საჩხერის “ჩიხურაში” კარიერას “ზესტაფონის” ორი ფეხბურთელი გააგრძელებს.
ფაქტობრივად გადაწყვეტილია, რომ სოსო ფრუიძის გუნდის ღირსებას ახალი წლიდან ლევან შარიქაძე და მიშიკო სარდალიშვილი დაიცავენ.
შეგახსენებთ, “ზესტაფონში” არსებული ფინანსური პრობლემების გამო გუნდი ფაქტობრივად ყველა მოთამაშემ დატოვა. იმერული კლუბის ბედი უახლოეს მომავალში გაირკვევა.
შესაძლოა, მალე, “ზესტაფონის” ნახევარმცველი, ლევან შარიქაძე და “გაგრას” მცველი, გიორგი გადრანი უკრაინის ჩემპიონატში ვიხილოთ.
გაზეთ “უკრაინულ ფეხბურთთან” საუბრისას, საფეხბურთო კლუბ “გაგრას” პრეზიდენტმა, ბესო ჩიხრაძემ თქვა, რომ უკრაინელებთან მოლაპარაკებები უკვე მიმდინარეობს.
“ამ მომენტისთვის მიმდინარეობს მოლაპარაკება ორ ქართველ ფეხბურთელზე – „ზესტაფონში“ მოთამაშე ლევან შარიქაძეზე და „გაგრას“ ცენტრალურ მცველ გიორგი გადრანზე. კლუბების დასახელებისგან ჯერ თავს შევიკავებ”, – ციტირებს ჩიხრაძის სიტყვებს FCGagra.GE.
*FCZestafoni.GE-ს ფოტო
