზე” მხოლოდ ერთი ქულით მეტია.

“ნაპოლი” გასულ ტურში “ტორინოსთან” დამარცხდა და ლიდერთა დუეტთა მიახლოვების კარგი შანსი გაუშვა ხელიდან. გარდა ამისა “ფიორენტინასთან” “ინტერის” მარცხმა ცხრილის ზედა ნაწილში ვითარება დაძაბა და ნეაპოლეტანელთა მხრიდან ქულების მორიგი დაკარგვა, შესაძლოა, მესამე პოზიციის დაკარგვას ნიშნავდეს.

ლაციო – ფიორენტინა

ტურის ცენტრალურ დაპირისპირებას გასული სათამშო დღის მსგავსაც ამჯერადაც რომის სტადიო ოლიმპიკო მიიღებს. მაგრამ, ამჯერად მასპინძელი არა “რომა”, არამედ “ლაციო” იქნება, რომელსაც მთავარი კონკურენტი, “ფიორენტინა” ესტუმრება. გუნებს შორის სხვაობა მხოლოდ ერთი ქულაა, სანუკვარ მესამე პოზიციის მოსაპოვებლად კი, შესაძლოა, ერთი გამარჯვებაც საკმარისი იყოს.

პირველი წრის შეხვედრაში რომაელებმა ფლორენციაში დამაჯერებელი გამარჯვების მოპოვება შეძლეს, მაგრამ ახლა “ფიორენტინა” საუცხოო ფორმაშია და 2015-ში ფაქტობრივად დაუმარცხებლად ასპარეზობს, თუ “პარმასთან” მოულოდნელ წაგებას არ ჩავთვლით. შესანიშნავ ფორმაშია გუნდის ახალწვეული მოჰამედ სალაჰი, რომელიც ფლორენციელთა ნამდვილ ლიდერად ყალიბდება. ასე რომ, მოახლოებულ დაპირისპირებაში შეგვიძია “ფიორენტინას” მცირე უპირატესობაც მივანიჭოთ.

ტურის ყველა მატჩი და ევროპაბეთის კოეფიციენტები

07.03	21:00	სამპდორია	1.90	3.40	4.35	კალიარი		დაწვრილებით
07.03	23:45	მილანი	1.68	3.70	5.50	ვერონა		დაწვრილებით
08.03	15:30	ჩეზენა	3.05	3.20	2.45	პალერმო		დაწვრილებით
08.03	18:00	უდინეზე	2.70	3.10	2.80	ტორინო		დაწვრილებით
08.03	18:00	კიევო	4.55	3.25	1.91	რომა		დაწვრილებით
08.03	18:00	ემპოლი	2.30	3.20	3.30	ჯენოა		დაწვრილებით
08.03	18:00	პარმა	3.60	3.05	2.25	ატალანტა		დაწვრილებით
08.03	23:45	ნაპოლი	2.02	3.40	3.85	ინტერი		დაწვრილებით
09.03	22:00	ლაციო	2.05	3.40	3.80	ფიორენტინა		დაწვრილებით
09.03	23:55	იუვენტუსი	1.22	6.50	13.50	სასუოლო		დაწვრილებით

Fanebi.com წარმოგიდგენთ იტალიის სერია A-ს 25-ე ტურის მიმოხილვას.

კიევო – მილანი

იტალიური სერიას გასული ტური ვერონაში, “კიევოსა” და “მილანის” მატჩით დაიწყო. ინძაგის შეგირდებმა კვლავ ვერ მოიგეს და მეათე პოზიციაზე აღმოჩნდნენ.

გათამაშების ერთ-ერთი აუტსაიდერთან დაკარგული ქულები მილანელთა ხელმძღვანელობისთვის საგანგაშო აღმჩნდა. ვრცდელდება ინფორმაცია, რომ ინძაგისთვის შემდეგი მატჩი გადმწყვეტი იქნება. იმ შემთხვევაში, თუ “მილანი” ვერ მოიგებს, პიპო საკუთარ თანამდებობას დაემშვიდობება.

ინტერი – ფიორენტინა

დადებით შედეგს ვერც მეორე მილანურმა კლუბმა მიაღწია, თუმცა ბოლო დროინდელი შედეგების გათვალისწინებით, “ინტერის” მდგომარეობა შედარებით უკეთესია. შესანიშნავ ფორმაში მყოფი “ფიორენტინასთან” მინიმალური მარცხიც ტრაგედია ნამდვილად არ არის. შეხვედრის ბედი 55-ე წუთზე გატანილი გოლით მოჰამედ სალაჰმა გადაწყვიტა. ეგვიპტელი ფლორენციულ კლუბს შესანიშნავად შეეწყო და გუნდის ერთ-ერთ ლიდერად ყალიბდება. ამ გამარჯვებით “ფიორემ” თავი 42 ქულას მოუყარა და მესამეზე მყოფ “ნაპოლის” მხოლოდ 3 ქულით ჩამორჩება.

რომა – ფიორენტინა

ტური ორშაბათს, რომში გამართული ცენტრალური დაპირისპირებით დასრულდა. “რომა” წაგების შემთხვევაში საჩემპიონო ბრძოლას ფაქტობრივად ეთიშებოდა, თუმცა საბოლოოდ შეხვედრა ფრედ დასრულდა და ცხრილშიც არანაირი ცვლილება არ მომხდარა.

შეხვედრა საკმაოდ უხეში გამოდგა – მთავარა არბიტრმა, დანიელე ორსატომ 11 ყვითელი და ერთი წითელი ბარათი უჩვენა მოთამაშეებს. აღსანიშნავია, რომ წითელი რომაელმა ტოროსიდისმა 62-ე წუთზე მიიღო, ამ მომენტიდან 2 წუთში კი “იუვემ” კარლოს ტევესის გოლით ანგარიში გახსნა. უმცირესობაში დარჩენილი “რომა” არ დანებდა და 78-ე წუთზე კეიტას ძალისხმევით გათანაბრება და საბოლოოდ ანგარიშიც დაფიქსირება შეძლო.

ტურის ყველა მატჩი

28.02	23:45	კიევო		0:0		მილანი		დაწვრილებით
01.03	15:30	კალიარი		1:2		ვერონა		დაწვრილებით
01.03	18:00	ჩეზენა		1:0		უდინეზე		დაწვრილებით
01.03	18:00	ატალანტა		1:2		სამპდორია		დაწვრილებით
01.03	18:00	ჯენოა		PSTP		პარმა		დაწვრილებით
01.03	18:00	სასუოლო		0:3		ლაციო		დაწვრილებით
01.03	18:00	პალერმო		0:0		ემპოლი		დაწვრილებით
01.03	21:00	ინტერი		0:1		ფიორენტინა		დაწვრილებით
01.03	23:45	ტორინო		1:0		ნაპოლი		დაწვრილებით
02.03	23:45	რომა		1:1		იუვენტუსი		დაწვრილებით

Fanebi.com წარმოგიდგენთ იტალიის სერია A-ს 25-ე ტურის პრევიუს.

კიევო – მილანი

იტალიური ლიგის მორიგი ტური შაბათს გასამართი ერთი შეხვედრით აიღებს სტარტს. ვერონში “კიევოს” “მილანი” ესტუმრება, რომელიც ბოლო დროს კარგი თამაშით ვერ გამოირჩევა, მაგრამ გასულ ტურში “ჩეზენას” დამარცხებით მდგომარეობა ოდნავ გამოისწორა. “კიევოზე” მსგავს რამეს ვერ ვიტყვით… “ემპოლისთან” მარცხის შემდეგ გუნდი გასავარდნ ზონას კიდევ უფრო მეტად მიუახლოვდა და მე-18 პოზიციას მხოლოდ 4 ქულით უსწრებს. ამრიგად, შეხვედრას ორივე გუნდისთვის დიდი მნიშვნელობა აქვს.

ინტერი – ფიორენტინა

ბოლო დროს მილანელებმა მდგომარეობა გამოისწორეს და ჟოზე მოურინიოს წასვლის შემდეგ პირველად შეძლეს ზედიზედ სამი მატჩის მოგება. კარგ ფორმაში “ფიორენტინაც”, რომელმაც ევროპის ლიგაზე “ტოტენჰემი” საკმაოდ დამაჯერებლად დაამარცხა ჩემპიონატში კი სამეულში მოსახვედრად იბრძვის.

პირველ წრეში ფლორენციელებმა “ინტერს” დამაჯერებლად, სამ ბურთიანი სხვაობით სძლიეს. ამჯერად კი მსგავსი სცენარის განმეორება ალბათ წარმოუდგენელიც კი არის და გუნდებისგან უფრო დაძაბულ დაპირისპირებას უნდა ველოდოთ.

რომა – ფიორენტინა

ტური ორშაბათს, რომში გასამართი მეორე წრის ერთ-ერთი მთავარი შეხვედრით დასრულდება. ამ გუნდების მიმდიანრე სეზონსი პირველი შემდეგ რომაელები მსაჯობასთან დაკავშირებით უკმაყოფილებას გამოთქვამდნენ და მარცხსაც სწორედ ამ ფაქტორს აბრალებდნენ. ამასთან ერთად, რომაელები იმედებს სეზონის მეორე ნაწილს უკავშირებდნენ. ვითარება ნამდვილად შეიცვალა, თუმცა “რომასთვის” ის უკეთესი არ გამხდარა.

24 ტურის შემდეგ “მგლები” ლიდერ “იუვენტუსს” 9 ქულით ჩამორჩებიან. ფაქტობრივად, ორშაბათს გასამართი მატჩი გარსიას გუნდისთვის ჩემპიონობისთვის ბრძოლაში ჩასაბმელად უკანასკნელი შანსია. თუმცა, “რომას” წარმატების შანსი, მისი ბოლო დროინდელი შედეგებიდან გამომდინარე, საკმაოდ მცირეა.

ტურის ყველა მატჩი და ევროპაბეთის კოეფიციენტები 

28.02	23:45	კიევო	2.85	3.10	2.70	მილანი		დაწვრილებით
01.03	15:30	კალიარი	2.15	3.20	3.70	ვერონა		დაწვრილებით
01.03	18:00	ჩეზენა	3.00	3.10	2.55	უდინეზე		დაწვრილებით
01.03	18:00	ატალანტა	2.60	3.05	2.95	სამპდორია		დაწვრილებით
01.03	18:00	ჯენოა		გადაიდო		პარმა		დაწვრილებით
01.03	18:00	სასუოლო	3.30	3.15	2.32	ლაციო		დაწვრილებით
01.03	18:00	პალერმო	2.35	3.10	3.30	ემპოლი		დაწვრილებით
01.03	21:00	ინტერი	2.30	3.20	3.35	ფიორენტინა		დაწვრილებით
01.03	23:45	ტორინო	3.15	3.15	2.40	ნაპოლი		დაწვრილებით
02.03	23:45	რომა	3.00	3.20	2.55	იუვენტუსი		დაწვრილებით